Skipulagsráð

Lögð fram að nýju tillaga að nýtingu bílastæða í miðbænum, er varða græn stæði, rafmagnsstæði, klukkustæði, frístæði, fastleigustæði, stæði fyrir fatlaða og afmörkun svæðis þar sem reglur um bílastæðakort gilda.

Á fundi ráðsins þann 4. apríl 2018 var afgreiðslu málsins frestað þar til framkvæmdum við íbúðarhús á Drottningarbrautarreit lyki.

Jónas Valdimarsson verkefnisstjóri hönnunar kom á fundinn og kynnti tillöguna.

Lögð fram til umræðu starfsáætlun skipulagssviðs fyrir árið 2019 sem samþykkt var á fundi skipulagsráðs 19. september 2018.

Á fundi skipulagsráðs þann 4. apríl 2018 var samþykkt að fela sviðsstjóra skipulagssviðs að hefja undirbúning að deiliskipulagi afhafnasvæðis á milli Hjalteyrargötu og Laufásgötu. Þessi vinna hefur ekki farið af stað og því er málið lagt fyrir að nýju þar sem skoða þarf nánar afmörkun svæðisins og hvernig standa eigi að gerð deiliskipulagsins.

Lögð fram tillaga að breytingu á aðalskipulagi Akureyrar 2018-2030 sem felur í sér tilfærslu á legu Hólasandslínu 3 sunnan við Akureyrarflugvöll í samræmi við bókun skipulagsráðs frá 12. september 2018. Ástæða breytingarinnar er að lega strengs skv. gildandi aðalskipulagi getur haft áhrif á búnað flugvallarins. Auk tillögunnar liggja fyrir umsagnir frá Isavia, Umhverfisstofnun, Náttúrufræðistofnun, Óshólmanefnd og Fiskistofu.

Erindi dagsett 18. desember 2018 þar sem Valþór Brynjarsson hjá Kollgátu fyrir hönd Vallabúsins ehf., kt. 670608-0180, óskar eftir heimild til breytingar á aðalskipulagi Akureyrar 2018-2030 vegna lögbýlisins Hesjuvalla. Samkvæmt gildandi aðalskipulagi er allt land Hesjuvalla skilgreint sem óbyggt svæði sem felur í sér að ekki er heimilt að byggja ný mannvirki á jörðinni. Óskað er eftir að aðalskipulagi verði breytt á þann veg að heimilt verði að byggja stakt íbúðarhús á um 3500 m² lóð rétt norðaustan við núverandi hús.

Lögð fram tillaga að lýsingu aðalskipulagsbreytingar sem felur í sér breytingu á landnotkun hluta af núverandi athafnasvæði í Krossaneshaga, merkt AT5, yfir í iðnaðarsvæði. Um er að ræða svæði sem nær yfir lóðir í deiliskipulagi B-áfanga Krossaneshaga, þ.e. lóðir við Ægisnes og Sjafnarnes. Ástæða fyrir breytingunni er að núverandi landnotkun á lóðum innan svæðisins samræmist betur iðnaðarsvæði auk þess sem skortur er á iðnaðarlóðum innan sveitarfélagsins.

Lögð fram að lokinni kynningu, lýsing breytingar á aðalskipulagi Akureyrar vegna endurskoðunar á stígakerfi innan sveitarfélagsins. Lýsingin var kynnt með auglýsingu dagsettri 21. nóvember 2018 auk þess sem hún var send til umsagnar. Sex athugasemdir og ábendingar bárust á kynningartíma auk umsagna frá Skipulagsstofnun, Umhverfisstofnun og Eyjafjarðarsveit.

Lagt fram erindi Teiknistofunnar Kollgátu ehf. dagsett 8. janúar 2019, f.h. umhverfis- og mannvirkjasviðs, þar sem óskað er eftir breytingu á aðalskipulagi á svæði vestan við núverandi lóð Glerárskóla að götunni Drangshlíð. Svæðið er í dag skilgreint sem opið svæði til sérstakra nota en þar sem fyrirhugað er að byggja nýjan leikskóla á svæðinu er óskað eftir að landnotkun verði breytt í svæði fyrir samfélagsþjónustu, þ.e. að svæði Glerárskóla, merkt S27, verði stækkað. Fyrir liggur tillaga að lýsingu aðalskipulagsbreytingarinnar.

Lagt fram bréf skólaráðs Glerárskóla og hverfisnefndar Holta- og Hlíðahverfis dagsett 3. desember 2018 þar sem óskað er eftir að farið verði í aðgerðir til að bæta öryggi nemenda á leið í skólann. Er óskað eftir að farið verði í gerð ganga eða göngubrúar yfir þjóðveg á svæði milli Glerár og hringtorgs við N1. Einnig er óskað eftir að settar verði gangbrautir víðar á Skarðshlíð t.d. við Höfðahlíðina og að farið verði í aðgerðir til að lækka umferðarhraða á Höfðahlíð.

Lagðar fram að nýju tillögur að breytingu á deiliskipulagi iðnaðar- og athafnasvæðis á Rangárvöllum sem ná til lóða 3, 4 og 6.

Lagt fram bréf Pálínu Gísladóttur dagsettu 7. janúar 2019 fyrir hönd Festingar ehf., kt. 550903-4150, þar sem óskað er eftir að gerð verði breyting á lóðinni Goðanes 12. Óskað er eftir að deiliskipulag lóðarinnar verði eins og það var áður en gerð var breyting á deiliskipulagi lóðarinnar haustið 2017.

