Skipulagsnefnd

Erindi dagsett 7. mars 2016 þar sem Smári Sigurðsson f.h. Kirkjugarða Akureyrar óskar eftir að hugmynd um framtíðarland fyrir grafreit í Naustaborgum verði tekin til málefnalegrar skoðunar. Einnig hefur borist ósk um að greiningarvinna verði unnin fyrir mat á valkostum varðandi staðsetningu. Lögð fram greining dagsett 1. júní 2016. Greininguna vann Ómar Ívarsson hjá Landslagi, sem kynnti hana á fundinum.

Lögð fram tillaga Teiknistofu arkitekta að rammaskipulagi Oddeyrar.

Umræða um tillögu að deiliskipulagi Hvannavallarreits. Lagður fram tölvupóstur Odds Víðissonar ásamt hugmynd að breytingu bílastæða á reitnum dagsettur 14. júní 2016. Lagður fram tölvupóstur Árna Ólafssonar dagsettur 14. júní 2016 með umsögn um tillöguna.

Tekin til umræðu breyting á aðalskipulagi vegna þéttingar byggðar við Melgerðisás.

Skipulagsnefnd samþykkti þann 27. apríl 2016 að unnið yrði deiliskipulag fyrir hafnarsvæðið í Hrísey. Lögð fram skipulagslýsing dagsett 22. júní 2016, unnin af Ómari Ívarssyni hjá Landslagi.

Erindi dagsett 2. mars 2016 þar sem Magni R. Magnússon sendir inn fyrirspurn vegna breytinga að Naustum 2. Skipulagsnefnd synjaði erindinu 9. mars 2016.

Á fundi sínum þann 19. maí 2016 vísaði bæjarráð til skipulagsdeildar 13. lið úr fundargerð viðtalstíma bæjarfulltrúa dagsett 12. maí 2016.

Magni R. Magnússon mætti í viðtalstíma bæjarfulltrúa.

Magni var ósáttur við að fá synjun, án rökstuðnings, á því að fá að breyta gömlu

húsi á lóð sinni í íbúðarhús. Hann spyr hvað sé í veginum fyrir því enda lóðin umlukin íbúðahverfi.

Þá fannst honum skrítið að lóð hans sé skilgreind sem stofnanalóð og spurði hvort landnotkun ætti ekki að vera blönduð, stofnanir, þjónusta og íbúðir.

Erindi dagsett 9. júní 2016 þar sem Hjörtur Narfason f.h. HGH verks ehf., kt. 540510-0400, sækir um framlengingu á lóðarsamning fyrir Súluveg landnúmer 149595.

Tekin til afgreiðslu tillaga að breytingu á deiliskipulagi vegna viðbygginga við húsið Dalsbraut 1.

Skipulagstillagan var grenndarkynnt frá 20. maí til 17. júní 2016.

Engin athugasemd barst.

Umsögn barst frá:

1) Norðurorku, dagsett 25. maí 2016.

Við fyrirhugaða stækkun þarf að færa lagnir og kerfisíhluti Norðurorku. Slík færsla mun verða á kostnað umbeiðanda, kort fylgir.

Tekin til afgreiðslu tillaga að breytingu á deiliskipulagi lóðarinnar vegna viðbyggingar við húsið nr. 5 við Draupnisgötu.

Skipulagstillagan var auglýst frá 4. maí með athugasemdafresti til 15. júní 2016. Auglýsingar birtust í Lögbirtingablaðinu og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar. Engin athugasemd barst.

Tekin til afgreiðslu tillaga um að breyta efri hæð hússins nr. 9 við Austurveg í Hrísey í gistiskála. Erindið var grenndarkynnt 18. maí og var athugasemdafrestur til 15. júní 2016.

Engin athugasemd barst.

Erindi dagsett 19. maí 2016 þar sem Ágúst Hafsteinsson f.h. Vífilfells hf., kt. 47019-1419, sækir um lóðarstækkun á lóð nr. 18 við Furuvelli, vegna fyrirhugaðrar byggingar 8 nýrra bruggtanka. Meðfylgjandi eru teikningar eftir Ágúst Hafsteinsson. Ný tillaga kom inn 9. júní 2016 þar sem fyrirkomulag tankanna er breytt þannig að þeir rúmast innan lóðar, valkostur B.

Erindi dagsett 23. maí 2016 þar sem Tryggvi Tryggvason f.h. Árness ehf., kt. 680803-2770, óskar eftir stækkun á byggingarreit á lóð nr. 2 við Nonnahaga. Lagðar voru fram tvær útfærslur A og B.

Skipulagsnefnd heimilaði umsækjanda á fundi 1. júní 2016, að leggja fram tillögu að breytingu á deiliskipulagi í samræmi við tillögu A. Breytingin verði unnin í samræmi við 3. mgr. 44. gr. skipulagslaga nr. 123/2010.

Annað erindi barst 9. júní 2016 þar sem einnig var óskað eftir lóðarstækkun.

