Fréttasafn

Á miðvikudag heimsóttu Ásthildur Sturludóttir, bæjarstjóri, og bæjarfulltrúarnir Gunnar Gíslason og Halla Björk Reynisdóttir, forseti bæjarstjórnar, Grímsey og funduðu með heimafólki. Gunnar og Halla Björk eiga bæði sæti í verkefnastjórn Brothættra byggða sem hefur það að markmiði að styðja við búsetu fólks í byggðalögum sem þykja standa höllum fæti og stöðva viðvarandi fólksfækkun í smærri byggðakjörnum og í sveitum landsins.

Nýjar lóðir í Hagahverfi, fyrir samtals 72 íbúðir, eru lausar til úthlutunar.

Ritlistasmiðjan Ungskáld 2019 fer fram í Verkmenntaskólanum á Akureyri laugardaginn 2. nóvember frá kl. 9-16. Markmiðið er að efla ritlist og skapandi hugsun hjá ungu fólki á aldrinum 16-25 ára því að kostnaðarlausu. Verkefnið Ungskáld hefur verið við lýði á Akureyri í nokkur ár og er það eina sinnar tegundar á landinu.

Fulltrúar Akureyrarbæjar tóku á föstudag þátt í vinnustofu, ásamt þremur öðrum sveitarfélögum, í tengslum við tilraunaverkefni um aukið íbúasamráð.

Bæjarstjóri og tveir bæjarfulltrúar tóku í gær á móti góðum gestum frá borginni Martin í Slóvakíu.

Samgöngu- og sveitarstjórnarráðuneytið hefur sett til umsagnar í samráðsgátt stjórnvalda, á vegum Eyþings, drög að nýrri sóknaráætlun Norðurlands eystra.

Nú getur þú séð reikningana þína til og frá Akureyrarbæ í íbúagáttinni.

Ritlistasmiðja Ungskálda 2019 verður haldin laugardaginn 2. nóvember í Verkmenntaskólanum á Akureyri og að þessu sinni eru leiðbeinendur rithöfundarnir Stefán Máni og Bryndís Björgvinsdóttir.

Rúmlega helmingur landsmanna hefur heimsótt Hrísey um ævina og 17% á síðustu fimm árum samkvæmt niðurstöðum nýrrar könnunar sem Gallup gerði fyrir Akureyrarstofu.

Í haust eru 20 ár síðan Íþrótta- og ólympíusamband Íslands opnaði skrifstofu á Akureyri.

Mikill fjöldi var samankominn í menningarhúsinu Hofi í gær þar sem haldinn var kynningarfundur um skipulagsmál á Oddeyri.