Atvinnumál ungs fólks

Akureyrarbær kappkostar að koma til móts við þarfir ungs fólks í atvinnuleit. 

Hér að neðan eru nánari upplýsingar um það sem er í boði: 

Atvinnuátak fyrir 18 - 25 ára

Undanfarin ár hefur Akureyrarbær boðið skólafólki, sem ekki hefur tekist að verða sér út um sumarvinnu, vinnu í 5 vikur í 7 tíma á dag, samtals 175 vinnustundir.

Í boði er sumarvinna hjá fyrir ungmenni með lögheimili á Akureyri á aldrinum 18 - 25 ára (f. 2003 - 1996).

Gert er ráð fyrir að í boði verði vinna í fimm vikur, 7 tíma á dag eða samtals í 175 tíma, en komið gæti til þess að tímafjöldi verði endurskoðaður ef fjöldi umsókna verður umtalsverður.

Í boði eru tvö tímabil og eru umsækjendur beðnir að setja inn sitt óska tímabil í athugasemdir í umsókninni.

· Fyrra tímabil: 14.06 - 19.07.2021

· Seinna tímabil: 13.07. - 20.08.2021

Nánari upplýsingar veita Orri Stefánsson (orri@akureyri.is) í síma 460-1249, Dagný Björg Gunnarsdóttir (dagnybjorg@akureyri.is) og Ester Ósk Árnadóttir (esterosk@akureyri.is) í síma 460-1241.

Einungis er tekið á móti rafrænum umsóknum á heimasíðu Akureyrarbæjar: www.akureyri.is.

Aðgengi að tölvu og aðstoð við innskráningu umsókna stendur til boða í þjónustuveri Akureyrarbæjar, Geislagötu 9.

Vinnuskólinn

Vinnuskólinn hóf störf á Akureyri árið 1951.

Smelltu hér til að finna allar nánari upplýsingar um vinnuskólann.

Virkið - ungir atvinnuleitendur

Virkið er samstarfsverkefni 14 stofnana á Akureyri, staðsett á 4. hæð í Rósenborg.

Tilgangur Virkisins er að virkja unga atvinnuleitendur til aukinnar þátttöku í samfélaginu. Hlutverk Virkisins í því ferli er að veita víðtækan stuðning, leiðbeiningar og aðstoð. Þjónustan er þverfagleg og miðast við aldurshópinn 16 til 25 ára.

Virkið er opið þriðjudaga og fimmtudaga frá kl. 9-12.

Hafa samband: 

Beinn sími: 460 1240

Starfsfólk:

Helga Bergrún Sigurbjörnsdóttir (helgaberg@akureyri.is

 

 

Sumarvinna með stuðningi

Sumarvinna með stuðningi felur í sér víðtækan stuðning við þá sem hafa skerta vinnugetu vegna andlegrar og/eða líkamlegrar fötlunar, aðstoð við að finna starf við hæfi, þjálfun á vinnustað ásamt eftirfylgd.

Þjónustan er einstaklingsbundin þar sem þess er gætt að velja saman starfsmann og starf. Einstaklingurinn fær aðstoð við að læra vinnubrögð og mynda tengsl á vinnustað. 

Auglýst er eftir umsækjendum í sumarvinnu með stuðningi á hverju vori. 

 

Síðast uppfært 05. júlí 2021