Um vinnuskólann

Umsjónarmaður
Umsjónarmaður sér um daglegan rekstur Vinnuskóla og sumarvinnu með stuðningi.

Verkstjórar
Verkstjórar Vinnuskólans eru tveir, annar sér um 14 og 15 ára unglingana en hinn sér um 16 og 17 ára unglingana. Einnig starfar verkstjóri sumarvinnu með stuðningi hjá Vinnuskólanum.

Flokkstjórar
Flokkstjórar Vinnuskólans eru um 25. Flestir vinna með unglinga á aldrinum 14 og 15 ára en einnig vinna flokkstjórar með 16 ára unglingum t.d. á golfvellinum, Tjaldsvæðinu að Hömrum, gróðrarstöðinni við Krókeyri og atvinnu með stuðningi.

Starfsstöðvar
Starfsstöðvar Vinnuskólans eru 9 talsins en þær eru í Brekkuskóla, Giljaskóla, Glerárskóla, Lundarskóla, Naustaskóla, Oddeyrarskóla, Síðuskóla, Hrísey og Grímsey. Einnig vinna unglingar hjá stofnunum og félögum bæjarins. Unglingum með gróðurofnæmi eða félagsleg vandamál er í mörgum tilfellum boðið upp á að vinna á leikskólum bæjarins eða önnur úrræði fundin.

Starfsemi Vinnuskólans
Í Vinnuskólanum starfa 14-17 ára unglingar. 14 og 15 ára unglingar eru í vinnuhópum sem starfa um bæinn á starfsstöðvum í sínum hverfisskóla. Hóparnir hafa aðstöðu í grunnskólum bæjarins fyrir verkfæri. Vinna 16 og 17 ára unglinga fer fram hjá stofnunum og félögum Akureyrar og felst að mestu í gróðurumhirðu.

Ofnæmisbörn
Unglingum með gróðurofnæmi, asma eða félagsleg vandamál er boðin vinna á leikskólum bæjarins, Amtsbókasafninu ásamt fleiri stofnum sem hafa verið tilbúnar að leggja þessum hluta starfseminnar lið.

Markmið með starfsemi Vinnuskóla Akureyrar er meðal annars að

• Fegra og snyrta umhverfi okkar og halda því óaðfinnanlegu.
• Byggja upp vinnuvirðingu hjá nemendum og flokkstjórum.
• Skapa trausta og sterka liðsheild í öllu starfi Vinnuskólans.
• Bjóða upp á eftirsóknarvert starf í Vinnuskólanum með áherslu á þátttöku unglinga í þroskandi og skapandi starfi.
• Veita unglingum Vinnuskólans fjölbreytileg tækifæri til að fræðast um bæinn og nágrenni hans.
• Kenna unglingum verklag, virðingu, stundvísi og aga.
• Viðhalda jákvæðri ímynd um vinnuskólann og gera hana enn jákvæðari.
• Veita fræðslu á ýmsum sviðum auk forvarna.

Sérstaða Vinnuskólans er að

• Ekki er skólaskylda í Vinnuskólanum.
• Vinnuskólinn starfar samkvæmt samþykktum Akureyrarbæjar en ekki samkvæmt lögskipaðri námskrá.
• Vinnuskólanum er skylt að taka við öllum nemendum sem skrá sig til sumarvinnu á aldrinum 14-17 ára og eiga lögheimili á Akureyri.