Bílastæðasjóður - gjaldtaka

Skipulagsráð tekur jákvætt í hugmyndir um gjaldtöku á bílastæðum í miðbæ Akureyrar og felur sviðsstjóra skipulagssviðs að vinna áfram að málinu og gera tillögu að áætlun um innleiðingu í samráði við umhverfis- og mannvirkjasvið.


Helgi Sveinbjörn Jóhannsson áheyrnarfulltrúi M-lista óskar bókað að hann telji að það að auka álögur á íbúa bæjarins sé óásættanlegt. Gjaldtaka á bílastæðum í miðbæ Akureyrar er ekkert annað en auka skattur á íbúa.

Umhverfis- og mannvirkjaráð felur umhverfis- og mannvirkjasviði að gera tillögur að áætlun um innleiðingu gjaldtöku á bílastæðum í miðbæ Akureyrar og meta kosti og galla við slíkt fyrirkomulag í samráði við skipulagssvið.

Skipulagsráð þakkar Daða fyrir kynninguna.

Umhverfis- og mannvirkjaráð þakkar fyrir kynninguna og felur embættismönnum að vinna málið áfram.

Skipulagsráð frestar afgreiðslu.

Helgi Sveinbjörn Jóhannsson áheyrnarfulltrúi M-lista óskar bókað:

Með fyrirhugaðri gjaldtöku á bílastæðum miðbæjarins verður ekki annað séð en að það sé verið að skerða lífsgæði þeirra sem vinna í miðbænum og eða búa. Með því að hækka gjaldtöku fastleigustæða um 70% á ársgrundvelli og íbúakorta frá 0 í 6.000 kr. að þá er ekki séð hvernig þetta getur farið saman. Ekki er deilt um það að ákveðinn kostnaður er við bílastæði miðbæjarins, en að það skuli bitna á þeim sem þar vinna og eða eiga heima er umdeilanlegur.

Ekki hefur verið átt hagsmunasamtal við eigendur og eða forráðamenn fyrirtækja og fasteigna sem njóta fastleigu og eða íbúakorta í kostnaðarbreytingunni sem nú er í gangi.

Óskað er eftir umsögnum þeirra sem nota almennt þau bílastæði sem um er rætt ásamt því að senda fyrirhugaða gjaldtöku í íbúakosningu.

Minnt er á að forsvarsmenn Sambands íslenskra sveitarfélaga mæltust til þess við sveitarfélög að þau hækkuðu ekki gjaldskrár sínar, umfram það sem þegar var komið til framkvæmda á árinu 2019, og þá til að stuðla að verðstöðugleika. En það voru 2,5% að hámarki samkvæmt lífskjarasamningi.

Skipulagsráð samþykkir tillögu að afmörkun gjaldtökusvæða og gerir ekki athugasemd við aðra þætti sem fram koma varðandi innleiðingu gjaldtöku á bílastæðum í miðbæ Akureyrar.

Helgi Sveinbjörn Jóhannsson M-lista óskar bókað:

Akureyri, öll lífsins gæði eru kjörorð þeirra sem auglýsa sveitarfélagið.

Með fyrirhugaðri gjaldtöku á bílastæðum miðbæjarins verður ekki annað séð en að það sé verið að skerða lífsgæði þeirra sem vinna í miðbænum og eða búa. Með því að hækka gjaldtöku fastleigustæða um 70% á ársgrundvelli og íbúakorta um 6.000 kr. þá er ekki séð hvernig þetta getur farið saman. Ekki er deilt um það að ákveðinn kostnaður er við bílastæði miðbæjarins, en að það skuli bitna á þeim sem þar vinna og eða eiga heima er umdeilanlegur.

Ekki hefur verið átt hagsmunasamtal við eigendur og eða forráðamenn fyrirtækja og fasteigna sem njóta fastleigu og eða íbúakorta í kostnaðarbreytingunni sem nú er í gangi.

