Fréttasafn

Oddfellowreglan hefur gert upp að fullu tvær raðhúsaíbúðir við Öldrunarheimili Akureyrarbæjar, sem ætlaðar eru sjúklingum SAk, aðstandendum þeirra svo og aðstandendum heimilisfólks Öldrunarheimilanna. Auk þess hefur Oddfellowreglan keypt allan nauðsynlegan húsbúnað og innanstokksmuni í íbúðirnar, þannig að þær eru nú tilbúnar til notkunar.

Laugardaginn 29. apríl verður hin árlega dragkeppni "Hin - Hinsegin Norðurlands" haldin í Ungmennahúsinu í Rósenborg. Að þessu sinni eru 12 keppendur skráðir til leiks.

Akureyrarbær er í fremstu röð sveitarfélaga á Íslandi þegar horft er til umhverfismála en það má alltaf gera betur. Nú hefur starfsfólk Punktsins, handverksmiðstöðvar í Rósenborg, ákveðið að leggja sitt af mörkum til að efla umhverfisvitund og minnka notkun plastpoka.

Á fundi bæjarstjórnar Akureyrar þriðjudaginn 25. apríl sl. var ákveðið að skoða til hlítar leiðir sem áður hafa verið ræddar til að nýta húsnæði grunnskóla Akureyrarbæjar og fagþekkingu leikskólastigsins með því að setja upp tilraunaverkefni með stofnun 5 ára deildar í húsnæði grunnskóla með sambærilegum hætti og gert hefur verið með góðum árangri í Naustaskóla.

Síðuskóli varð í gærkvöldi meistari í Skólahreysti í beinni útsendingu Sjónvarpsins. Lið skólans fékk samanlagt 59 stig, sex og hálfu stigi meira en Lindaskóli sem varð í öðru sæti. Laugalækjarskóli varð í þriðja sæti, Brekkuskóli í því fjórða og Holtaskóli í fimmta sæti.

Átakið Akureyri á iði er nú að hefjast þriðja sinni og verður líkt og áður haldið í maí. Um er að ræða heilsueflandi verkefni þar sem markmiðið er að skipuleggja maímánuð með gjaldfrjálsum viðburðum sem tengjast heilsu og hreyfingu í umsjón aðila sem sýsla í þessum málaflokki. Íþróttadeild Akureyrarbæjar heldur utan um skipulagið og auglýsir viðburði í staðarmiðlum en sjálfir viðburðirnir eru í umsjón og á ábyrgð hvers félags, einstaklings eða fyrirtækis.

RHA - Rannsóknamiðstöð Háskólans á Akureyri býður til málstofu 27. apríl kl. 16.15 í Háskólanum á Akureyri (Miðborg, M102). Kynntar verða niðurstöður könnunar sem nýlega fór fram á meðal íbúa á Eyjafjarðarsvæðinu. Á málstofunni fást m.a. svör við eftirfarandi spurningum:

Bæjarstjórn Akureyrarkaupstaðar auglýsir hér með tillögu að rammahluta aðalskipulags Akureyrar fyrir Oddeyri, skv. 31. gr. skipulagslaga nr. 123/2010 og umhverfisskýrslu skv. 7. gr. laga um umhverfismat áætlana nr. 105/2006. Skipulagssvæðið afmarkast af Glerá í norðri, Glerárgötu í vestri, Strandgötu í suðri og til austurs nær svæðið að sjó. Í rammahluta aðalskipulagsins er lögð fram heildstæð stefna um þróun byggðar og er forsenda fyrir deiliskipulagsgerð einstakra reita á svæðinu.

Í morgun undirrituðu Eiríkur Björn Björgvinsson bæjarstjóri á Akureyri og Magni Ásgeirsson tónlistarmaður nýjan fimm ára samning Akureyrarbæjar og Tónræktarinnar. Markmið samningsins er að veita ungu fólki í bænum möguleika á að afla sér tónlistarfræðslu og bjóða upp á aukið úrval á því sviði.

Í ár fagnar Amtsbókasafnið á Akureyri 190 ára afmæli sínu. Safnið var stofnað árið 1827 af Grími Jónssyni, amtmanni á Möðruvöllum, og sleit barnsskóm sínum í vörslu Andreasar Mohrs, faktors Gudmannsverslunar, í húsi sem enn stendur í dag og er í daglegu tali nefnt Laxdalshús.

Nokkur umræða hefur verið í fjölmiðlum um leikskólamál á Akureyri. Dagbjört Pálsdóttir formaður fræðsluráðs Akureyrarbæjar telur að þar sé ekki rétt farið með allar upplýsingar og hefur því ritað greinina sem hér er birt.