Skipulagsráð

Guðmundur H. Sigurðsson framkvæmdastjóri Vistorku kynnti drög að umhverfis- og loftslagsstefnu Akureyrarbæjar ásamt aðgerðaáætlun.

Guðmundur H. Sigurðsson og Rut Jónsdóttir forstöðumaður umhverfis- og sorpmála sátu fundinn í fjarfundabúnaði undir þessum dagskrárlið.

Lögð fram tillaga að skipulagslýsingu fyrir breytingu á Aðalskipulagi Akureyrar 2018-2030 vegna áforma við Tónatröð og Spítalaveg til samræmis við bókun skipulagsráðs frá 10. nóvember 2021.

Kynningu skipulagslýsingar er lokið. Engar athugasemdir bárust. Umsagnir bárust frá Minjastofnun Íslands, Umhverfisstofnun, Norðurorku og Skipulagsstofnun.

Lögð er fram tillaga á vinnslustigi þar sem tekið hefur verið tillit til ábendinga frá umsagnaraðilum.

Erindi dagsett 23. nóvember 2021 þar sem Valþór Brynjarsson fyrir hönd Kaþólsku kirkjunnar leggur fram uppfærð gögn og svör við athugasemdum sem bárust vegna grenndarkynningar á viðbyggingu við hús nr. 2 við Hrafnagilsstræti. Í viðhengi eru greinargerð og deiliskipulagsuppdrættir. Er óskað eftir að málið verði tekið fyrir að nýju en á fundi skipulagsráðs þann 13. október 2021 var samþykkt að halda ekki áfram með málið þar sem umsækjandi hafði þá fallið frá fyrirhuguðum byggingaráformum.

Lagt fram bréf nafnanefndar frá 11. júní 2021 þar sem lagt er til að nýtt íbúðarsvæði við Kollugerðishaga verði kennt við móa, lón eða flatir og að götur í hverfinu fái samsvarandi endingu.

Erindi dagsett 2. desember 2021 þar sem Ingvar Ívarsson fyrir hönd B.E. Húsbygginga ehf. sækir um breytingu á deiliskipulagi fyrir lóð nr. 55 við Kjarnagötu. Er óskað eftir eftirfarandi breytingum:

1. Nýtingarhlutfall lækkar úr 1,50 í 1,40 en nýtingarhlutfall bílgeymslu hækkar úr 0,28 í 0,35.

2. Byggingarreitur syðri byggingar hliðrast um 1 m til vesturs og breikkar einnig um 1 m til vesturs. Byggingarreitur 1. hæðar byggingar minnkar samsvarandi. Einnig að byggingin hækki um eina hæð, úr þremur hæðum í fjórar.

3. Byggingarreitur nyrðri byggingar stækkar í 17,5 m x 16 m en hæð húss lækkar úr 7 hæðum í 6 hæðir.

4. Gólfkóti allra bygginga verður 88,90.

5. Tveimur langstæðum í Kjarnagötu verður breytt í bílastæði fyrir hreyfihamlaða vegna kröfu byggingarreglugerðar um fjarlægðir frá húsi í slík stæði.

6. Bílastæðalóð við Geirþrúðarhaga stækkar um 1 m til vesturs.

7. Lágmarks lofthæð verður a.m.k. 2,3 m í stað 2,5 m.

8. Felld er burt krafa um að lofthæð 1. hæðar sé a.m.k. 3,0-3,5 m (salarhæð).

Erindi dagsett 2. desember 2021 þar sem Haraldur Sigmar Árnason fyrir hönd Kjarnagötu 53 ehf. sækir um breytingu á deiliskipulagi fyrir lóð nr. 53 við Kjarnagötu. Óskað er eftir að byggingarreitur verði breikkaður í 12,0 m í stað 11,75 m og að hæð fái að vera 2,76 m í stað 3,0-3,5 m. Meðfylgjandi eru greinargerð og uppdráttur.

Erindi Haraldar S. Árnasonar dagsett 2. desember 2021 fyrir hönd Hrafnseyrar ehf. þar sem sótt er um breytingu á deiliskipulagi á lóðinni Gránufélagsgötu 4. Í breytingunni felst eftirfarandi:

- Húsið verður 6 hæðir í stað 5 hæða og hámarkshæð verður 19,30 m í stað 16,30 m.

- Nýtingarhlutfall hækkar úr 3,82 í 4,50 og heildarbyggingarmagn verður 4.953 m².

- Fjöldi íbúða verður 36 í stað 20 auk þess sem heimilt verður að byggja 16 gistieiningar eða 10 smáíbúðir.

Sambærilegt mál var á dagskrá skipulagsráðs þann 26. september 2019.

Lagt fram minnisblað umhverfis- og mannvirkjasviðs dagsett 2. desember 2021 varðandi gjaldsvæði bifreiðastæðasjóðs. Meðfylgjandi er kort sem sýnir tillögu að gjaldtökusvæðum og kort sem sýnir afmörkun svæða fyrir íbúakort.

