Starfsmannahandbók

Jónsmessuhátíð á Akureyri er 24 tíma hátíð sem hefst kl. 12 á föstudag og stendur til klukkan 12 á laugardag. Á dagskránni eru 25 viðburðir út um allan bæ og fjölbreytnin er í fyrirrúmi.

Vakin er athygli á frétt um myndræna framsetningu talnaefnis á heimasíðu Sambands íslenskra sveitarfélaga. Þar segir að Hag- og upplýsingasvið sambandsins hefur verið að þróa aðferðir við birtingu gagna og noti hugbúnaðinn Power BI frá Microsoft til að birta gögn myndrænt með gagnvirkum hætti og að þær framsetningar séu nú aðgengilegar á vef sambandsins

Vinnustaðarkeppni ÍSÍ, Hjólað í vinnuna fór fram í maí líkt og áður. Fjöldi starfsstöðva innan Akureyrarbæjar skráði sig í til leiks og kepptist við að hjóla meira en náunginn. Keppnin skiptist í nokkra flokka eftir fjölda starfsmanna. Heilsuráð Akureyrarbæjar veitir stofnunum bæjarins viðurkenningar fyrir góðan árangur í vinnustaðarkeppninni. Í ár var keppnin mikil og greinilegt að margir eru farnir að grípa í hjólið í maí. Útkoman var að fleiri hljóta nú viðurkenningu Heilsuráðs en áður enda fleiri orðnir duglegir en áður J Í ár voru það sjö stofnanir sem stóðu sig framúrskarandi vel. Heilsuráð fór á stúfana í síðustu viku og afhenti viðurkenningarnar til hlutaðeigandi aðila, sem voru Naustaskóli, Síðuskóli, Lundarskóli, Giljaskóli, Ráðhús Akureyrar, Amtsbókasafnið/Héraðsskjalasafnið og Heilsuleikskólinn Krógaból.