Samfélags- og mannréttindaráð

Markus Meckl dósent við Háskólann á Akureyri kom á fundinn og kynnti rannsókn sem hann vinnur að um íslenskuþekkingu innflytjenda á Akureyri.

Farið yfir tillögur bæjarráðs að tekju- og fjárhagsrömmum fyrir þá málaflokka sem heyra undir samfélags- og mannréttindaráð.

Lagðar fram upplýsingar vegna tilboðs Rannsókna- og þróunarmiðstöðvar Háskólans á Akureyri vegna kynjaðrar úttektar á launum starfsmanna Akureyrarbæjar.

Áframhaldandi vinna við útfærslu móttöku- og kynningardags fyrir nýja íbúa bæjarins í tilefni 150 ára afmælis Akureyrarkaupstaðar.

Tekin fyrir fyrirspurn í samræmi við 11. lið í fundargerð bæjarráðs 28. júní sl.
Andrea Sigrún Hjálmsdóttir V-lista óskar bókað:
Á fundi sínum þann 4. janúar 2012 bókaði samfélags- og mannréttindaráð eftirfarandi : "Samfélags- og mannréttindaráð samþykkir að kannað verði hvort mögulegt sé að ráða verkefnastjóra í sex mánuði til að vera nefndum og deildum bæjarins innan handar við kynjasamþættingu og afnám staðalímynda. Vilji ráðsins er að Akureyrarbær verði áfram í forystu í jafnréttismálum".
Ég óska eftir upplýsingum um niðurstöðu málsins.
Bæjarráð vísar fyrirspurninni til samfélags- og mannréttindaráðs.