Fréttasafn

Sameining Fimleikafélags Akureyrar, FIMAK og Knattspyrnufélags Akureyrar, KA, var samþykkt einróma á félagsfundum beggja félaga sem haldnir voru í gærkvöldi. Sameiningarviðræður hafa staðið yfir undanfarna mánuði en Íþróttabandalag Akureyrar og Akureyrarbær hafa einnig komið að þeim viðræðum.

Tvö ný smáhýsi fyrir fólk með fjölþættan vanda voru afhent sveitarfélaginu fimmtudaginn 30. nóvember. Fyrir voru tvö smáhýsi á lóðinni við Dvergaholt 2 en þau hafa verið í notkun síðan 2020.

Bæjarstjórn Akureyrarbæjar kemur saman til fundar þriðjudaginn 5. desember næstkomandi kl. 16.

Ungmenni á Norðurlandi eystra eiga samráð

Ljósin verða tendruð á jólatrénu í Hrísey á morgun, sjálfan fullveldisdaginn 1. desember, kl. 16.

Árlegur jólamarkaður Skógarlundar verður haldinn föstudaginn 1. desember kl. 9-17 og laugardaginn 2. desember frá kl. 11-14.

Undirritað hefur verið samkomulag um vináttusamband Akureyrarbæjar og borgarinnar Martin í Slóvakíu.

Yfirbygging Töfrateppisins í Hlíðarfjalli skemmdist talsvert í miklum vindhviðum aðfararnótt þriðjudagsins 21. nóvember. Gefið hafði verið út af framleiðanda að yfirbyggingin gæti staðið af sér vind upp á 46 m/s og vindhviður upp á 51 m/s. Það reyndist hins vegar ekki alls kostar rétt því umrædda nótt náði vindurinn mest 39 m/s en stóð yfir í rúmar 4 klukkustundir. Talað er um fárviðri þegar vindur nær meiru en 32,7 m/s.

Fyrir stuttu fór fram önnur listvinnustofa verkefnisins Allt til enda - Listvinnustofur barna árið 2023 í Listasafninu á Akureyri. Friðrik Steinn Friðriksson, vöru- og upplifunarhönnuður, bauð ungmennum á aldrinum 12 til 15 ára að skapa módel af húsgögnum sem bæði eru mini útgáfa af venjulegum hlutum og skref í átt að því að smíða í fullri stærð.

Nú eru um tvö ár síðan frískápurinn við Amtsbókasafnið var opnaður og hann hefur svo sannarlega verið vel nýttur. Þar er alltaf eitthvað ókeypis á boðstólum og fólk vitjar skápsins alla daga og á öllum tímum sólarhringsins.

Í dag var undirritaður nýr samstarfssamningur Akureyrarbæjar og Grófarinnar geðræktar um þjónustu Grófarinnar á Akureyri.