Skipulagsnefnd

241. fundur 14. september 2016 kl. 08:00 - 11:25 Bæjarstjórnarsalur á 4. hæð í Ráðhúsi
Nefndarmenn
  • Tryggvi Már Ingvarsson formaður
  • Helgi Snæbjarnarson
  • Ólína Freysteinsdóttir
  • Sigurjón Jóhannesson
  • Vilberg Helgason
  • Jón Þorvaldur Heiðarsson áheyrnarfulltrúi
Starfsmenn
  • Bjarki Jóhannesson skipulagsstjóri
  • Anna Bragadóttir verkefnastjóri skipulagsmála
  • Leifur Þorsteinsson fundarritari
Dagskrá
Helgi Snæbjarnarson L-lista mætti í forföllum Evu Reykjalín Elvarsdóttur.

1.Fjárhagsáætlun skipulagsdeildar 2016 - viðauki

Málsnúmer 2015080089Vakta málsnúmer

Tekin til afgreiðslu tillaga um viðauka við fjárhagsáætlun skipulagsdeildar 2016, sparnað samkvæmt tillögu til embættismanna dagsett 19. maí 2016. Skipulagsstjóri kynnti stöðuna á rekstri skipulagsdeildar fyrstu 8 mánuði ársins 2016.
Skipulagsnefnd samþykkir framlagðan viðauka við fjárhagsáætlun.

2.Fjárhagsáætlun 2017 - skipulagsdeild

Málsnúmer 2016090021Vakta málsnúmer

Skipulagsstjóri lagði fram tillögu að fjárhagsáætlun skipulagsdeildar fyrir árið 2017.
Skipulagsnefnd samþykkir fjárhagsáætlunina fyrir sitt leyti og vísar henni til afgreiðslu bæjarráðs.

3.Hótel Kjarnalundur lnr. 150012 - umsókn um deiliskipulagsbreytingu

Málsnúmer 2016060148Vakta málsnúmer

Erindi dagsett 23. júní 2016 þar sem Haraldur S. Árnason f.h. Kjarnalundar ehf., kt. 541114-0330, sækir um breytingu á deiliskipulagi fyrir Hótel Kjarnalund, Kjarnalundur lnr. 150012. Skipulagsnefnd heimilaði umsækjanda þann 10. ágúst 2016 að leggja fram tillögu að breytingu á deiliskipulagi.

Tillagan er dagsett 7. september 2016 og unnin af Ómari Ívarssyni hjá Landslagi.
Skipulagsnefnd leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010.

4.Hofsbót 3 - umsókn um deiliskipulagsbreytingu

Málsnúmer 2016060142Vakta málsnúmer

Erindi dagsett 23. júní 2016 þar sem Haraldur S. Árnason f.h. Vars þróunarfélags ehf., kt. 610515-0370, sækir um vilyrði fyrir lóðinni og leggur fram hugmynd að breytingu á deiliskipulagi fyrir lóðina. Skipulagsnefnd frestaði erindinu á fundi 29. júní 2016.
Skipulagsnefnd getur ekki orðið við beiðni um vilyrði fyrir lóðinni þar sem lóðir á svæðinu munu verða auglýstar með hefðbundnum hætti í samræmi við vinnureglur um lóðarveitingar þegar ákvörðun hefur verið tekin um uppbyggingu svæðisins og hafnar því erindinu.

5.Hofsbót 1 - umsókn um deiliskipulagsbreytingu

Málsnúmer 2016060123Vakta málsnúmer

Erindi dagsett 21. júní 2016 þar sem Haraldur Árnason f.h. Hofs Fasteignafélags hf., kt. 600516-0780, sækir um lóðina og deiliskipulagsbreytingu fyrir lóð nr. 1 við Hofsbót. Skipulagsnefnd frestaði erindinu á fundi 29. júní 2016.
Skipulagsnefnd getur ekki orðið við beiðni um úthlutun lóðarinnar þar sem lóðir á svæðinu munu verða auglýstar með hefðbundnum hætti í samræmi við vinnureglur um lóðarveitingar þegar ákvörðun hefur verið tekin um uppbyggingu svæðisins og hafnar því erindinu.

