Fréttasafn

Í dag var þjónustumiðstöð fyrir þolendur ofbeldis á Norðurlandi opnuð formlega að Aðalstræti 14 á Akureyri, í húsinu sem kallað hefur verið Gamli spítali.

Í morgun var opnað á Akureyri Barnahús á Norðurlandi sem er fyrsta útibúið frá Barnahúsi í Reykjavík. Opnun útibúsins felur í sér að til staðar verður sérútbúin aðstaða fyrir börn sem fá meðferðarviðtöl frá Barnahúsi.

Svartfuglinn er nú þegar sestur upp í björgunum til að tryggja sér hreiðurstæði og lundinn kominn að eyjunni. Svafar Gylfason, íbúi í Grímsey sem er við grásleppuveiðar þessa dagana sá til fyrstu lundana um helgina og segir að þeir séu um viku fyrr á ferðinni en áður var, en hann hefur skráð komu þeirra undanfarin 19 ár.

Opnun þjónustumiðstöðvar fyrir þolendur ofbeldis á Norðurlandi mánudaginn 1. apríl 2019 athöfn í Gamla spítala.

Bæjarstjórn Akureyrar kemur saman til fundar kl. 16 þriðjudaginn 2. apríl.

Upptaka frá bæjarstjórnarfundi unga fólksins sem haldinn var í Menningarhúsinu Hofi síðasta þriðjudag er nú komin á Akureyri.is.

Í gær fékk Akureyrarbær formlega afhentan þriðja og síðasta metanstrætisvagninn sem sveitarfélagið kaupir samkvæmt samningi frá 2017. Vagninn er af gerðinni Scania en fyrir eru tveir slíkir vagnar í aktri á Akureyri sem reynst hafa ljómandi vel.

Málþing um loftlagsmál haldið 28. mars af Sambandi íslenskra sveitarfélaga.

Tveir nemendur úr Síðuskóla stóðu sig prýðilega í Pangea-stærðfræðikeppninni sem fram fór í Menntaskólanum við Hamrahlíð um síðustu helgi. Mikael Blær Hauksson úr 8. bekk lenti í 3. sæti með 27 stig og Hildur Arnarsdóttir úr 9. bekk hreppti 18. sæti með 22 stig. Frábær árangur hjá þeim báðum.

Ársreikningar Akureyrarbæjar fyrir árið 2018 voru lagðir fram í bæjarráði í dag. Rekstur samstæðunnar gekk vel og var í samræmi við áætlun á árinu 2018 þrátt fyrir háa gjaldfærslu vegna breytinga á lífeyrisskuldbindingum og var Akureyrarbær rekinn með 377 millj. kr. afgangi sem var nokkru betri árangur en fjárhagsáætlun gerði ráð fyrir. Sjóðstreymi ársins var líka betra en áætlun gerði ráð fyrir.

Viðtalstímar bæjarfulltrúa eru haldnir tvisvar í mánuði á fimmtudögum frá kl. 17:00 til 19:00 á tímabilinu september til maí.