Erindi dagsett 18. maí 2016 þar sem Ágúst Hafsteinsson f.h. GB2015 ehf., kt. 440515-0450, sækir um breytingu á deiliskipulagi fyrir lóðina Skipagötu 12. Meðfylgjandi er teikning eftir Ágúst Hafsteinsson.

Fyrirspurn dagsett 4. febrúar 2016 frá Haraldi Árnasyni um möguleika á að byggja hótel á lóðinni, sem mundi tengjast Hótel Akureyri á næstu lóð, Hafnarstræti 67.

Skipulagsnefnd samþykkti 26. ágúst 2015 að gerðar yrðu verklagsreglur um leyfisveitingar fyrir gáma. Lögð voru fram drög að verklagsreglum.

Lögð fram bókun bæjarráðs frá 2. júní 2016, þar sem tillögum aðgerðarhóps er vísað til nefnda. Einnig lagðar fram upplýsingar um verkefni sem sett verða til frekari úrvinnslu.

Erindi dagsett 14. júní 2016 þar sem Jóhann Freyr Jónsson er með fyrirspurn varðandi flutning sumarhúss á lóð Hrappstaða. Meðfylgjandi eru myndir.

Erindið Minjaverndar dagsett 24. nóvember 2015 um breytta skráningu hússins úr íbúðarhúsnæði í atvinnhúsnæði, þ.e. íbúðahótel, var grenndarkynnt frá 9. maí með athugasemdafresti til 6. júní 2016.

Tvær athugasemdir bárust:

1. Jóhann Heiðar Sigtryggsson mótmælir fyrirhuguðum breytingum fyrir Aðalstræti 4. Mikið ónæði sé nú þegar frá ísbúðinni í Aðalstræti 3 og svæðið þoli ekki meiri umgang.

2. Inga Elísabet Vésteinsdóttir og Orri Harðarson.

a) Nágrannar Aðalstrætis 4 fara fram á að umferðarmál á svæðinu verði endurskoðuð vegna mikillar aðsóknar í fyrirtæki á svæðinu.

b) Meðfylgjandi er tillaga að breytingum á umferðarmálum á svæðinu.

Erindi dagsett 9. júní 2016 þar sem Þorbjörg Dóra Gunnarsdóttir sækir um lóðarstækkun á lóð nr. 9a við Lækjargötu. Meðfylgjandi er teikning.

Erind dagsett 29. maí 2016 þar sem Kristján Sigurður Sverrisson spyr um möguleika á að byggja ofan á Dalsbraut 1 og gera 2. og 3. hæð að smáíbúðum til útleigu.

Erindi dagsett 26. apríl 2016 þar sem Þóra Ragnheiður Stefánsdóttir f.h. Heimavista MA og VMA á Akureyri, óskar eftir því að gangbraut verði sett við Hrafnagilsstræti. Óskað var eftir að Lundur, fasteignafélag hefði samráð við nemendur og íbúa heimavistarinnar um staðsetningu gangbrautarinnar. Meirihluti íbúa vill gangbraut ofan Skólastígs.

Erindi dagsett 8. desember 2014 þar sem Gunnar Jónsson sækir um lóð nr. 5-7 við Norðurgötu. Lögð fram umsögn höfundar rammaskipulags fyrir Oddeyri.

Á fundi sínum þann 19. maí 2016 vísaði bæjarráð til skipulagsdeildar 14. lið a) úr fundargerð viðtalstíma bæjarfulltrúa dagsett 12. maí 2016.

Ólafur Héðinsson mætti í viðtalstíma bæjarfulltrúa.

a) Vill fá að vita hvað líður hverfisúttekt og deiliskipulagi Gerðahverfis. Hann hefur áhuga á að fá að byggja bílskúra við raðhúsið sitt í félagi við fleiri og óskar eftir lóð undir slíkt mannvirki.

Á fundi sínum þann 3. desember 2015 vísaði bæjarráð til skipulagsdeildar 15. lið úr fundargerð viðtalstíma bæjarfulltrúa dagsett 26. nóvember 2015.

Jóhanna Bára Þórisdóttir mætti í viðtalstíma bæjarfulltrúa.

Jóhanna býr í Skólastíg 13 og vill vara við hættu af hættulegri umferð við Íþróttahöllina og Sundlaugina á morgnana. Hún telur að það þurfi að breyta inn- og útkeyrslu á planið frá Skólastígnum.

Á fundi sínum þann 17. desember 2015 vísaði bæjarráð til skipulagsdeildar 1. lið úr fundargerð viðtalstíma bæjarfulltrúa dagsett 10. desember 2015.

Smári Björnsson Lækjargötu 9, hringdi í viðtalstíma bæjarfulltrúa.

Smári bendir á mikinn hraða á ökutækjum í Lækjargötunni og mikla umferð. Spyr hvort hægt sé að setja a.m.k. merki til að draga úr hraðanum. Myndi vilja sjá hraðahindrun í götunni eða þrengingu. Efsti hluti götunnar er malarvegur og kom til tals hvernig ætti að ganga frá götunni endanlega. Smári kom inn á að hann vildi halda götunni opinni og ekki gerð að botnlanga.

