Fréttasafn

Stjórn Akureyrarstofu hefur ákveðið að veita Erni Inga Gíslasyni fjöllistamanni heiðursviðurkenningu Menningarsjóðs Akureyrar. Afhendingin fer fram í Ketilhúsinu á morgun, laugardaginn 2. september, kl. 14 og er fyrsti viðburður dagsins á gjörningahátíðinni A!

Háskólinn á Akureyri fagnar 30 ára afmæli um helgina. Skólinn hóf starfsemi 5. september 1987 með kennslu á tveimur námsbrautum, hjúkrunarfræði og iðnrekstrarfræði. Skráðir nemendur hafa aldrei verið fleiri en á þessu haustmisseri eða tæplega 2.100.

A! Gjörningahátíð er fjögurra daga hátíð sem hefst á morgun, fimmtudaginn 31. ágúst, og lýkur sunnudaginn 3. september. Að hátíðinni standa Listasafnið á Akureyri, LÓKAL alþjóðleg leiklistarhátíð, Reykjavík Dance Festival, Menningarfélag Akureyrar, Leikfélag Akureyrar og Kynningarmiðstöð íslenskrar myndlistar. A! er hátíð þar sem myndlistar- og sviðslistafólk fremur gjörninga og setur upp gjörningatengd verk.

Akureyrarstofa, heimahöfn menningar-, markaðs-, kynningar- og ferðamála hjá Akureyrarbæ, flutti sig um set í gær, sama dag og Akureyrarkaupstaður fagnaði 155 ára afmæli sínu. Höfuðstöðvar Akureyrarstofu eru nú á 2. hæð í húsinu Rósenborg sem áður hét Barnaskóli Akureyrar. Akureyrarstofa var í Menningarhúsinu Hofi en rýmið sem stofan hafði þar verður framvegis nýtt af tónlistarskólanum og Menningarfélagi Akureyrar (MAk).

Undanfarin þrjú ár hefur Akureyrarbær, í góðu samstarfi við Skógræktarfélag Eyfirðinga, staðið fyrir miklum framkvæmdum í Kjarnaskógi sem miða allar að því að auka aðgengi og bæta afþreyingamöguleika bæjarbúa og gesta. Kjarnaskógur er í dag orðin eitt allra besta útivistarsvæði landsins þar sem allir ættu að finna sér eitthvað við hæfi til útivistar- og afþreyingar.

Nýju skipi Samherja, Kaldbaki EA 1, var formlega gefið nafn á laugardaginn og við það tilefni var tilkynnt að Samherjasjóðurinn gæfi "Vinum Hlíðarfjalls" nýja skíðalyftu sem verður reist í Hlíðarfjalli.

Miðvikudaginn 23. ágúst fór fram afhending viðurkenninga fræðsluráðs Akureyrarbæjar til nemenda og kennara leik- og grunnskóla bæjarins sem þóttu hafa skarað fram úr eða sýnt góðar framfarir við nám og störf á síðasta skólaári. Alls fengu 11 nemendur grunnskóla viðurkenningar og 6 starfsmenn leik-og grunnskóla.

Þjóðræknisfélag Íslendinga, í samvinnu við Amtsbókasafnið á Akureyri og Háskólann á Akureyri, býður til málþings um Akureyringinn Káin, Kristján Níels Júlíus Jónsson, í hátíðarsal Háskólans á Akureyri, laugardaginn 26. ágúst 2017.

Akureyrarvaka, afmælishátíð Akureyrarbæjar fer fram 25.-26. ágúst og er veisluboðið fjölbreytt, skemmtilegt og fræðandi. Stórtónleikar í Listagilinu, Hryllingsvakan í Íþróttahöllinni, Vísindasetur í Hofi, Fjölskyldudagur Myndlistarfélagsins í Rósenborg, gamanóperan Piparjúnkan og þjófurinn, sýningin Fólkið í bænum sem ég bý í, listaverkaeign Landsbankans skoðuð með leiðsögn, #fljúgandi, rökkurró í Lystigarðinum fl. sem prýðir góða afmælisveislu.

Bæjarráð Akureyrarkaupstaðar auglýsir hér með skv. 1. mgr. 43. gr. skipulagslaga nr. 123/2010, tillögu að deiliskipulagsbreytingu fyrir Síðuskóla.

Skógardagur Norðurlands verður haldinn á laugardag frá kl. 13-16 í Kjarnaskógi. Aðalatriðið á þessum degi er að nýja útivistar- og grillsvæðið á og við Birkivöll verður formlega tekið í notkun. Eiríkur Björn Björgvinsson bæjarstjóri ávarpar afmælisbarnið og skrifað verður undir samning um nýjan Yndisgarð sem meiningin er að koma upp í skóginum með úrvali skrautrunnategunda.