Fræðsluráð

Árni K. Bjarnason forstöðumaður rekstrar lagði fram til kynningar stöðu fræðslumála fyrir fyrstu níu mánuði ársins.

Sviðsstjóri kynnti yfirlit um stöðu ytra mats í leik- og grunnskólum Akureyrarbæjar.

Starfsáætlanir leikskóla Akureyrar fyrir skólaárið 2019-2020 lagðar fram til staðfestingar.



Í 14. gr. laga um leikskóla nr. 90/2008 segir um skólanámskrá og starfsáætlun:

Í hverjum leikskóla skal gefa út skólanámskrá og er leikskólastjóri ábyrgur fyrir gerð hennar. Skólanámskrá er nánari útfærsla á aðalnámskrá leikskóla og felur í sér uppeldis- og námsáætlun leikskóla þar sem markmið eru sett og skilgreindar leiðir að þeim markmiðum. Skólanámskrá tekur mið af sérstöðu skóla og skólastefnu viðkomandi sveitarfélags. Skólanámskrá skal endurskoða reglulega.



Leikskólastjóri gefur árlega út sérstaka starfsáætlun. Í starfsáætlun er gerð grein fyrir árlegri starfsemi leikskóla, svo sem skóladagatali og öðru því sem varðar starfsemi leikskólans.



Skólanámskrá og starfsáætlun skulu staðfestar af nefnd skv. 2. mgr. 4. gr., að fenginni umsögn foreldraráðs og skulu þær kynntar foreldrum."

Sviðsstjóri fræðslusviðs og formaður fræðsluráðs kynntu stöðu endurskoðunar á menntastefnu Akureyrarbæjar.

Skólastjóri Naustaskóla Bryndís Björnsdóttir tók á móti fræðsluráði, kynnti skólastarfið og sýndi húsakynni.