Óskað verði eftir umsögnum þeirra sem nota almennt þau bílastæði sem um er rætt ásamt því að senda fyrirhugaða gjaldtöku í íbúakosningu.

Minnt er á að forsvarsmenn Sambands íslenskra sveitarfélaga mæltust til þess við sveitarfélög að þau hækkuðu ekki gjaldskrár sínar, umfram það sem þegar var komið til framkvæmda á árinu 2019, og þá til að stuðla að verðstöðugleika. En það voru 2,5% að hámarki samkvæmt lífskjarasamningi.

Arnfríður Kjartansdóttir V-lista óskar eftir að bætt verði inn í greinargerðina ákvæði um tímabundin fríðindi fyrir bifreiðar sem ekki ganga fyrir jarðefnaeldsneyti og varanlegu ákvæði um forgang bifreiða sem ekki eru á negldum dekkjum á veturna.

Meirihluti bæjarráðs samþykkir innleiðingu á gjaldskyldu á bílastæðum í miðbæ Akureyrar og felur bæjarlögmanni og sviðsstjóra fjársýslusviðs að útfæra tillögur að breytingum á samþykktum, gjaldskrá og reglum sem þarf í tengslum við innleiðinguna, í samræmi við fyrirliggjandi drög og umræður sem fram fóru á fundinum. Tillögurnar verða síðan lagðar fram til staðfestingar og samþykktar í bæjarráði og bæjarstjórn.

Eva Hrund Einarsdóttir D-lista situr hjá við afgreiðsluna og leggur fram eftirfarandi bókun:

Ég hef ákveðið að sitja hjá í þessu máli. Ég er ekki á móti því að taka upp gjaldskyldu á bílastæðum á miðbæjarsvæðinu en ég hefði viljað hafa tvöfalt kerfi og halda klukkukerfinu áfram samhliða gjaldtöku.

Umhverfis- og mannvirkjaráð samþykkir að að ganga til samninga við IOS hugbúnað ehf. um eftirlitslausn.

Umhverfis- og mannvirkjaráð samþykkir að innleiða gjaldtökukerfi í kringum áramót og að settir verði upp 3 stöðumælar. Aðal greiðsluleiðin verði snjallforrit í síma.

Bæjarráð samþykkir gjaldskrána fyrir sitt leyti með þeim breytingum sem gerðar voru á fundinum og vísar henni til afgreiðslu bæjarstjórnar.

Bæjarstjórn samþykkir drög að gjaldskrá fyrir bifreiðastæðasjóð Akureyrarbæjar með 11 samhljóða atkvæðum.

Skipulagsráð samþykkir meðfylgjandi tillögu að gjaldtökusvæðum og einnig svæði fyrir íbúakort.

Helgi Sveinbjörn Jóhannsson áheyrnarfulltrúi óskar bókað eftirfarandi:

Búast má við verulega auknum álögum á þau fyrirtæki sem koma til með að þurfa að nýta sér fastleigukort fyrir starfsmenn sína ef þessi mikla hækkun nær fram að ganga. Líta verður til þess að mörg fyrirtæki í miðbænum eru með fólk í starfsmannahóp sínum sem þarf að koma börnum í og úr leik/grunnskóla. Það má búast við því að vinnutími þessa fólks skerðist með tilheyrandi tekjutapi fyrir viðkomandi vegna fjarlægðar vinnustaðar frá gjaldfrjálsum bílastæðum.

Einnig mætti telja það ámælisvert að opin bílastæði við Ráðhúsið eru ekki talin sem gjaldfrjáls í þessum tillögum og þar sem Ráðhúsið er þjónustustofnun mætti gera ráð fyrir því að bæjarbúar vilji nýta bílastæðin norðan við það gjaldfrjálst.

Bæjarráð samþykkir að ekki verði gefnar undanþágur frá greiðslu í gjaldskyld bifreiðastæði.