Bæjarráð

3232. fundur 22. júlí 2010 kl. 09:00 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Guðmundur Baldvin Guðmundsson
  • Ólafur Jónsson
  • Sigurður Guðmundsson áheyrnarfulltrúi
  • Tryggvi Þór Gunnarsson
  • Petrea Ósk Sigurðardóttir
  • Sigrún Stefánsdóttir áheyrnarfulltrúi
  • Edward Hákon Huijbens áheyrnarfulltrúi
Starfsmenn
  • Karl Guðmundsson
  • Heiða Karlsdóttir fundarritari
Dagskrá

1.Bæjarstjórn Akureyrar - breytingar í nefndum

2010060027

Lögð fram tillaga um breytingu á skipan fulltrúa L-lista svohljóðandi:

Skólanefnd:
Sigrún Björk Sigurðardóttir, kt. 040782-3629, tekur sæti sem aðalmaður í stað Herdísar R. Arnórsdóttur, kt. 141269-3569.

Einnig lagðar fram tillögur um breytingar á skipan fulltrúa Sjálfstæðisflokks svohljóðandi:

Umhverfisnefnd:
Kolbrún Sigurgeirsdóttir, kt. 090266-5789, tekur sæti aðalmanns í stað Björns Ingimarssonar, kt. 301254-4079. Kristinn Frímann Árnason, kt. 151268-5959, tekur sæti varamanns í stað Ragnars Sigurðssonar, kt. 081280-3559.

Heilbrigðisnefnd Norðurlands eystra:
Sigurjón Jóhannesson, kt. 230666-5049, tekur sæti aðalmanns í stað Kolbrúnar Sigurgeirsdóttur, kt. 090266-5789. Jóna Jónsdóttir, kt. 030776-3809, tekur sæti varamanns í stað Kristins Frímanns Árnasonar, kt. 151268-5959.

Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 29. júní 2010.

Bæjarráð samþykkir tillöguna.

2.Akureyrarkaupstaður 150 ára árið 2012

2009090008

Lögð fram tillaga um skipan fulltrúa í undirbúningshóp vegna 150 ára afmælis Akureyrarkaupstaðar árið 2012.
Undirbúningshópinn skipi:
Tryggvi Þór Gunnarsson, kt. 130565-3959
Helena Þ. Karlsdóttir, kt. 280867-5789
Úlfhildur Rögnvaldsdóttir, kt. 010946-4849
Starfsmenn nefndarinnar verði Pétur Bolli Jóhannesson skipulagsstjóri og Sigríður Stefánsdóttir verkefnastjóri.
Bæjarráð samþykkir tillöguna.

3.Stofnun Vigdísar Finnbogadóttur - styrkbeiðni

2010070055

Erindi dags. 10. júlí 2010 frá Auði Hauksdóttur forstöðumanni þar sem leitað er eftir styrk til byggingar fyrir Stofnun Vigdísar Finnbogadóttur.

Bæjarráð getur ekki orðið við erindinu.

4.Frímerkjasöfn í eigu Akureyrarbæjar

2010030089

Lagt fram minnisblað Karls Guðmundssonar bæjarritara dags. 19. júlí 2010 varðandi frímerkjasöfn í eigu Akureyrarbæjar. Á fundi bæjarráðs 18. mars sl., var bæjarritara falið að láta meta söfnin. Einnig lagt fram samkomulag við Emelie J. Kvaran dags. 27. mars 2010 um breytingu á skilmálum gjafagernings Jakobs H. Kvaran til Akureyrarbæjar árið 1974.

Bæjarráð samþykkir að selja frímerkjasafn Jakobs H. Kvaran og að andvirði þess verði ráðstafað í þágu aldraðra á Akureyri.

5.Háskólinn á Akureyri - samdráttur í starfsemi skólans

2010070085

Með tölvupósti dags. 19. júlí 2010 óskar Edward H. Huijbens eftir að fá að kynna bréf Stefáns B. Sigurðssonar rektors Háskólans á Akureyri til starfsmanna skólans er varðar fyrirhugaðan niðurskurð í starfsemi skólans á árinu 2011.

Edward H. Huijbens lagði fram tillögu að bókun svohljóðandi:

"Bæjarráð Akureyrar harmar niðurskurð á opinberum framlögum til Háskólans á Akureyri árið 2010 og lýsir yfir þungum áhyggjum af væntanlegum viðbótarniðurskurði árið 2011.

Akureyri er og hefur í gegnum tíðina verið skólabær og Háskólinn á Akureyri hefur síðustu 20 árin leitt uppbyggingu háskólastarfs á landsbyggðinni. Mjög nauðsynlegt er að háskólar fái að starfa utan höfuðborgarsvæðisins. Beinir bæjarráð því til ríkisstjórnar og ráðherra menntamála að standa vörð um rekstur og uppbyggingu háskólastarfs á Akureyri. "

Bæjarráð samþykkir bókunartillöguna.

6.Launanefnd sveitarfélaga - verkfallsboðun LSS

2010070089

Lagður fram til kynningar tölvupóstur dags. 16. júlí 2010 frá Ingu Rún Ólafsdóttur sviðsstjóra kjarasviðs Sambands íslenskra sveitarfélaga f.h. Launanefndar sveitarfélaga (LN) er varðar verkfallsboðun Landssambands slökkviliðs- og sjúkraflutningamanna (LSS).
Halla Margrét Tryggvadóttir starfsmannastjóri sat fundinn undir þessum lið.

7.Verslunarmannahelgin - Ein með öllu 2010

2010070090

Erindi dags. 19. júlí 2010 frá Vinum Akureyrar þar sem þeir óska eftir að opnunartími skemmtistaða verði lengdur um verslunarmannahelgina 2010. Einnig óska þeir eftir að fá leyfi til að efna til unglingaskemmtana í KA-heimilinu á laugardags- og sunnudagskvöldi þessa sömu helgi frá kl. 23:00 til 03:00 bæði kvöldin.
Inga Þöll Þórgnýsdóttir bæjarlögmaður mætti á fundinn undir þessum lið.

Bæjarráð bendir á að í gildandi lögreglusamþykkt fyrir Akureyri er lengri opnunartími veitingahúsa heimilaður um verslunarmannahelgi og telur ekki rök fyrir að auka hann enn frekar. Bæjarráð veitir leyfi til að efna til áfengislausra unglingaskemmtana fyrir 16 ára og eldri á laugardags- og sunnudagskvöldi frá kl. 23:00 til 03:00 bæði kvöldin. Gert er ráð fyrir því að boðið verði upp á strætisvagnaferðir heim strax að unglingaskemmtunum loknum líkt og verið hefur.

8.Verslunarmannahelgin - Ein með öllu 2010

2010070090

Erindi dags. 19. júlí 2010 frá Sýslumanninum á Akureyri þar sem óskað er umsagnar á umsókn dags. 19. júlí 2010 frá Kristófer Ívari Knutsen, kt. 030890-2729, þar sem óskað er eftir leyfi til að halda ball fyrir 14 ára og eldri í austasta hluta Slökkvistöðvar Akureyrar.
Inga Þöll Þórgnýsdóttir bæjarlögmaður sat fundinn undir þessum lið.

Bæjarráð tekur jákvætt í erindið og setur eftirfarandi skilyrði fyrir dansleiknum:

Dansleikurinn verði auglýstur fyrir aldurinn 14-16 ára.

Dansleikurinn verði auglýstur sem áfengis- og vímuefnalaus skemmtun.

Tveir fulltrúar Samtaka, Samtökum foreldrafélaga á Akureyri fái frían aðgang að dansleiknum til eftirlits.

Ströng dyravarðagæsla verði og auglýst að framvísa verði skilríkjum við innganginn.

Bæjarritara falið að ganga frá leigugjaldi og hugsanlegum strætisvagnaferðum.

Fundi slitið.