Fréttasafn

Á morgun, föstudaginn 31. mars kl. 12, verða djasstónleikar í Naustinu í Hofi á vegum Tónlistarfélags Akureyrar. Djasstríó Ludvigs Kára ásamt gestum frumflytja tónlist eftir Ludvig. Þeir sem koma fram ásamt honum eru Stefán Ingólfsson á bassa, Rodrigo Lopez á trommur, Ella Vala Ármannsdóttir á trompet, Petrea Óskarsdóttir á flautu, Gert-Ott Kuldpärg á saxófón og Þorkell Ásgeir Jóhannsson á básúnu.

Ferðum ferjunnar Sæfara til og frá Grímsey verður fjölgað um tvær á viku í sumar og verður þá siglt alla daga vikunnar nema á fimmtudögum og laugardögum. Nýja áætlunin gefur því ferðafólki sem kemur með ferjunni kost á að dvelja a.m.k. í sólarhring í eyjunni og kynnast þar með þessum einstaka stað betur en áður var í boði.

Ferðamönnum sem leið eiga um Akureyri gefst nú kostur á að tengjast upplýsingamiðstöð SafeTravel í Reykjavík í gegnum myndsíma sem settur hefur verið upp í upplýsingamiðstöð ferðamála í Menningarhúsinu Hofi. Búnaðurinn opnar ferðamönnum beint samband við starfsfólk SafeTravel sem býr yfir yfirgripsmikilli þekkingu og reynslu af forvörnum og upplýsingagjöf til ferðamanna.

Vinna við Aðalskipulag Akureyrar2018-2030 hófst í byrjun árs 2016 með gerð skipulagslýsingar, sem var samþykkt til auglýsingar í febrúar af bæjarstjórn Akureyrar. Haldinn var almennur kynningarfundur um skipulagslýsinguna 3. mars 2016. Hún var síðan samþykkt í apríl 2016, en jafnframt hófst eiginleg vinna við aðalskipulagið.

Helga M. Bergs fyrrverandi bæjarstjóra á Akureyri var minnst á bæjarstjórnarfundi í dag en hann lést 16. mars sl. 71 árs að aldri. Helgi fæddist 21. maí 1945. Hann var bæjarstjóri á Akureyri á árunum 1976 til 1986 eða í tvö og hálft kjörtímabil.

Nú er komin nokkur reynsla á beina flugið á milli Akureyrar og Keflavíkur og er óhætt að segja að það hafi mælst mjög vel fyrir. Það að geta flogið beint frá Akureyri og þurfa ekki að keyra suður og jafnvel bóka þar gistinótt, er til mikils hægðarauka fyrir Norðlendinga sem þurfa að komast utan.

Ásynj­ur og Ynj­ur spiluðu úr­slita­leik um Íslands­meist­ara­titil­inn í ís­hokkí í gærkvöldi í Skauta­höll­inni á Ak­ur­eyri. Bæði lið eru á veg­um Skauta­fé­lags Ak­ur­eyr­ar og lík­lega er leit­un að slík­um úr­slita­leik í nokk­urri hópíþótt á Íslandi.

Sunnudaginn 19. mars kl. 14 verður haldin sérstök Akureyrarmessa í Bústaðarkirkju í Reykjavík. Þetta er árlegur viðburður og skemmtileg hefð þar sem brottfluttir Akureyringar á höfuðborgarsvæinu geta hist og átt saman góða stund. Séra Pálmi Matthíasson þjónar í messunni og ræðumaður er Björk Jónsdóttir skólastjóri.

Ársreikningur Akureyrarbæjar fyrir árið 2016 var lagður fram í bæjarráði í dag. Fram kemur að reksturinn hefur verið nokkuð betri en áætlanir gerðu ráð fyrir þrátt fyrir ríflega 1.242 milljón króna gjaldfærslu vegna breytinga á lífeyrisskuldbindingum. Samstæða Akureyrarbæjar var rekin með 80 milljón króna halla sem er ríflega 600 milljónum króna betri árangur en fjárhagsáætlun gerði ráð fyrir.