Erindi dagsett 30. nóvember 2021 þar sem Margrét M. Róbertsdóttir fyrir hönd G. Hjálmarssonar hf. sækir um breytingu á aðal- og deiliskipulagi vegna stækkunar lóðar nr. 2 við Goðanes. Svæðið sem stækkunin nær til er skilgreint sem opið, óbyggt svæði í núgildandi aðalskipulagi. Það er austan við núverandi lóð og fyrirhugað er að nýta það sem geymslusvæði. Skipulagsbreytingin felur jafnframt í sér að byggt verði stakt hús norðan og austan við núverandi hús í stað viðbyggingar til vesturs. Þá verði bætt við aðkomu að lóðinni frá Freyjunesi. Meðfylgjandi eru skýringarmynd og greinargerð.

Lögð fram tillaga Ágústs Hafsteinssonar arkitekts að endurgerð Strandgötu 17 þar sem gert er ráð fyrir að viðbygging frá 1908 sem liggur upp að Glerárgötu verði fjarlægð. Er tillagan í samræmi við gildandi deiliskipulag sem gerir ráð fyrir að viðbyggingin víki til að skapa pláss fyrir breikkun göngustígs meðfram götunni.

Erindi dagsett 1. desember 2021 þar sem Fanney Hauksdóttir fyrir hönd Sigurgeirs Svavarssonar ehf. óskar eftir afstöðu skipulagsráðs til breytinga á skipulagsskilmálum fyrir lóð nr. 4-12 við Hulduholt. Fyrirhugað er að íbúðir verði 5-10 og allt að 5 á hvorri hæð. Byggingarmagn haldist óbreytt en möguleiki á að breyta byggingarreit til að koma fyrir stigahúsum verði fyrir hendi. Meðfylgjandi er greinargerð.

Erindi dagsett 12. nóvember 2021 þar sem Fanney Hauksdóttir fyrir hönd Oddfellowreglunnar á Akureyri sækir um byggingarleyfi fyrir viðbyggingu við hús nr. 3 við Sjafnarstíg. Ekki er í gildi deiliskipulag á svæðinu.

Meðfylgjandi eru teikningar eftir Fanneyju Hauksdóttur.

Lagt fram erindi Kristjáns Víkingssonar dagsett 20. nóvember 2021 fyrir hönd Vélflugfélags Akureyrar þar sem sótt er um lóð nr. 7b í suðvesturhorni flugvallarsvæðisins.

Auglýsingu 2. umferðar lauk 12. nóvember sl.

Tíu umsóknir bárust, sex frá einstaklingum og fjórar frá lögaðilum.

Fyrir skipulagsráði liggur að draga úr umsóknum í samræmi við reglur Akureyrarbæjar um úthlutun lóða.

Auglýsingu 2. umferðar lauk 12. nóvember sl.

Níu umsóknir bárust, sex frá einstaklingum og þrjár frá lögaðilum. Fyrir skipulagsráði liggur að draga úr umsóknum í samræmi við reglur Akureyrarbæjar um úthlutun lóða.

Auglýsingu 2. umferðar lauk 1. desember sl.

Þrjár umsóknir bárust; tvær frá einstaklingum og ein frá lögaðila.

Fyrir skipulagsráði liggur að draga á milli þeirra umsækjenda sem teljast gjaldgengir í samræmi við reglur Akureyrarbæjar um lóðaúthlutun.

Lagt fram mæliblað fyrir lóðina Hlíðarbraut 4 sem er 6.414,6 m² verslunar- og þjónustulóð þar sem byggja má um 7.687 m² atvinnuhúsnæði á 2-5 hæðum með um 2.562 m² bílakjallara.

Erindi dagsett 23. nóvember 2021 þar sem Sigríður Hrefna Pálsdóttir fyrir hönd Hörgársveitar leggur inn til umsagnar nýtt deiliskipulag fyrir nýjar íbúðarlóðir norðan núverandi byggðar í Lónsbakkahverfi auk þess sem lóð leikskólans Álfasteins verður stækkuð. Hluti verslunar- og þjónustusvæðis verður breytt í íbúðarhúsnæði. Frestur til að skila inn umsögn er til 13. desember nk.

Erindi dagsett 7. október 2021 þar sem Baldur Hólm fyrir hönd Norðurorku sækir um lóð nr. 3a við Hulduholt undir dreifistöð. Er gert ráð fyrir að stöðin verði sambærileg stöðvum sem reistar hafa verið í Gilja-, Nausta- og Hagahverfi.

Lögð fram drög að fundaáætlun skipulagsráðs fyrir árið 2022.

Lögð fram til kynningar fundargerð 840. fundar, dagsett 18. nóvember 2021, með fullnaðarafgreiðslum erinda. Fundargerðin er í 5 liðum og er hana að finna á heimasíðu Akureyrarbæjar.

Lögð fram til kynningar fundargerð 841. fundar, dagsett 25. nóvember 2021, með fullnaðarafgreiðslum erinda. Fundargerðin er í 4 liðum og er hana að finna á heimasíðu Akureyrarbæjar.

Lögð fram til kynningar fundargerð 842. fundar, dagsett 2. desember 2021, með fullnaðarafgreiðslum erinda. Fundargerðin er í 6 liðum og er hana að finna á heimasíðu Akureyrarbæjar.