Fréttasafn

Fjölskylduhátíðin Ein með öllu verður haldin um verslunarmannahelgina, dagana 4.-6. ágúst.

Frestur til að sækja um stuðning vegna viðburða á Akureyrarvöku 2023 rennur út á miðnætti.

Ýmislegt spennandi verður um að vera síðustu daga Listasumars 2023 núna um helgina og vegna karnivals í Listagilinu verður stærstur hluti Kaupvangsstrætis (Listagils) lokaður fyrir bílaumferð frá kl. 14-18 laugardaginn 22. júlí. Þó verður hægt að komast að bílastæði efst í Listagilinu.

Í Hlíðarfjalli er góð aðstaða til útivistar bæði fyrir hjólreiða- og göngufólk. Hjólagarður Hlíðarfjalls er opinn frá 7. júlí til 10. september og þá er hægt að nýta Fjarkann til að koma sér hærra upp í fjallið. Áætlað er að Fjallkonan, nýja stólalyftan, verði opin frá 29. júlí til 20. ágúst á laugardögum og sunnudögum frá kl. 10-15.

Bæjarstjórn Akureyrarbæjar auglýsir hér með skv. 1. mgr. 41. gr. skipulagslaga nr. 123/2010 tillögu að breytingu á deiliskipulagi miðbæjar.

Norðurorka hefur undanfarið staðið fyrir árveknisátaki þar sem minnt er á mikilvægi þess að ganga vel um vatnsverndarsvæði í Eyjafirði, að fólk sýni aðgát og láti strax vita ef vaknar grunur um mengun.

Unnið verður að fræsingu malbiks í Skógarlundi frá Mýrarvegi að Dalsbraut, ásamt hringtorginu, í dag 13. júlí frá kl. 9 og fram undir hádegi.

Á fundi umhverfis- og mannvirkjaráðs í síðustu viku var fallið frá áformum um að taka upp nýtt leiðakerfi strætó á Akureyri en samþykkt að marka þá stefnu að reka áfram öfluga og gjaldfrjálsa þjónustu strætisvagna á grundvelli núverandi leiðakerfis.

Bæjarstjórn Akureyrarbæjar hefur þann 20.júní 2023 samþykkt tillögu að óverulegri breytingu á Aðalskipulagi Akureyrar 2018-2030 skv. 2.mgr. 36.gr. skipulagslaga nr. 123/2010.

Vegna yfirlagnar og malbikunarvinnu verður innri (nyrðri) akrein Strandgötu lokuð frá Hjalteyrargötu að Glerárgötu fram eftir degi í dag 11. júlí.

N1-fótboltamót drengja var sett á hádegi í dag og stendur fram á laugardag og Pollamót Samskipa fer fram á föstudag og laugardag.