6.Vættagil 27 og 29 - deiliskipulagsbreyting

Málsnúmer 2016090033Vakta málsnúmer

Skipulagsstjóri lagði fram tillögu um breytingu á deiliskipulagi Giljahverfis. Um er að ræða breytingu á lóðamörkum og byggingarreit milli húsa nr. 25-27 og 29-31 við Vættagil.
Skipulagsnefnd felur skipulagsstjóra að gera tillögu að breytingu á deiliskipulagi sem verður svo grenndarkynnt í samræmi við 2. mgr. 43. gr. skipulagslaga.

7.Þrumutún 8 - umsókn um deiliskipulagsbreytingu

Málsnúmer 2016090037Vakta málsnúmer

Erindi dagsett 6. september 2016 þar sem Þröstur Sigurðsson f.h. Margrétar Stefánsdóttur, kt. 120455-5759, sækir um breytingu á deiliskipulagi fyrir Þrumutún 8. Meðfylgjandi eru teikningar.
Skipulagsnefnd heimilar umsækjanda að leggja fram tillögu að breytingu á deiliskipulagi. Breytingin verði unnin í samræmi við 2. mgr. 43. gr. skipulagslaga nr. 123/2010.

8.Ægisnes 2 - umsókn um deiliskipulagsbreytingu

Málsnúmer 2016090044Vakta málsnúmer

Erindi dagsett 7. september 2016 þar sem Logi Már Einarsson f.h. Norðurbiks ehf., kt. 410704-2260, sækir um breytingu á deiliskipulagi fyrir Ægisnes 2.
Skipulagsnefnd heimilar umsækjanda að leggja fram tillögu að breytingu á deiliskipulagi. Breytingin verði unnin í samræmi við 2. mgr. 43. gr. skipulagslaga nr. 123/2010.

9.Ægisnes 3 - umsókn um deiliskipulagsbreytingu

Málsnúmer 2016090036Vakta málsnúmer

Erindi dagsett 6. september 2016 þar sem Stefán Eyfjörð Stefánsson f.h. ÍGF ehf., kt. 470596-2289, sækir um breytingu á deiliskipulagi fyrir Ægisnes 3.
Skipulagsnefnd heimilar umsækjanda að leggja fram tillögu að breytingu á deiliskipulagi. Breytingin verði unnin í samræmi við 2. mgr. 43. gr. skipulagslaga nr. 123/2010.

10.Hafnarstræti 69 - tenging við Hótel Akureyri, fyrirspurn

Málsnúmer 2016020105Vakta málsnúmer

Fyrirspurn dagsett 4. febrúar 2016 frá Haraldi Árnasyni um möguleika á að byggja hótel á lóðinni, sem mundi tengjast Hótel Akureyri á næstu lóð, Hafnarstræti 67. Skipulagsnefnd heimilaði umsækjenda á fundi 22. júní 2016, að leggja fram tillögu að breytingu á deiliskipulagi. Tillagan er dagsett 14. september 2016 og unnin af Ómari Ívarssyni hjá Landslagi.
Skipulagsnefnd frestar afgreiðslu málsins.

11.Miðbær - deiliskipulagsbreyting vegna fjölgunar lóða og breytingu á Torfunefsbryggju

Málsnúmer 2016010086Vakta málsnúmer

Tekin er til skoðunar skipulagstillaga að breytingum og fjölgun lóða á Torfunefi og í Hofsbót sem var auglýst frá 25. maí með athugasemdafresti til 6. júlí 2016. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.



Tvær athugasemdir bárust:

1. Jóhannes Árnason, dagsett 2. júní 2016.

a) Leggur til að leigubílar og rútur geti ekið inn á lóð Hofs frá Glerárgötu.

b) Laga þyrfti gönguleið frá Strandgötu að Hofi þar sem gestir Hofs leggja í Strandgötu.

c) Kveða þyrfti á um frágang yfirborðs á lóð Hofs fyrir greiðari gönguleiðir og minni hættur.

d) Með grjótgarði er verið að taka sjóinn frá fólkinu, gönguleiðin ætti frekar að vera á brú eða að grjótgarðurinn bútaður meira niður þar sem sjórinn kæmist óhindraður undir.

e) Ef Glerárgata yrði mjókkuð gætu fengist mörg bílastæði. Bilastæðahús gæti verið undir Ráðhústorgi og við Gilsbakkaveg.

