Fréttasafn

Á fundi bæjarráðs Akureyrar í gær var meðal annars fjallað annars vegar um stöðu framkvæmda við flughlaðið á Akureyrarflugvelli og einnig framtíðarstaðsetningu Reykjavíkurflugvallar.

Í morgun hófst á Akureyri formleg dagskrá á norrænum tengiliðafundi bæjarstjóra og pólitísks forsvarsfólks Akureyrar, Álasunds í Noregi, Lathi í Finnlandi, Randers í Danmörku og Västerås í Svíþjóð. Dagurinn hófst með göngutúr fundarmanna frá hótelinu þar sem þeir dvelja niður í Ráðhús þar sem Eiríkur Björn Björgvinsson bæjarstjóri tók á móti hópnum.

Ungt fólk á frístundasviði Akureyrarbæjar í Rósenborg hefur nýlokið við gerð tveggja kynningarmyndbanda um hluta starfsemi sinnar. Annað myndbandið fjallar um Ungmenna-húsið og Virkið en í hinu má heyra raddir unga fólksins og foreldra um samskipti, uppeldi o.fl. Rósenborg starfar við forvarnir í víðasta skilningi þess orðs og er tilgangur myndbandanna að kynna hluta af því starfi, mikilvægi þess og tilgang.

Það var líf og fjör í hátíðarsal Háskólans á Akureyri á föstudaginn 23. júní en þá útskrifuðust alls 87 nemendur frá Vísindaskóla unga fólksins.

Bæjarstjórn Akureyrarkaupstaðar hefur þann 20. júní 2017 samþykkt breytingu á Aðalskipulagi Akureyrar 2005-2018 í samræmi við 2. mgr. 36. gr. skipulagslaga nr. 123/2010, vegna stígs meðfram Eyjafjarðarbraut.

Sumartónleikar í Akureyrarkirkju eru orðnir fastur liður í menningarstarfi Norðurlands og fagna í ár 30 ára starfsafmæli. Tónleikar verða haldnir á sunnudögum í júlímánuði og er dagskráin sem fyrr fjölbreytt og glæsileg. Styrktaraðilar tónleikaraðarinnar eru Sóknarnefnd Akureyrarkirkju, Héraðssjóður Eyjafjarðar- og Þingeyjarprófastsdæmis, Menningarsjóður Akureyrar og Tónlistarsjóður.

Listasumar á Akureyri 2017 verður sett kl. 14 laugardaginn 24. júní í Listagilinu og mun Eiríkur Björn Björgvinsson bæjarstjóri setja dagskrána eftir að búið er að flagga Listasumarsfána ofarlega í Gilinu. Dagskrá Listasumars er afar fjölbreytt og spennandi.

Nú hefur félagsskapurinn "Alþjóðlegar Kaffikonur á Akureyri" myndskreytt Veggverk.org á vesturvegg hússins við Strandgötu 17 og vilja konurnar með því senda litríkar og glaðlegar sumarkveðjur til allra Akureyringa. Kaffikonurnar sem lögðu gjörva hönd á plóg eru Ceniza frá Filippseyjum, Kheirie frá Líbanon, Jutta frá Austurríki, Lilian frá Filippseyjum, Aija frá Lettlandi, Melisa frá Filippseyjum, Alexandra frá Réunion, Zane frá Lettlandi, Surekha frá Indlandi, Olga frá Rússlandi, Silvia frá Þýskalandi og Dagrún frá Íslandi.

Jónsmessuhátíð á Akureyri er 24 tíma hátíð sem hefst kl. 12 á föstudag og stendur til klukkan 12 á laugardag. Á dagskránni eru 25 viðburðir út um allan bæ og fjölbreytnin er í fyrirrúmi.

Að sögn lögreglunnar á Akureyri var ástandið í bænum á nýliðnum Bíladögum sannarlega mun betra en verið hefur síðustu árin. Þetta kom fram á fundi fulltrúa frá löreglunni, Aflinu, Bílaklúbbi Akureyrar, Akureyrarstofu, Eyjafjarðarsveit og Slökkviliðinu á Akureyri sem haldinn var í gær.

Auglýst hefur verið eftir nöfnum á nýju vatnsrennibrautirnar við Sundlaug Akureyrar. Festur til að senda inn tillögur rennur út þriðjudaginn 27. júní og eftir það fer dómnefnd yfir innsendar tillögur og velur þær bestu. Vinningshafi væri að launum árskort í Sundlaug Akureyrar og fær að auki að fara fyrstu ferðina í eina af rennibrautunum þremur þegar þær verða vígðar um mánaðamótin.