Örn Ingi Gíslason. Mynd: Ragnar Th.
Stjórn Akureyrarstofu hefur ákveðið að veita Erni Inga Gíslasyni fjöllistamanni heiðursviðurkenningu Menningarsjóðs Akureyrar.
Afhendingin fer fram í Ketilhúsinu á morgun, laugardaginn 2. september, kl. 14 og er fyrsti viðburður dagsins á gjörningahátíðinni A!
Matthías Rögnvaldsson forseti bæjarstjórnar Akureyrar mun afhenda viðurkenninguna og að því loknu verður gestum boðið að þiggja léttar veitingar áður en dagskrá gjörningahátíðarinnar heldur áfram í Samkomuhúsinu kl. 15.
Allir eru hjartanlega velkomnir.