Fréttasafn

Akureyrarbær leitar eftir aðila til að koma með nýja afþreyingu á eða í kringum svæði Hlíðarfjalls.

Laugardaginn 25. mars kl. 15 verða tvær sýningar opnaðar í Listasafninu á Akureyri, annars vegar sýning Söru Bjargar Bjarnadóttur, Tvær eilífðir milli 1 og 3, og hins vegar sýning Guðjóns Gísla Kristinssonar, Nýtt af nálinni, sem er hluti af listahátíðinni List án landamæra.

Skipulagsráð Akureyrarbæjar kynnir tillögu á vinnslustigi að breytingu á deiliskipulagi athafnasvæðis við Grænhól skv. 4.mgr. 40.gr. skipulagslaga nr. 123/2010.

Fólk sem þarf á félagslegri liðveislu að halda, aðstandendur og starfsfólk, geta nú bókað viðtalstíma á netinu til að fá nánari upplýsingar um það sem stendur til boða og fá viðeigandi aðstoð.

Bæjarstjórn Akureyrarbæjar kemur saman til fundar þriðjudaginn 7. mars næstkomandi kl. 16.

Fyrr í dag var haldinn í hátíðarsal Háskólans á Akureyri þjóðfundur um framtíð skólaþjónustu hér um slóðir. Slíkur þjóðfundur fór áður fram í Reykjavík 6. mars en var nú haldinn hér á Akureyri til að koma til móts við þá sem ekki sóttu fundinn syðra og kjósa fremur að huga að þessu viðamikla verkefni með sínu samstarfsfólki heima í héraði.

Viðburðadagatal Barnamenningarhátíðar er nú sýnilegt á barnamenning.is. Þar eru birtar upplýsingar um fjölda skemmtilegra viðburða og sýninga sem hvetja börn og ungmenni til virkrar þátttöku í menningarstarfi og veita þeim tækifæri til að njóta lista og menningar.

Forauglýsing þessi er til að upplýsa verktaka um að framundan er útboð á evrópska efnahagssvæðinu fyrir A. áfanga Móahverfis. Verkkaupar eru Umhverfis- og mannvirkjasvið Akureyrarbæjar (UMSA) og Norðurorka. 

Í gær var haldinn sérstakur kynningarfundur fyrir verktaka á lausum lóðum í 1. áfanga Móahverfis. Rétt innan við 20 manns sóttu fundinn í Ráðhúsi Akureyrarbæjar og annar eins fjöldi fylgdist með í gegnum fjarfundarbúnað.

Grímseyjarferjan Sæfari fer í slipp vegna viðhalds í næstu viku og er síðasta ferð til og frá eyjunni í dag, föstudaginn 17. Mars.

Ákveðið hefur verið að lengja afgreiðslutímann í Hlíðarfjalli og Sundlaug Akureyrar í aðdraganda páska enda má segja að nú sé vor í lofti og að páskaveðrið sé komið með frábæru skíðafæri.