Akureyrarkaupstaður 150 ára árið 2012

Bæjarráð þakkar kynninguna.

Bæjarráð felur bæjarstjóra að útbúa erindisbréf afmælisnefndar og vinna áfram að málinu.

Bæjarráð samþykkir að undirbúningshópurinn nefnist hér eftir afmælisnefnd og starfi til loka ársins 2012.

Bæjarráð staðfestir erindisbréfið.

Það er vilji bæjarráðs að sem flestir komi að hátíðarhöldum og verkefnum í tilefni afmælisársins og að stofnanir og félög sem njóta styrkja frá Akureyrarbæ noti hluta af þeim til viðburða í tengslum við afmælisárið. Bæjarráð beinir því jafnframt til deilda og stofnana bæjarins og allra sem málið varðar að reikna með afmælisárinu í skipulagningu verkefna ársins 2012.

Bæjarráð frestar afgreiðslu varðandi samninga um verkefni vegna afmælisins.

Bæjarráð þakkar Sigríði komuna á fundinn og felur nefndinni áframhaldandi vinnu að verkefninu í samræmi við umræður á fundinum.

Hugmyndir um verkefni sendar afmælisnefnd til skoðunar.

Bæjarráð þakkar Sigríði og Tryggva Þór komuna á fundinn.

Skólanefnd þakkar Jórunni og Ragnheiði Lilju fyrir upplýsingarnar.

Samfélags- og mannréttindaráð samþykkir að hafa móttöku- og kynningardag fyrir nýja íbúa Akureyrar laugardaginn 15. september næstkomandi.

Dagskrá hátíðarfundar bæjarstjórnar er færð í trúnaðarbók bæjarráðs.

Stjórn Akureyrarstofu fagnar því hve einstaklega vel tókst til með Afmælisvöku Akureyrar og óskar afmælisnefnd bæjarins og starfsfólki hennar til hamingju með þennan góða árangur. Ljóst er að vel hefur tekist til með samstarf nefndarinnar við Akureyrarstofu og aðra aðila við undirbúning og að hjá starfsmönnum býr umtalsverð þekking og reynsla á skipulagningu og framkvæmd viðburða.

Stjórn Akureyrastofu þakkar sérstaklega íbúum bæjarins fyrir þeirra þátt í að gera glæsilegt afmælisár að veruleika.

Bæjarráð þakkar öllum þeim sem komu að undirbúningi og framkvæmd hátíðarhaldanna í tilefni 150 ára afmælis Akureyrarkaupstaðar.

Einnig þakkar bæjarráð bæjarbúum og gestum fyrir mikla og góða þátttöku í hátíðinni.

Bæjarráð þakkar allar kveðjur og gjafir sem sveitarfélaginu bárust í tilefni afmælisins.

Bæjarráð lýsir yfir ánægju sinni með störf afmælisnefndar og heimilar henni að færa allt að 3,5 millj. kr. vegna margmiðlunarsýningar til ársins 2013.