Á fundi sínum þann 19. maí 2016 vísaði bæjarráð til skipulagsdeildar 2. lið úr fundargerð viðtalstíma bæjarfulltrúa dagsett 12. maí 2016.

Þórhalla Jónsdóttir mætti í viðtalstíma bæjarfulltrúa.

Þórhalla vildi benda á að það vantar gangbraut á Hjalteyrargötu í grennd við Vífilfell. Hún sækir vinnu á slippsvæðinu. Það vinna margir austan Hjalteyrargötu og stoppistöðin (við Vífilfell), þar sem hún fer út úr vagninum á strætisvagnaleiðinni, sem hún notar úr Síðuhverfi er að vestanverðu. Hún hefur nýtt sér þjónustu strætisvagnanna síðastliðin 10 ár. Umferðin sé hröð og gatnamótin Tryggvabraut/Hjalteyrargata séu erfið fyrir fótgangandi vegna stærðar þeirra.

Hún bendir einnig á að við gatnamót Undirhlíðar og Krossanesbrautar séu heldur engar gangbrautir. Vill einnig sjá betri staðsetningar á strætóskýlum við Hjalteyrargötu og Krossanesbraut.

Á fundi sínum þann 20. apríl 2016 vísaði bæjarráð til skipulagsdeildar 6. lið úr fundargerð viðtalstíma bæjarfulltrúa dagsett 14. apríl 2016.

Ásta Hansen hringdi í viðtalstíma bæjarfulltrúa.

Ásta býr í Ásatúni og kvartar yfir mikilli og hraðri umferð um götuna. Mikið sé um stóra bíla og traktora.

Hún spyr hvort gatan og innkeyrslan við Bónus og inn í Ásatúnið eigi að anna allri þeirri umferð sem komi þegar íbúar í þeim fimm blokkum sem verið er að byggja við Ásatúnið bætist við?

Spyr hvort ekki þurfi að breyta innkeyrslunni inn í Ásatúnið við Bónus.

Á fundi sínum þann 19. maí 2016 vísaði bæjarráð til skipulagsdeildar 2. lið úr fundargerð viðtalstíma bæjarfulltrúa dagsett 12. maí 2016.

Ólafur Þorsteinn Ólafsson mætti í viðtalstíma bæjarfulltrúa. Hann vildi hann vita hvort ekki væri hægt að útfæra nýja útkeyrslu úr Naustahverfi.

Á fundi sínum þann 12. maí 2016 vísaði bæjarráð til skipulagsdeildar 4. lið úr fundargerð viðtalstíma bæjarfulltrúa dagsett 28. apríl 2016.

Hjördís Dísmundsdóttir mætti í viðtalstíma bæjarfulltrúa.

Hún telur að það þurfi að laga gatnakerfið í Naustahverfi, sérstaklega gatnamót Ásatúns og Kjarnagötu á móts við Bónus. Henni finnast mörg gatnamótin í hverfinu of þröng, sem geti valdið slysahættu. Hún bendir einnig á möguleikann að tengja Naustahverfið við Þórunnarstræti með vegtengingu sem hún telur að myndi létta mikið á umferð að og frá hverfinu. Hún bendir á að hraðakstur sé of mikill í Tjarnartúni og telur að það þurfi að setja hraðahindrun í götuna á móts við raðhúsin að austanverðu við götuna.

Erindi dagsett 26. október 2015, þar sem Margrét Erna Blomsterberg óskar eftir að gatnamótin upp úr Ásatúninu verði lagfærð.

Á fundi sínum þann 19. maí 2016 vísaði bæjarráð til skipulagsdeildar 4. lið úr fundargerð viðtalstíma bæjarfulltrúa dagsett 12. maí 2016.

Pálmi Gunnarsson mætti í viðtalstíma bæjarfulltrúa.

Hann hefur áhyggjur af þungaflutningum við Undirhlíð og benti á hættuna samfara þeim. Hann vildi vita hvort ekki væri hægt að grípa til einhverra ráðstafana.

Hann benti á að mikill umferðarhávaði væri frá Krossanesbraut og spurði hvort mældur hávaði væri innan viðmiða í úrbótaskýrslu um hljóðvist, sem samþykkt var fyrir nokkru. Hann sagði að hringtorgið vestan Undirhlíðar væri vettvangur ofsaaksturs án þess að lögreglan teldi sig hafa mannafla í að aðhafast nokkuð.

Erindið er fært í trúnaðarmálabók skipulagsnefndar.

Fundargerð dagsett 9. júní 2016. Lögð var fram fundargerð 589. fundar með fullnaðarafgreiðslum erinda. Fundargerðin er í 12 liðum.

Fundargerð dagsett 2. júní 2016. Lögð var fram fundargerð 588. fundar með fullnaðarafgreiðslum erinda. Fundargerðin er í 18 liðum.

Fundargerð dagsett 15. júní 2016. Lögð var fram fundargerð 590. fundar með fullnaðarafgreiðslum erinda. Fundargerðin er í 7 liðum.