Fréttasafn

Dagana 31. ágúst - 2. september er haldið umdæmisþing Alþjóðasamtaka Zonta í Hofi. Þema þingsins hverfist um það hvernig konur geti orðið í farabroddi að sjálfbærri framtíð.

Bæjarstjórn Akureyrarbæjar kemur saman til fundar þriðjudaginn 5. september næstkomandi kl. 16. 

Allir reikningar sem gefnir eru út af Akureyrarbæ eru birtir í þjónustugáttinni sem finna má á heimasíðu sveitarfélagsins. Ef þú sérð kröfu frá Akureyrarbæ í heimabanka eða banka-appi er tilvalið að kíkja í þjónustugáttina til að sjá nánari skýringu.

Barnamenningarhátíð á Akureyri verður haldin í sjöunda sinn í apríl 2024. Hægt er að sækja um styrki vegna verkefna eða viðburða sem tengjast hátíðinni og er umsóknarfrestur til og með 22. nóvember 2023.

Íbúafundur var haldinn fimmtudaginn 24. ágúst sl. í sal Rauða krossins við Viðjulund. Fundurinn var afar svel sóttur og sköpuðust þar líflegar umræður um deiliskipulag fyrir lóðina að Viðjulundi 1.

Í dag er 161 ár frá því sveitarfélagið Akureyrarbær hlaut kaupstaðarréttindi. Því er fagnað ár hvert með Akureyrarvöku helgina sem næst afmælisdeginum og fór hátíðin að þessu sinni fram um liðna helgi, 25.-27. ágúst.

Opinber heimsókn forseta Íslands, Guðna Th. Jóhannessonar, og Elizu Reid, forsetafrúar, til Akureyrar dagana 25. og 26. ágúst tókst fádæma vel. Dagskráin var fjölbreytt, tíminn vel nýttur og farið víða.

Umhverfis- og mannvirkjasvið Akureyrarbæjar, óskar eftir tilboðum í tímavinnu við snjómokstur og hálkuvarnir á Akureyri árin 2023 – 2026 með möguleika á framlengingju um eitt ár. Verkefnið felst í hreinsun á snjó og krapa af götum, gangstígum, reiðstígum og bifreiðastæðum ásamt snjómokstri og akstri auk hálkuvarna á götur, gangstíga og bifreiðastæði.

Akureyrarvaka fer fram um helgina, frá föstudegi til sunnudags. Búist er við miklu fjölmenni í miðbænum sem leiðir óhjákvæmilega til þess að loka þarf nokkrum götum tímabundið.

Umhverfis- og mannvirkjasvið Akureyrarbæjar óskar eftir tilboðum í kaup á flokkunarílátum fyrir Akureyrarbæ.

Forseti Íslands, Guðni Th. Jóhannesson, og Eliza Reid, forsetafrú, taka þátt í Akureyrarvöku um helgina.