Skólastefna nýsmíði 2017

Fræðsluráð samþykkir að stofna stýrihóp fyrir nýsmíði skólastefnu fyrir Akureyrarbæ.

Stýrihópinn skipa:

Dagbjört Pálsdóttir (varamaður: Dagný Þóra Baldursdóttir)

Brynhildur Pétursdóttir (varamaður: Baldvin Valdemarsson)

Soffía Vagnsdóttir sviðsstjóri fræðslusviðs

Verkefnisstjóri.

Sviðsstjóra fræðslusviðs er falið að gera erindisbréf fyrir fulltrúa stýrihópsins.

Fræðsluráð þakkar Kristrúnu Lind fyrir hvetjandi innlegg við aðdraganda að vinnu við nýja skólastefnu Akureyrarbæjar.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista leggja fram eftirfarandi bókun:

Fulltrúar minnihlutans skora á meirihlutann að sýna þann metnað að vinna markvisst að endurnýjun skólastefnu Akureyrarbæjar og klára hana ásamt aðgerðaáætlun fyrir árslok 2019.

Fræðsluráð vísar drögunum til kynningar í ráðum bæjarfélagsins.

Sviðsstjóra fræðslusviðs er falið að útbúa erindisbréf fyrir vinnuhóp vegna áframhaldandi vinnu við gerð skólastefnu og leggja fyrir næsta fund fræðsluráðs.

Fræðsluráð samþykkir framlagt erindisbréf.

Fræðsluráð felur formanni og sviðsstjóra að leita aðila til að ljúka vinnu við menntastefnu bæjarins og aðgerðaráætlun.

Fulltrúum ungmennaráðs þykir jákvætt að lögð er miki áhersla á það að hlusta á raddir barna í menntatefnu bæjarins og taka undir mikilvægi þess að undirbúa börn fyrir störf í breytilegum heimi. Þá fagna fulltrúar ungmennaráðs þeirri áherslu sem lögð er á tækni og stafræna þekkingu hjá börnum og ungmennum. Ungmennaráð leggur enn fremur til að haldin verði keppni meðal ungmenna um bestu kynninguna á stefnunni sjálfri. Þá þykir fulltrúum ungmennaráðs mikilvægt að ungmenni kynni menntastefnuna fyröðrum ungmennum.

Stjórn Akureyrarstofu felur sviðsstjóra að koma á framfæri þeim athugasemdum sem komu fram á fundinum.

Stjórnin telur mikilvægt að unnin verði aðgerðaáætlun og gerð verði kostnaðargreining.

Frístundaráð gerir engar athugasemdir við nýja menntastefnu.

Velferðarráð telur mikilvægt að unnin verði aðgerðaáætlun og að gerð verði kostnaðargreining.

Fræðsluráð samþykkir samhljóða framlagða menntastefnu og vísar henni til afgreiðslu bæjarstjórnar.

Fræðsluráð samþykkir samhljóða aðgerðaáætlun vegna menntastefnu Akureyrarbæjar og vísar henni til afgreiðslu bæjarstjórnar.

Bæjarstjórn samþykkir endurskoðaða menntastefnu með 11 samhljóða atkvæðum. Jafnframt samþykkir bæjarstjórn meðfylgjandi aðgerðaáætlun.

Bæjarstjórn fagnar metnaðarfullri menntastefnu og skýrri aðgerðaáætlun og bindur miklar vonir við að hún nýtist börnum og ungmennum sem og skólasamfélaginu öllu.