Skráning barna á biðlista í daggæslu

Foreldrar sem eru að leita að dagforeldri er bent á að hafa samband við dagforeldrana til að skrá börn sín á biðlista hjá þeim. Jafnframt eru þeir hvattir til að hafa samband við fræðslu- og lýðheilsusvið Akureyrarbæjar og skrá börn sín á n.k. yfirlitslista / biðlista fyrir verðandi dagforeldra. Yfirlitslistinn / biðlistinn gegnir tvöföldu hlutverki, annars vegar svo fræðslu- og lýðheilsusvið geti haft yfirsýn yfir eftirspurn eftir daggæslu í heimahúsi og hins vegar, þegar nýjir dagforeldrar taka til starfa, er óskað eftir að þeir innriti börn af þeim lista.  

Þegar foreldrar velja dagforeldri fyrir barn sitt er mikilvægt að þeir kynni sér vel þá þjónustu sem í boði er, allar aðstæður á heimili dagforeldra sem nýttar eru til daggæslunnar þ.m.t. leikaðstöðu, bæði úti og inni, hvíldaraðstöðu og leikfangakost.

Mælt er með því að foreldrar kynni sér starfsemi og aðstöðu hjá fleiru en einu dagforeldri og velji síðan þann sem best hentar kröfum þeirra og aðstæðum.  Ákvörðun um vistun barns hjá dagforeldri er ætíð á ábyrgð foreldra.

Mikilvægt er að hafa samband við dagforeldra með góðum fyrirvara til að setja sig á biðlista hjá þeim. Hvert dagforeldri heldur utan um sinn biðlista. 

Sjá lista yfir dagforeldra

Síðast uppfært 23. janúar 2024