Dagskrá næsta bæjarstjórnarfundar

Bæjarstjórnarfundir eru að jafnaði fyrsta og þriðja þriðjudag hvers mánaðar. Í júlí og ágúst er yfirleitt fundarhlé hjá bæjarstjórn og hefur bæjarráð þá heimild til fullnaðarafgreiðslu mála. Fundirnir eru haldnir í salnum Hömrum í Hofi og hefjast kl. 16:00. Sjónvarpað er frá fundunum daginn eftir, miðvikudag, kl. 14:00 á sjónvarpsstöðinni N4. Bein útsending er frá fundunum á heimasíðu Akureyrarbæjar og upptökur frá þeim er einnig hægt að nálgast hér.


Dagskrá bæjarstjórnarfundar 19. janúar 2020 - ATH. að þessi fundur er fjarfundur og því ekki hægt að fylgjast með honum í Hofi. 

1. 2018060500 - Bæjarstjórn Akureyrarbæjar - breytingar í nefndum 2018-2022
Tekið fyrir erindi Hildar Bettyjar Kristjánsdóttur varabæjarfulltrúa L-lista þar sem hún óskar eftir lausn frá störfum varabæjarfulltrúa vegna búsetu erlendis. Hildur Betty fékk ársleyfi frá störfum varabæjarfulltrúa frá 1. desember 2019 til 1. desember 2020.

2. 2019110087 - Reglur Akureyrarbæjar um meðferð tölvupósts og netnotkun - endurskoðun 2019-2020
Liður 1 í fundargerð bæjarráðs dagsettri 17. desember 2020:
Lögð fram tillaga að breytingum á reglum um meðferð tölvupósts og netnotkun.
Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.
Bæjarráð samþykkir reglurnar fyrir sitt leyti með fimm samhljóða atkvæðum og vísar þeim til afgreiðslu í bæjarstjórn.

3. 2011030133 - Ungmennaráð - starfsemi
Liður 7 í fundargerð bæjarráðs dagsettri 14. janúar 2021:
Liður 6 í fundargerð frístundaráðs dagsettri 18. nóvember 2020:
Lagðar fram til samþykktar breytingar á samþykkt um ungmennaráð.
Alfa Aradóttir forstöðumaður forvarnamála, Ellert Örn Erlingsson forstöðumaður íþróttamála og Hrafnhildur Guðjónsdóttir verkefnastjóri barnvæns sveitarfélags sátu fundinn undir þessum lið.
Frístundaráð samþykkir tillögu ungmennaráðs á samþykkt um ráðið og vísar samþykktinni til bæjarráðs.
Málið var áður á dagskrá bæjarráðs 26. nóvember sl. og var þá frestað og vísað til bæjarlögmanns til skoðunar.
Bæjarráð vísar samþykktinni til afgreiðslu í bæjarstjórn.

4. 2020090736 - Tjaldsvæðisreitur og Skarðshlíð 20 - breyting á aðalskipulagi
Liður 3 í fundargerð skipulagsráðs dagsettri 13. janúar 2021:
Lögð fram að lokinni kynningu skv. 2. mgr. 30. gr. skipulagslaga nr. 123/2010, tillaga að breytingu á aðalskipulagi Akureyrar 2018-2030 sem nær til tjaldsvæðisreits við Þingvallastræti og lóðar nr. 20 við Skarðshlíð. Barst 1 eitt athugasemdabréf og 1 umsögn á kynningartíma.
Skipulagsráð leggur til við bæjarstjórn að aðalskipulagsbreytingin verði auglýst skv. 1. mgr. 31. gr. skipulagslaga nr. 123/2010.

5. 2020120326 - Austursíða 2 - deiliskipulagsbreyting
Liður 7 í fundargerð skipulagssráðs dagsettri 13. janúar 2021:
Erindi dagsett 11. desember 2020 þar sem Norðurtorg ehf. sækir um breytingu á deiliskipulagi fyrir lóðina Austursíðu 2. Í breytingunni felst eftirfarandi:
1. Ný viðbótar aðkoma með inn- og útkeyrslu frá Austursíðu,
2. Byggingareitur aðalbyggingar framlengdur til suðurs, framyfir samþykkt skyggni framan við verslanarýmin.
3. Byggingareitur aðalbyggingar stækkaður fyrir glerbyggingu sem yfirbyggt útisvæði verslunar.
4. Gerður nýr byggingareitur fyrir allt að 300 m² þjónustuhús á lóðarmörkum við Austursíðu.
5. Gerður nýr byggingareitur fyrir svæði fyrir hraðhleðslustöðvar með tilheyrandi spennistöð.
Skipulagsráð leggur til við bæjarstjórn að deiliskipulagsbreytingin verði auglýst skv. 1. mgr. 41. gr. skipulagslaga nr. 123/2010 með smávægilegum lagfæringum á uppdrætti.

6. 2021010534 - Skýrsla bæjarstjóra
Ásthildur Sturludóttir bæjarstjóri fer yfir helstu atriði í störfum sínum frá síðasta fundi bæjarstjórnar.

Eftirtaldar fundargerðir eru lagðar fram til kynningar:

Afgreiðslufundur byggingarfulltrúa 21. desember 2020, 7. og 14. janúar 2021
Bæjarráð 17. desember 2020, 7. og 14. janúar 2021
Frístundaráð 16. desember 2020
Fræðslunefnd 13. janúar 2021
Kjarasamninganefnd 27. nóvember 2020
Skipulagsráð 13. janúar 2021
Umhverfis- og mannvirkjaráð 11. desember 2020
Velferðarráð 13. janúar 2021

Hægt er að nálgast fundargerðirnar á heimasíðu Akureyrarbæjar: https://www.akureyri.is/is/stjornkerfi/stjornsysla/fundargerdir

 

Síðast uppfært 15. janúar 2021