Frístundastyrkur

Frístundastyrkur Akureyrarbæjar

دعم أوقات الفراغ, Sport – and leisure subsidy, Pabalsts dalībai pulciņos un ārpusskolas nodarbībās bērniem, Dopłaty do zajęć organizowanych w czasie wolnym

Niðurgreiðsla þátttökugjalda barna og unglinga í íþrótta-, tómstunda- og æskulýðsstarfi á Akureyri / Frístundastyrkur
 

Frístundastyrkurinn 2021 er fyrir börn fædd 2004 til og með 2015.

Styrkurinn er að upphæð kr. 40.000 og gildir frá 1. janúar 2021 - 31.desember 2021.

Úthlutunarreglur Frístundastyrks Akureyrarbæjar.

Skráning iðkenda

Skráning iðkenda hjá aðildarfélögum ÍBA fer í gegnum heimasíður félaganna, Sportablerkerfum félaganna eða á heimasíðu ÍBA 

  • Eftirfarandi félög eru með skráningar á síðu ÍBA:
    • Golfklúbbur Akureyrar
    • Hjólreiðafélag Akureyrar
    • Íþróttafélagið Akur
    • Karatefélag Akureyrar
    • Nökkvi siglingarfélag
    • Skautafélag Akureyrar
    • Skotfélag Akureyrar
    • Ungmennafélag Akureyrar

Skráningar hjá Fimleikafélagi Akureyrar, Íþróttafélaginu Þór og Knattspyrnufélagi Akureyrar er í gegnum heimasíður/Sportablersíður þessara félaga. 

Öll íþróttafélög sem tilheyra sérsamböndum og íþróttanefndum Íþrótta- og ólympíusambandi Íslands (ÍSÍ) hafa heimild til að taka við frístundastyrk frá Akureyrarbæ, að því gefnu að viðkomandi félag hafi tengingu við NORA/Sportabler kerfið og óski eftir samstarfi við Akureyrarbæ. 

Hægt að skrá iðkendur til æfinga og á námskeið hjá eftirfarandi félögum/fyrirtækjum á Akureyri með því að smella á hlekkina: 

Vinsamlegast hafið samband skrifstofu eftirfarandi aðila til að nýta Frístundastyrkinn hjá þeim: 

- - - - - - - - 

Við skráningu iðkenda er einnig gengið frá greiðslu æfingargjalda, á sama tíma er hægt að velja að nota frístundastyrk Akureyrarbæjar til niðurgreiðslu æfingargjalda.

Mikilvægt er að skrá sig inn með rafrænum skilríkjum þegar nota á frístundastyrk Akureyrarbæjar.

Vinsamlegast snúið ykkur til viðkomandi félags/fyrirtækis með spurningar varðandi æfingar, gjöld, skráningar o.fl.

Upplýsingar um frístundastyrk fyrir íþrótta-, tómstunda- og æskulýðsstarf.

Frá árinu 2006 hefur Akureyrarbær veitt börnum á ákveðnum aldri frístundastyrk sem nota hefur mátt til niðurgreiðslu þátttökugjalda hjá íþrótta-, tómstunda- og æskulýðsfélögum á Akureyri.
 

Frá árinu 2014 hefur Akureyrarbær í samstarfi við íþrótta-, tómstunda- og æskulýðsfélög á Akureyri notast við rafrænt greiðslu- og skráningarkerfi (NORA frá Greiðslumiðlun 2014; Sportabler 2020) sem heldur utan um alla umsýslu frístundastyrksins. 

Fyrirkomulagið er með því sniði að foreldrar/forráðamenn fara inn á heimasíðu þess íþrótta-, tómstunda- og/eða æskulýðsfélags þar sem skrá á barn/börn til þátttöku. Á heimasíðu félaganna er/verður hlekkur inná skráningarsíðu þar sem foreldrar/forráðamenn skrá iðkendur. Í lok skráningar- og greiðsluferlisins geta foreldrar/forráðamenn valið að nota frístundastyrkinn frá Akureyrarbæ. Með tilkomu rafræns fyrirkomulags er hægt að skipta frístundastyrknum niður á milli félaga/deilda/námskeiða.

Árin 2006-2014 var styrkupphæðin kr. 10.000 og í gildi fyrir 6-13 ára börn.
Árið 2015 var styrkupphæðin kr. 12.000 og í gildi fyrir 6-17 ára börn.
Árið 2016 var styrkupphæðin kr. 16.000 og í gildi fyrir 6-17 ára börn
Árið 2017 var styrkupphæðin kr. 20.000 og í gildi fyrir 6-17 ára börn.
Árið 2018 var styrkupphæðin kr. 30.000 og í gildi fyrir 6-17 ára börn.
Árið 2019 var styrkupphæðin kr. 35.000 og í gildi fyrir 6-17 ára börn.
Árið 2020 var styrkupphæðin kr. 40.000 og í gildi fyrir 6-17 ára börn.

 

Síðast uppfært 10. ágúst 2021