Lögð fram tillaga að breytingum á deiliskipulagi Glerárvirkjunar II í samræmi við beiðni Fallorku, kt. 600302-4180, sem tekin var fyrir á fundi skipulagsráðs 12. desember 2018. Felur deiliskipulagsbreytingin í sér breytingu á legu og gerð göngustíga, staðsetningu bílastæðis/áningarstaðar og lagfæringu á legu aðrennslispípu til samræmis við verkhönnun og endanlega legu.

Lögð fram tillaga að breytingu á deiliskipulagi akstursíþrótta- og skotsvæðis á Glerárdal í samræmi við beiðni Fallorku, kt. 600302-4180, sem tekin var fyrir á fundi skipulagsráðs 12. desember 2018. Í breytingunni felst að lega göngustígs breytist lítillega á um 1500 m kafla, öryggismörk skotsvæðis minnka auk minniháttar breytinga á legu aðrennslispípu til samræmis við verkhönnun og endanlega legu.

Lagt fram minnisblað Jónasar Valdimarssonar verkefnastjóra hönnunar dagsett 10. janúar 2019 varðandi nýja fjölbýlishúsalóð við Skarðshlíð. Við gerð mæliblaðs fyrir lóðina hefur komið í ljós að nauðsynlegt er að gera tillögu að minniháttar breytingum á lóðarmörkum lóðarinnar til að skapa svigrúm vegna mögulegra breytinga á Undirhlíð í framtíðinni og til að bæta sjónlengd við gatnamót Undirhlíðar og Skarðshlíðar. Á meðfylgjandi uppdrætti má sjá tillögur að breytingu lóðarinnar.

Lagt fram minnisblað sviðsstjóra skipulagssviðs dagsett 10. janúar 2019 varðandi undirbúning fyrir úthlutun lóða sem afmarkaðar eru í nýsamþykktu deiliskipulagi við Melgerðisás og Skarðshlíð.

Á fundi skipulagsráðs 13. júlí 2018 var samþykkt að láta vinna tillögu að breytingu á deiliskipulagi fyrir Goðanes 2 í samráði við eigendur nágrannalóðar. Meðfylgjandi tillaga að stækkun lóðarinnar var kynnt og barst athugasemd frá húsfélagi Freyjuness 10 sbr. meðfylgjandi bréf dagsett 5. desember 2018. Er þar gerð athugasemd við að lóðin Goðanes 2 fari of nálægt lóðinni og í staðinn óskað eftir að lóðin Freyjunes 10 verði einnig stækkuð. Fyrir liggur tölvupóstur að lóðarhafi Goðaness 2 gerir ekki athugasemd við þá stækkun.

Lögð fram að lokinni grenndarkynningu tillaga að breytingu á deiliskipulagi sem nær til lóðarinnar Bjarkarstígur 4 sem felur í sér að heimilt verði að byggja nýja þakbyggingu í stað þeirrar sem fyrir er. Ný bygging verði allt að 50 cm hærri og allt að 15,4 m² stærri. Engar athugasemdir voru gerðar.

Lagt fram erindi Landsnets hf., kt. 580804-2410, dagsett 9. janúar 2019, þar sem óskað er eftir að gerð verði breyting á deiliskipulagi Akureyrarflugvallar, hesthúsahverfisins í Breiðholti og iðnaðar- og athafnasvæðisins á Rangárvöllum vegna fyrirhugaðrar lagningar Hólasandslínu 3.

Erindi dagsett 4. janúar 2019 þar sem Björn Ómar Sigurðsson sækir um lóð nr. 5 við Heiðartún. Meðfylgjandi er yfirlýsing viðskiptabanka.

Erindi dagsett 10. janúar 2019 þar sem Finnur Aðalbjörnsson sækir um lóð nr. 5 við Jaðarsíðu. Meðfylgjandi er yfirlýsing viðskiptabanka.

Erindi í tölvupósti 11. desember 2018 þar sem Gunnar Örn Sigurðsson fyrir hönd Olíverslunar Íslands hf., kt. 500269-3249, leggur inn til skoðunar uppfærða tillögu að fyrirkomulagi og aðkomum að lóðinni Sjafnargötu 2.

Erindi dagsett 8. janúar 2019 þar sem Hafþór Helgason fyrir hönd HHS verktaka ehf., kt. 590517-2080, sækir um lóð nr. 18 við Goðanes. Meðfylgjandi er yfirlýsing viðskiptabanka.

Tillaga að ósk Prebens Péturssonar um að breyta húsnúmerum fyrir Brekkugötu 23-27 er lögð fram að nýju að lokinni grenndarkynningu.

Ein athugasemd barst frá Katrínu Sverrisdóttur og Helga S. Gunnarssyni, Brekkugötu 25, þar sem þau lýsa sig alfarið á móti þessari breytingu. Þau telja að breytt húsnúmer hafi í för með sér mikla röskun vegna skjala og öðru tengt eigninni.

Lögð fram að lokinni grenndarkynningu umsókn um byggingu bílskúrs á lóðinni Kringlumýri 11. Engar athugasemdir bárust á kynningartíma.

Lögð fram til kynningar fundargerð 702. fundar, dagsett 6. desember 2018, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

Lögð fram til kynningar fundargerð 703. fundar, dagsett 13. desember 2018, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Lögð fram til kynningar fundargerð 704. fundar, dagsett 20. desember 2018, með fullnaðarafgreiðslum erinda. Fundargerðin er í 10 liðum og er að finna á heimasíðu Akureyrarbæjar.

Lögð fram til kynningar fundargerð 705. fundar, dagsett 10. janúar 2019, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar: