Brothættar byggðir

Málsnúmer 2015070054

Vakta málsnúmer

Atvinnumálanefnd - 7. fundur - 11.08.2015

Lögð fram drög að starfslýsingu og auglýsingu eftir starfsmanni til að vinna að verkefninu Brothættum byggðum í Hrísey og Grímsey.
Atvinnumálanefnd samþykkir drög að starfslýsingu og auglýsingu fyrir sitt leyti og leggur til við bæjarráð að starfið verði auglýst sem fyrst.

Bæjarráð - 3470. fundur - 27.08.2015

3. liður í fundargerð atvinnumálanefndar dagsett 11. ágúst 2015:
Lögð fram drög að starfslýsingu og auglýsingu eftir starfsmanni til að vinna að verkefninu Brothættum byggðum í Hrísey og Grímsey.
Atvinnumálanefnd samþykkir drög að starfslýsingu og auglýsingu fyrir sitt leyti og leggur til við bæjarráð að starfið verði auglýst sem fyrst.
Bæjarráð samþykkir að starfið verði auglýst og að gerður verði viðauki við fjárhagsáætlun að upphæð krónur 2.000.000 til að mæta kostnaði.

Atvinnumálanefnd - 8. fundur - 02.09.2015

Lagður fram tölvupóstur dagsettur 27. ágúst 2015 frá Sigríði Þorgrímsdóttur fyrir hönd Byggðastofnunar. Í póstinum er óskað eftir tilnefningu sveitarfélagsins í verkefnastjórnir vegna brothættra byggða verkefnanna fyrir Hrísey og Grímsey.
Atvinnumálanefnd samþykkir að Matthías Rögnvaldsson formaður atvinnumálanefndar verði fulltrúi Akureyrar í verkefnastjórnunum.

Atvinnumálanefnd - 9. fundur - 23.09.2015

Frestað til næsta fundar.

Atvinnumálanefnd - 10. fundur - 07.10.2015

Farið var yfir ráðningarferli verkefnastjóra Brothættra byggða, stöðu verkefnisins og vinnu ráðuneytisstarfshóps vegna Grímseyjar.

Atvinnumálanefnd - 11. fundur - 21.10.2015

Verkefnastjóri atvinnumála greindi frá fundum sem haldnir voru út í Grímsey fyrr í vikunni með fulltrúum útgerða og starfshópi ríkisstjórnarinnar.

Bæjarstjórn - 3382. fundur - 17.11.2015

Lögð fram bókun svohljóðandi:
Bæjarstjórn Akureyrar fagnar þeirri niðurstöðu ríkisstjórnar Íslands að grípa til aðgerða í því skyni að treysta áframhaldandi byggð í Grímsey. Akureyringar hafa lagt áherslu á að ríkið komi að málum ásamt sveitarfélaginu til að styrkja forsendur búsetu í Grímsey og hefur jákvæð niðurstaða nú fengist í málið. Sérstaða byggðar í Grímsey er óumdeild og því brýnt að allir leggist á árarnar til að skjóta styrkum stoðum undir búsetu þar til frambúðar eins og ríkisstjórn Íslands hefur nú ákveðið að gera.
Bæjarstjórn samþykkir framlagða bókun með 11 samhljóða atkvæðum.

Atvinnumálanefnd - 13. fundur - 02.12.2015

Rætt var um stöðu mála í Grímsey auk þess sem Helga Íris Ingólfsdóttir nýr verkefnastjóri Brothættra byggða í Hrísey og Grímsey fór yfir stöðu verkefnanna.

Atvinnumálanefnd - 14. fundur - 16.12.2015

Rætt um stöðu verkefnisins.

Atvinnumálanefnd - 18. fundur - 02.03.2016

Helga Íris Ingólfsdóttir verkefnastjóri brothættra byggða mætti til fundarins og kynnti stöðu verkefnanna, auk þess að fara yfir með nefndinni drög að stefnumótun fyrir Hrísey sem kynnt verður fyrir íbúum í Hrísey á íbúafundi þann 9. mars nk.

Eiríkur Björn Björgvinsson bæjarstjóri mætti einnig á fundinn undir þessum lið.
Atvinnumálanefnd þakkar Helgu Írisi fyrir kynninguna.

Atvinnumálanefnd - 22. fundur - 25.05.2016

Helga Íris Ingólfsdóttir verkefnastjóri verkefnanna Hrísey, perla Eyjafjarðar og Glæðum Grímsey mætti til fundarins frá Hrísey í gegnum Skype. Helga Íris kynnti stöðu verkefnanna. Einnig var lögð fram endanleg stefnumótun fyrir Hrísey byggðaverkefnið Hrísey, perlu Eyjafjarðar til kynningar.
Atvinnumálanefnd þakkar kynninguna og vísar stefnumótun byggðaverkefnisins Hrísey, perla Eyjafjarðar til kynningar í bæjarráði.

Atvinnumálanefnd lýsir yfir ánægju sinni með störf verkefnastjóra, íbúa eyjanna og bjartsýni um verkefnið í heild sinni.

Bæjarráð - 3508. fundur - 02.06.2016

2. liður í fundargerð atvinnumálanefndar dagsett 25. maí 2016:

Helga Íris Ingólfsdóttir verkefnastjóri verkefnanna Hrísey, perla Eyjafjarðar og Glæðum Grímsey mætti til fundarins frá Hrísey í gegnum Skype. Helga Íris kynnti stöðu verkefnanna. Einnig var lögð fram endanleg stefnumótun fyrir Hrísey byggðaverkefnið Hrísey, perlu Eyjafjarðar til kynningar.