2) Reginn hf., dagsett 6. júlí 2016.

a) Lónið sem myndast milli Strandgötu 14 og nýrrar gönguleiðar mætti vera stærra.

b) Hönnun gönguleiðarinnar mætti vera opnari og náttúrulegri.



Fjórar umsagnir bárust:

1. Hafnasamlag Norðurlands, dagsett 6. júní 2016.

a) Óskað er eftir því að lóðin Torfunef 1 verði færð vestar um 10-15 metra, þar sem húsið geti hamlað almennri hafnarþjónustu ef húsið er nær bryggju.

b) Óskað er eftir því að rammi bryggju verði stækkaður um 7 metra til austurs suður að innkeyrslu af Drottningarbraut og inn á bryggjuna.

2. Minjastofnun Íslands, dagsett 21. júní 2016.

a) Ekki er gerð athugasemd við tillöguna en vakin er athygli á því að ef fornminjar finnast skal stöðva framkvæmdir.

3) Vegagerðin, dagsett 6. júlí 2016.

Engin athugasemd er gerð.

4) Samstarfsnefnd um ferlimál fatlaðra, dagsett 12. september 2016.

Samstarfsnefnd um ferlimál fatlaðra gerir ekki athugasemdir við tillöguna sem slíka en óskar eftir við framkvæmdadeild að deiliuppdrættir af frágangi og útfærslum á svæðinu og vegna nýrrar gönguleiðar að Strandgötu verði lagðar fyrir nefndina á hönnunarstigi.
Svör við athugasemdum.

1a) Þar sem Glerárgata er stofnbraut og þrenging götunnar fyrirhuguð telst ekki ásættanlegt að hafa þar frárein fyrir rútur.

1b) Þessi athugasemd er ekki viðfangsefni deiliskipulagsbreytingarinnar en henni er vísað áfram til framkvæmdadeildar.

1c) Þessi athugasemd er ekki viðfangsefni deiliskipulagsbreytingarinnar og gefur því ekki tilefni til svars.

1d) Skipulagið gerir ráð fyrir að opið verði milli lónsins og sjávar og verður nánar útfært við hönnun.

1e) Ekki er gert ráð fyrir bílastæðum í beinum tengslum við Glerárgötu þar sem hún er stofnbraut. Athugasemd um bílastæðahús fellur utan skipulagssvæðisins.

2a) Stærð lónsins afmarkast af áningarstað við Strandgötu og sjávardýpi. Vegna grynninga innan lónsins leggur skipulagsnefnd til að lónið verði dýpkað.

2b) Skipulagið gerir ráð fyrir að opið verði milli lónsins og sjávar og verður nánar útfært við hönnun.

Svör við umsögnum:

1a) Skipulagsnefnd getur ekki tekið undir hugmyndina þar sem tilfærsla lóðarinnar mun takmarka gott aðgengi milli lóða 1 og 3 og þar með nýtingu svæðisins. Skipulagsnefnd beinir því til hönnuða að leita lausnar í samvinnu við hafnarstjórn sem þjóna sem best markmiðum skipulagsins.

1b) Skipulagsnefnd getur fallist á beiðnina og mun lagfæra uppdráttinn.

Skipulagsnefnd frestar afgreiðslu málsins að öðru leyti til næsta fundar.

12.Þjónustumiðstöð - umsókn um skipulag

Málsnúmer 2016080043Vakta málsnúmer

Erindi dagsett 7. september 2016 þar sem Kristján Ingvarsson leggur fram fyrirspurn um mögulega lóð undir þjónustumiðstöð á svæði sunnan Bónus.
Skipulagsnefnd frestar erindinu til næsta fundar.

13.Sjávargata 4 - fyrirspurn

Málsnúmer 2016090007Vakta málsnúmer

Erindi dagsett 1. september 2016 þar sem Jónas V. Karlesson er með fyrirspurn um byggingu 8 kornsílóa á lóð Bústólpa við Sjávargötu 4. Meðfylgjandi er teikning.
Skipulagsnefnd telur að umfang mannvirkjanna kalli á breytinu á deiliskipulagi og heimilar umsækjanda að leggja fram tillögu að breytingu. Umsækjanda er bent á að vinna breytinguna í samvinnu við Hafnasamlag Norðurlands sem er með tillögu að deiliskipulagi aðliggjandi svæðis í vinnslu.

