Skipulagsráð

Lögð fram tillaga að kynningaráætlun skipulagssviðs fyrir árið 2021 í samræmi við aðgerðaáætlun upplýsingastefnu Akureyrarbæjar.

Niðurstöður úr þjónustukönnun Gallup lagðar fram til kynningar.

Lagt fram bréf Skipulagsstofnunar dagsett 4. febrúar 2021 þar sem fram kemur að ekki sé gerð athugasemd við auglýsingu breytingarinnar, sem samþykkt var í bæjarstjórn 19. janúar 2021, þegar brugðist hefur verið við ábendingum varðandi skilmála um hæð og þéttleika byggðar á tjaldsvæðisreit. Þá er jafnframt lögð fram endurskoðuð tillaga að breytingu aðalskipulags þar sem gerðar hafa verið lagfæringar til að koma til móts við bréf Skipulagsstofnunar.

Lögð fram að nýju umsókn SS Byggis ehf. um breytingu á deiliskipulagi við Tónatröð til samræmis við meðfylgjandi hugmyndir að uppbyggingu.

Lögð fram að lokinni auglýsingu skv. 1. mgr. 31. gr. skipulagslaga nr. 123/2010 tillaga að breytingu á aðalskipulagi Akureyrar 2018-2030 fyrir íbúðasvæði ÍB17 og ÍB18, til samræmis við tillögu að deiliskipulagi sem auglýst var samhliða. Var aðalskipulagsbreytingin auglýst 19. desember 2020 með athugasemdafresti til 1. febrúar 2021. Barst ein athugasemd auk umsagna frá Hörgársveit, Minjastofnun, Norðurorku og ungmennaráði. Fyrir liggur tillaga að svörum við efni athugasemdar og umsagna.

Lögð fram að lokinni auglýsingu skv. 1. mgr. 41. gr. skipulagslaga nr. 123/2010 tillaga að deiliskipulagi Holtahverfis norður sem nær til svæðis suðvestan og norðaustan við Krossanesbraut, frá Undirhlíð og norður að Hlíðarbraut. Var deiliskipulagstillagan auglýst frá 19. desember 2020 til 1. febrúar 2021, samhliða breytingu á aðalskipulagi svæðsins auk breytinga á afmörkun tveggja aðliggjandi deiliskipulagssvæða. Bárust 6 athugasemdabréf auk umsagna frá umhverfis- og mannvirkjasviði, Norðurorku, Vegagerðinni og Minjastofnun. Er tillagan lögð fram með nokkrum minniháttar breytingum til að koma til móts við athugasemdir og ábendingar sem bárust á kynningartíma. Einnig er lögð fram tillaga að svörum við athugasemdum og umsögnum.

Lögð fram að lokinnni auglýsingu skv. 1. mgr. 41. gr. skipulagslaga nr. 123/2010 tillaga að breytingu á deiliskipulagi Sandgerðisbótar sem felst í breytingu á skipulagsmörkum. Engin athugasemd barst.

Lögð fram að lokinni auglýsingu skv. 1. mgr. 41. gr. skipulagslaga nr. 123/2010 tillaga að breytingu á deiliskipulagi Stórholts - Lyngholts sem felst í breytingu á skipulagsmörkum. Engin athugasemd barst.

Á fundi 13. janúar 2021 var skipað í vinnuhóp fyrir gerð ramma- og deiliskipulags fyrir íbúðarsvæði vestan Borgarbrautar.

Lagðar fram til kynningar uppfærðar tillögur að staðsetningu heilsugæslustöðvar á tjaldsvæðisreit með aðkomu frá Byggðavegi.

Lögð fram til kynningar tillaga að breytingu á deiliskipulagi sem nær til lóðarinnar Skarðshlíð 20.

Lagðar fram til kynningar tillögur Luxor ehf. að uppbyggingu á svæði sem nær til lóðanna Austurbrúar 10-12, Hafnarstrætis 80 og Hafnarstrætis 82.

Lögð fram tillaga að breytingu á nýtingarhlutfalli lóðanna Nonnahagi 1, 3 og 5 í Hagahverfi. Samkvæmt gildandi deiliskipulagi er nýtingarhlutfallið 0,40 en með breytingunni er gert ráð fyrir að það verði á bilinu 0,25-0,40.

Lagt fram bréf Lögmannsstofu Norðurlands ehf. dagsett 26. janúar 2021, f.h. Bifreiðastöðvar Oddeyrar ehf. þar sem óskað er eftir að félaginu verði ekki gert að víkja af reitnum næstu 24 mánuði nema að samkomulag hafi náðst um annað.

Lagt fram að nýju erindi dagsett 24. nóvember 2020 þar sem Fanney Hauksdóttir fyrir hönd Margrétar Jónsdóttur leggur inn fyrirspurn varðandi byggingu garð-/svalaskýlis við hús nr. 29 við Kotárgerði. Er lögð fram ítarlegri greinargerð um dagsbirtu aðliggjandi herbergja í húsinu.

Byggingarfulltrúi óskar umsagnar skipulagsráðs um erindi dagsett 28. janúar 2021 þar sem Valþór Brynjarsson fyrir hönd Inga Jóhanns Guðmundssonar, Sigrúnar Lilju Guðbjartsdóttur, Skúla Gunnars Ágústssonar og Fjólu Þuríðar Stefánsdóttur sækir um leyfi til að gera svalir á norðurhlið og setja upp arinn ásamt reykröri upp úr þaki í íbúð 0304 og svalir á austurhlið íbúðar 0301 í Austurbrú 6-8. Meðfylgjandi eru teikningar eftir Valþór Brynjarsson.

Erindi dagsett 28. janúar 2021 þar sem Kamil Galent leggur inn fyrirspurn varðandi lóð/staðsetningu fyrir sjálfsala (e. amusement machines). Sjá nánar á www.kalkomat.com.

Erindi dagsett 5. febrúar 2021 þar sem Norðurorka hf. sækir um leyfi fyrir framkvæmd við hitaveitulagnir innan lóðar Glerárskóla við Höfðahlíð.

Lögð fram til kynningar fundargerð 798. fundar, dagsett 21. janúar 2021, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Lögð fram til kynningar fundargerð 799. fundar, dagsett 28. janúar 2021, með fullnaðarafgreiðslum erinda. Fundargerðin er í 9 liðum og er að finna á heimasíðu Akureyrarbæjar.