Strætó

Hlutverk Strætisvagna Akureyrar (SVA) er að annast almenningssamgöngur á Akureyri með akstri vagna í samræmi við tímasett leiðakerfi. Ókeypis er fyrir farþega að ferðast með strætisvögnum Akureyrar. Hægt er að skoða nánar ferðir vagnanna á www.straeto.is og einnig bendum við á facebook-síðu SVA þar sem hægt er að finna upplýsingar um raskanir á akstri, óskilamuni og fleira. 

                                                     Tímatafla:      Kort:     
Leið 1: Brekka-Naustahverfi         Leið 1             Leið 1 og 3
Leið 2: Naustahverfi-Brekka         Leið 2            Leið 2 og 4
Leið 3: Giljahverfi-Síðuhverfi        Leið 3            Leið 1 og 3
Leið 4: Síðuhverfi-Giljahverfi        Leið 4            Leið 2 og 4
Leið 5: Naustahverfi-Síðuhverfi    Leið 5            Leið 5
Leið 6: Síðuhverfi-Naustahverfi    Leið 6            Leið 6

Yfirlitskort - allar leiðir

Leið 1 ekur frá klukkan 06:25 til 18:54 alla virka daga
Leið 2 ekur frá klukkan 07:00 til 18:31 alla virka daga
Leið 3 ekur frá klukkan 07:02 til 18:28 alla virka daga
Leið 4 ekur frá klukkan 06:28 til 18:55 alla virka daga
Leið 5 ekur frá klukkan 06:50 til 19:47 alla virka daga

Leið 6 ekur frá kl. 6.25 til 22.55 alla virka daga og frá 12.18 til 18.55 um helgar og á frídögum* en ekki á stórhátíðardögum**

*Hér undir eru: Skírdagur, annar í páskum, uppstigningardagur, sumardagurinn fyrsti, 1. maí, annar í hvítasunnu, frídagur verslunarmanna og annar í jólum.

** Hér undir eru: Nýársdagur, föstudagurinn langi, páskadagur, hvítasunnudagur, 17. júní, jóladagur og eftir kl. 12 á aðfangadag og gamlársdag.


Heimilisfang: Rangárvöllum, 600 Akureyri
Sími: 462 4929 (skrifstofa)
Netfang: svak@akureyri.is

Opnunartími skrifstofu er frá 07:30 – 15:30 alla virka daga

SVA rekur einnig ferliþjónustu fyrir fatlaða og aldraða einstaklinga sem ekki geta nýtt sér hefðbundna þjónustu SVA. Ferliþjónustan hefur til þess sér útbúna bíla og er ekið frá klukkan 07:30 til 23:30 alla virka daga.
Um helgar og aðra almenna frídaga er akstrinum sinnt af Bifreiðastöð Oddeyrar (BSO) og tekur Akureyrarbær þátt í ferðakostnaði með sérstökum ferðakortum.

Allar beiðnir um akstur eða breytingar á ferðum þurfa að tilkynnast fyrir klukkan 15:30 daginn áður en akstur fer fram í síma 462 5959.
Vaktsími ferliþjónustu frá 15:30 – 23:30 á virkum dögum er 840-4167.

Um helgar og á frídögum er hægt að panta akstur hjá BSO í síma 461 1010.

Þar sem BSO er ekki með hjólastólabíl til umráða benda þeir á Jósep Snæbjörnsson til að panta ferliakstur með hjólastól, hægt er að hafa beint samband við hann í síma 845-0090. Akureyrarbær tekur með sama hætti þátt í þeim ferðakostnaði eins og með BSO.

Síðast uppfært 29. janúar 2021