14.Austurvegur lnr. 175494 - lóðarstækkun - lóðaleigusamningur

Málsnúmer 2016020219Vakta málsnúmer

Erindi dagsett 11. ágúst 2016 þar sem Haraldur Hrafnsson, kt. 010859-7869, og Sólveig Einarsdóttir, kt. 090859-5369, óska eftir lóðarstækkun fyrir eign, fastanúmer: 222-4565 í Hrísey. Meðfylgjandi er teikning. Skipulagsnefnd hafnaði samskonar umsókn á fundi sínum 23. mars 2016.
Skipulagsnefnd vísar í fyrri bókun sína frá 23. mars 2016 og hafnar erindinu.

15.Huldugil - Réttarhvammur - umsókn um framkvæmdarleyfi

Málsnúmer 2016090035Vakta málsnúmer

Erindi dagsett 5. september 2016 þar sem Stefán H. Steindórsson f.h. Norðurorku, kt. 550978-0169, sækir um framkvæmdarleyfi fyrir hitaveitulögn frá Huldugili að Réttarhvammi. Meðfylgjandi er teikning.
Skipulagsnefnd hefur yfirfarið meðfylgjandi gögn vegna framkvæmdarinnar og samþykkir útgáfu framkvæmdarleyfisins á grundvelli 4. gr.- g "Samþykktar um skipulagsnefnd".

Eftirfarandi skilyrði setur skipulagsnefnd fyrir veitingu framkvæmdarleyfisins:

Framkvæmdin skal vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

16.Ráðstefna ERSA um skipulagsmál

Málsnúmer 2016090045Vakta málsnúmer

Skipulagsstjóri greindi frá ráðstefnu European Regional Science Assosiation 2016, sem haldin var í Vínarborg og fjallaði um skipulagsmál. Greint frá innihaldi erinda á ráðstefnunni og þýðingu fyrir skipulag Akureyrar.
Skipulagsnefnd þakkar fyrir kynninguna.

17.Glerárvirkjun II - framkvæmdaleyfi

Málsnúmer 2015090001Vakta málsnúmer

Erindi dagsett 7. september 2016 þar sem Bergur Steingrímsson f.h. Fallorku ehf., kt. 600302-4180, sækir um framkvæmdaleyfi fyrir gerð stígs og öryggismana á vesturhluta skotsvæðis.
Skipulagsnefnd hefur yfirfarið meðfylgjandi gögn vegna framkvæmdanna, sem eru í samræmi við samþykkt aðal- og deiliskipulag, og samþykkir útgáfu framkvæmdaleyfisins á grundvelli 4. gr.- g "Samþykktar um skipulagsnefnd".

Eftirfarandi skilyrði setur skipulagsnefnd fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

18.Kotárgerði 5 - fyrirspurn

Málsnúmer 2016020020Vakta málsnúmer

Erindi dagsett 2. febrúar 2016 þar sem Guðrún Dóra Clarke, kt. 240775-3019, og Sveinn Ríkharður Jóelsson, kt. 120173-4569, sækja um viðbyggingu við Kotárgerði 5. Skipulagsnefnd tók jákvætt í erindið á fundi 9. mars 2016 og fól skipulagsstjóra að grenndarkynna erindið þegar umsókn um byggingarleyfi bærist.

Erindið var grenndarkynnt 12. ágúst og var athugasemdafrestur til 9. september 2016.

Engin athugasemd barst.
Skipulagsnefnd tekur jákvætt í erindið og felur skipulagsstjóra að afgreiða umsókn um byggingarleyfi.

19.Hafnarstræti 80 - umsókn um fergingu lóðar og framlengingu á framkvæmdafresti

Málsnúmer 2013010305Vakta málsnúmer

Erindi dagsett 18. ágúst 2016 þar sem Sverrir Gestsson fyrir hönd Norðurbrúar ehf., kt. 620113-0420, sækir um framlengingu á framkvæmdafresti til 20. ágúst 2017 á lóð nr. 80 við Hafnarstræti. Félagið hefur framkvæmdafrest til 1. nóvember 2016, sem skipulagsnefnd samþykkti 14. október 2015.