Atvinnumálanefnd þakkar kynninguna og vísar stefnumótun byggðaverkefnisins Hrísey, perla Eyjafjarðar til kynningar í bæjarráði.

Atvinnumálanefnd lýsir yfir ánægju sinni með störf verkefnastjóra, íbúa eyjanna og bjartsýni um verkefnið í heild sinni.
Bæjarráð lýsir ánægju sinni með þessa vinnu.

Bæjarráð - 3522. fundur - 15.09.2016

Lagt fram minnisblað frá Helgu Írisi Ingólfsdóttur verkefnastjóra brothættra byggða er varðar stöðu verkefnisins í Grímsey.
Með samþykkt ríkisstjórnar Íslands frá 17. nóvember 2015, var ákveðið að grípa til samþættra aðgerða til að styðja við byggð í Grímsey. Einn af lykilþáttum aðgerðanna var að bæta samgöngur við eyna meðal annars með því að fjölga ferðum Sæfara auk þess sem lagt var upp með að koma á afslætti af bæði ferju- og flugfargjöldum fyrir íbúa Grímseyjar. Ekkert bólar á aðgerðum og vill bæjarráð skora á innanríkisráðherra að hrinda nú þegar í framkvæmd þeim aðgerðum sem snúa að samgöngumálum og fram kom í áðurgreindri samþykkt ríkisstjórnarinnar.

Bæjarráð - 3546. fundur - 02.03.2017

Rætt um verkefnið brothættar byggðir í Hrísey og Grímsey.

Gunnar Gíslason D-lista vék af fundi kl. 10:30.

Bæjarráð - 3549. fundur - 23.03.2017

Helga Íris Ingólfsdóttir verkefnastjóri Brothættra byggða í Grímsey og Hrísey fór yfir stöðu mála.
Bæjarráð þakkar Helgu Írisi fyrir kynninguna og felur bæjarstjóra að vinna málið áfram í samræmi við umræður á fundinum.

Bæjarstjórn - 3415. fundur - 16.05.2017

Gunnar Gíslason D-lista óskaði eftir umræðu um stöðu og framtíð verkefnisins Brothættar byggðir í Hrísey og Grímsey.

Bæjarráð - 3591. fundur - 15.03.2018

Helga Íris Ingólfsdóttir verkefnastjóri Brothættra byggða í Grímsey og Hrísey fór yfir stöðu mála.

Bæjarráð - 3592. fundur - 22.03.2018

Lagt fram minnisblað frá Helgu Írisi Ingólfsdóttur verkefnastjóra Brothættra byggða vegna Hríseyjar og Grímseyjar.
Bæjarráð felur bæjarstjóra að vinna málið áfram, í samstarfi við bæjarráðsfulltrúa sem sitja í stýrihópi Brothættra byggða, og senda einstök atriði áfram til nefnda og ráða bæjarins til umfjöllunar.

Bæjarráð - 3611. fundur - 18.10.2018

Erindi dagsett 3. október frá Kristjáni Þ. Halldórssyni og Evu Pandoru Baldursdóttur f.h. Byggðastofnunar þar sem óskað er eftir að Akureyrarbær tilnefni fulltrúa í verkefnastjórnir brothættra byggða í Hrísey og Grímsey í stað Matthíasar Rögnvaldssonar sem lét af störfum samfara sveitarstjórnarkosningum sl. vor.
Bæjarráð tilnefnir Höllu Björk Reynisdóttur, kt. 170967-5189, sem fulltrúa Akureyrarbæjar.

Bæjarráð - 3625. fundur - 31.01.2019

Helga Íris Ingólfsdóttir verkefnastjóri Brothættra byggða í Grímsey og Hrísey mætti á fund bæjarráðs og fór yfir stöðu verkefnanna.

Bæjarstjórn - 3458. fundur - 03.09.2019

Verkefnið Brothættar byggðir er ein af aðgerðum Byggðaáætlunar 2014-2017 og er sértækt verkfæri Byggðastofnunar til að aðstoða byggðarlög sem standa höllum fæti. Meginmarkmið verkefnisins er að stöðva viðvarandi fólksfækkun í smærri byggðakjörnum og í sveitum landsins. Verkefnið er ætlað viðkomandi byggðarlögum til að nýta sóknarfæri, einkum þau sem byggja á sérstöðu þeirra.

Halla Björk Reynisdóttir kynnti stöðu verkefnanna í Grímsey og Hrísey.

Í umræðum tóku til máls Gunnar Gíslason, Sóley Björk Stefánsdóttir, Gunnar Gíslason (í annað sinn), Halla Björk Reynisdóttir, Sóley Björk Stefánsdóttir (í annað sinn), Hilda Jana Gísladóttir og Halla Björk Reynisdóttir.
Bæjarstjórn samþykkir eftirfarandi bókun með 11 samhljóða atkvæðum:

Bæjarstjórn Akureyrarbæjar tekur undir með íbúum í Grímsey og óskar eindregið eftir því við Byggðastofnun að verkefnið Brothættar byggðir verði framlengt.

Bæjarráð - 3661. fundur - 14.11.2019

Erindi dagsett 3. nóvember 2019 frá hverfisráði Hríseyjar þar sem ráðið óskar eftir afstöðu Akureyrarbæjar til þess að framlengja byggðaþróunarverkefnið Brothættar byggðir um að minnsta kosti eitt ár.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð lýsir yfir vilja sínum til að óska eftir framlengingu á byggðaþróunarverkefninu og felur bæjarstjóra að vinna málið áfram.