Fréttasafn

Í dag er stór dagur fyrir lánþega og starfsfólk Amtsbókasafnsins á Akureyri, því nú hefur safnið hafið útlán raf- og hljóðbóka í samvinnu við Landskerfi bókasafna í gegnum Rafbókasafnið.

Frístundaráð Akureyrarbæjar í samstarfi við Íþróttabandalag Akureyrar býður íbúum Akureyrar til stefnumótunarfundar þriðjudaginn 6. júní frá kl. 17:00 - 19:00 í salnum Hömrum í Hofi.

Umhverfis- og mannvirkjasvið Akureyrarbæjar heldur opinn kynningarfund vegna framkvæmda á Listasafni Akureyrar og Nökkvasvæði í bæjarstjórnarsal Ráðhúsi Akureyrarbæjar, miðvikudaginn 31.maí 2017 kl: 17.00.

Umsóknarfrestur í nýjan Tónlistarsjóð Hofs og Samkomuhúsinu hefur verið framlengdur til miðvikudagsins 7. júní. Sjóðurinn er nýr og helstu markmið hans eru að auðvelda ungu tónlistarfólki og þeim sem standa utan stofnana að nýta sér aðstöðuna í húsunum, stuðla að fjölbreytileika í tónlistarviðburðum og nýta þá möguleika sem Hof og Samkomuhúsið bjóða upp á fyrir tónlistarviðburði.

Átakið Akureyri á iði hefur staðið frá því 3. maí og lýkur næstkomandi miðvikudag 31. maí. Um er að ræða heilsueflandi verkefni þar sem markmiðið er að skipuleggja maímánuð með gjaldfrjálsum viðburðum sem tengjast heilsu og hreyfingu í umsjón aðila sem sýsla í þessum málaflokki. Íþróttadeild Akureyrarbæjar heldur utan um skipulagið og auglýsir viðburði í staðarmiðlum en sjálfir viðburðirnir eru í umsjón og á ábyrgð hvers félags, einstaklings eða fyrirtækis.

Bæjarstjórn Akureyrarkaupstaðar auglýsir hér með skv. 1. mgr. 43. gr. skipulagslaga nr. 123/2010, tillögur að deiliskipulagsbreytingu fyrir Innbæinn og deiliskipulagsbreytingu fyrir miðbæ – Drottningarbrautarreit.

Undirritaður hefur verið verksamningur milli Umhverfis- og mannvirkjasviðs Akureyrarbæjar og ÁK Smíði ehf um endurbætur á Listasafni Akureyrar. Framkvæmdir hófust strax að lokinni samningagerð og skal þeim lokið 1. júní 2018.

Frumkvöðlasetrið Verk-smiðjan var opnað á Akureyri í gær að viðstöddum ráðherra iðnaðar-, ferða- og nýsköpunarmála. Verk-smiðjan er til húsa að Glerárgötu 34 en verkefnið er samvinnuverkefni Nýsköpunarmiðstöðvar Íslands og Akureyrarbæjar.

Akureyrarbær og Háskólinn á Akureyri taka höndum saman og bjóða upp á málstofu þriðjudaginn 23. maí kl. 15.30-17 í menningarhúsinu Hofi og er það í tilefni af 30 ára afmæli háskólans. Yfirskrift málstofunnar er Akureyri án háskóla og verður spurningum á borð við hvernig bærinn væri án háskóla og hvort skólinn standist væntingar velt upp.

Viltu halda tónleika í Hofi eða Samkomuhúsinu? Tónlistarsjóður Hofs og Samkomuhússins auglýsir eftir umsóknum fyrir starfsárið 2017-2018. Sjóðurinn er nýr og helstu markmið hans eru að auðvelda ungu tónlistarfólki og þeim sem standa utan stofnana að nýta sér aðstöðuna í húsunum, stuðla að fjölbreytileika í tónlistarviðburðum og nýta þá möguleika sem Hof og Samkomuhúsið bjóða upp á fyrir tónlistarviðburði.

Niðurstöður útboðs á utanhússmálun á álmu 3 í Hlíð