Einnig er lagt fram erindi dagsett 6. september 2016 þar sem Sverrir Gestsson fyrir hönd Norðurbrúar ehf. óskar eftir heimild til að fergja lóðina. Skipulagsstjóri gerði grein fyrir erindinu.
Skipulagsnefnd samþykkir umbeðna framlengingu á framkvæmdafresti þar sem lóðin er ekki enn byggingarhæf og nauðsynlegt að fergja hana vegna grundunar væntanlegs húss.

Skipulagsnefnd samþykkir að leyfa fergingu lóðarinnar. Farghæð verði um 4,5 metrar, fargið látið standa í allt að sex mánuði og fylgst með sigferlinum. Gerðar eru þær kröfur um frágang að ekki fjúki úr haugnum t.d. með torfi eða á annan viðunandi hátt sem skipulagsstjóri samþykkir þannig að svæðið verði snyrtilegt ásýndar. Ákveði umsækjandi að skila lóðinni skal hann fjarlægja fargið á eigin kostnað og ganga frá svæðinu í sama ástandi og nú er.

Ólína Freysteinsdóttir S-lista tók ekki þátt í afgreiðslu málsins.

20.Hamragerði 13 - umsókn um stækkun lóðar

Málsnúmer 2016080108Vakta málsnúmer

Erindi dagsett 26. ágúst 2016 þar sem Bergljót Pálsdóttir, kt. 190133-6489, sækir um stækkun á lóð nr. 13 við Hamragerði.
Skipulagsnefnd frestar erindinu og óskar eftir rökstuðningi fyrir umókninni.

21.Heiðartún 1 - hávaðamengun

Málsnúmer 2016080116Vakta málsnúmer

Erindi frá Særúnu Emmu Stefánsdóttur, kt. 261086-2479, þar sem hún fer fram á að mældur verði umferðarhraði á Kjarnagötunni, sett upp hraðahindrun og gangbraut yfir Kjarnagötu við Heiðartún og dregið úr hávaðamengun frá götunni.
Skipulagsnefnd frestar erindinu og óskar eftir umsögn framkvæmdadeildar.



22.Lerkilundur 31 - kvörtun um umgengni

Málsnúmer 2016050277Vakta málsnúmer

Erindi dagsett 27. maí 2016 þar sem Þorsteinn Gunnarsson, kt. 211053-3059, f.h. 18 íbúa í Lerki- og Grenilundi, mótmælir starfsemi við einbýlishúsið Lerkilund 31, hefur verið breytt í athafnasvæði fyrir vélaverktaka og bílum og tækjum lagt við og í nærliggjandi götur, garðskúr hefur verið byggður án leyfis á lóðamörkum að vestan og bílastæði hefur verið stækkað.
Skipulagsnefnd frestar erindinu.

23.Kaupvangsstræti 10-12 - umsókn um byggingarleyfi

Málsnúmer 2016080127Vakta málsnúmer

Erindi dagsett 31. ágúst 2016 þar sem Steinþór Kári Kárason f.h. Fasteigna Akureyrarbæjar, kt. 710501-2380, sækir um viðbyggingu og breytingar á húsum nr. 10-12 við Kaupvangsstræti. Meðfylgjandi eru teikningar eftir Steinþór Kára Kárason.
Skipulagsnefnd frestar afgreiðslu til næsta fundar.

24.Afgreiðslur skipulagsstjóra 2016

Málsnúmer 2016010020Vakta málsnúmer

Fundargerð dagsett 25. ágúst 2016. Lögð var fram fundargerð 598. fundar með fullnaðarafgreiðslum erinda. Fundargerðin er í 6 liðum.
Lagt fram til kynningar.

25.Afgreiðslur skipulagsstjóra 2016

Málsnúmer 2016010020Vakta málsnúmer

Fundargerð dagsett 1. september 2016. Lögð var fram fundargerð 599. fundar með fullnaðarafgreiðslum erinda. Fundargerðin er í 6 liðum.
Lagt fram til kynningar.

Fundi slitið - kl. 11:25.