- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fyrir fjölmiðla
- Mannlíf
- Þjónustugátt
- Auglýst störf og sumarstörf
Meirihluti bæjarráðs samþykkir framlagða tillögu að fjárhagsáætlunarferli með þeim breytingum sem lagðar voru fram á fundinum.
Hermann Jón Tómasson S-lista og Ólafur Jónsson D-lista greiða atkvæði á móti tillögunni með þessum breytingum og óska bókað ásamt Sigurði Guðmundssyni A-lista:
Við erum andvígir þessari breytingu þar sem hún skerðir rétt bæjarfulltrúa til að taka afstöðu til starfsáætlana einstakra nefnda.
Fulltrúar L-lista ítreka að nefndir vinna samkvæmt samþykktri fjárhagsáætlun og að starfsáætlanir taka mið af henni og telja að ekki sé verið að ganga á rétt bæjarfulltrúa.
Bæjarráð samþykkir tillögu að fjárhagsramma fyrir árið 2012.
Bæjarfulltrúar A-lista, B-lista, D-lista, S-lista og V-lista óska bókað:
Við samþykkjum framkomna tillögu um fjárhagsramma fyrir árið 2012, en minnum á að í þriggja ára áætlun er gert ráð fyrir hagræðingarkröfu upp á 200 milljónir króna sem aðeins er mætt að hluta í þessum ramma.
Við munum taka afstöðu til einstakra hagræðingarkrafna og tillagna um breytingar á tekjustofnum í umræðu um gerð fjárhagsáætlunar fyrir árið 2012.
Bæjarráð vísar fjárhagsáætlun 2012 til fyrri umræðu í bæjarstjórn.
Bæjarstjórn samþykkir með 11 samhljóða atkvæðum að vísa fjárhagsáætlun Akureyrarbæjar fyrir árið 2012 til frekari yfirferðar í bæjarráði og síðari umræðu í bæjarstjórn.
Meirihluti bæjarráðs samþykkir tillögu að gjaldskrám 2012 og vísar þeim til afgreiðslu bæjarstjórnar.
Hermann Jón Tómasson S-lista og Ólafur Jónsson D-lista sátu hjá við afgreiðslu.
Hagsýslustjóri gerði grein fyrir þeirri vinnu sem farið hefur fram á milli umræðna svo og þeim breytingum sem gerðar hafa verið á frumvarpinu.
Áætlunin tekur til eftirfarandi þátta sem eru:
Samstæðureikningur Akureyrarbæjar A og B-hluti
Rekstraryfirlit samstæðureiknings
Framkvæmdayfirlit Akureyrarbæjar
A-hluta stofnanir:
Aðalsjóður
Fasteignir Akureyrarbæjar
Framkvæmdamiðstöð
Eignasjóður gatna o.fl.
B-hluta stofnanir:
Fráveita Akureyrar
Félagslegar íbúðir
Strætisvagnar Akureyrar
Bifreiðastæðasjóður Akureyrar
Hafnasamlag Norðurlands
Framkvæmdasjóður Akureyrar
Gjafasjóður Hlíðar og Skjaldarvíkur
Byggingarsjóður Náttúrufræðistofnunar
Heilsugæslustöðin á Akureyri
Öldrunarheimili Akureyrar
Norðurorka hf
Bæjarráð vísar frumvarpinu til bæjarstjórnar til síðari umræðu og afgreiðslu og lítur svo á að með afgreiðslu frumvarpsins hafi verið afgreidd erindi og tillögur um fjárveitingar sem borist hafa bæjarráði og vísað hefur verið til gerðar fjárhagsáætlunar.
Bæjarstjórn samþykkir tillögu meirihluta bæjarráðs með 6 atkvæðum gegn 5 atkvæðum Andreu Sigrúnar Hjálmsdóttur V-lista, Guðmundar Baldvins Guðmundssonar B-lista, Hermanns Jóns Tómassonar S-lista , Ólafs Jónssonar D-lista og Sigurðar Guðmundssonar A-lista.
Sigurður Guðmundsson A-lista lagði fram eftirfarandi tillögu um breytingu á fjárhagsáætlun Akureyrarbæjar fyrir árið 2012:
a) Styrkur til Fimleikafélags Akureyrar hækki úr kr. 511.000 í kr. 2.500.000
b) Styrkur til Sundfélagsins Óðins hækki úr kr. 511.000 í kr. 2.000.000
c) Styrkur til Siglingaklúbbsins Nökkva hækki úr kr. 511.000 í kr. 1.500.000
d) Styrkur til Tónræktarinnar fari úr kr. 750.000 í kr. 1.500.000.
Breytingartillaga Sigurðar Guðmundssonar var borin upp og afgreidd á eftirfarandi hátt:
a) liður var felldur með 6 atkvæðum gegn 1 atkvæði Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
b) var felldur með 6 atkvæðum gegn 1 atkvæði Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
c) var felldur með 6 atkvæðum gegn 1 atkvæði Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
d) var felldur með 6 atkvæðum gegn atkvæðum Ólafs Jónssonar D-lista og Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista og Hermann Jón Tómasson S-lista sátu hjá við afgreiðslu.
Ólafur Jónsson D-lista lagði fram eftirfarandi tillögu um breytingu á fjárhagsáætlun Akureyrarbæjar fyrir árið 2012:
Bæjarstjórn samþykkir að liðurinn Fráveita Akureyrarbæjar (liður 141) í framkvæmdayfirliti fjárhagsáætlunar verði hækkaður í kr. 300 milljónir til að mæta kostnaði við gerð frárásarpípu frá Krossanesi að Sandgerðisbót sem tengist 500 m útrásarpípu. Til að mæta þessu verði hætt við fyrirhugaðar framkvæmdir við Dalsbraut og 75 milljónir dregnar af stofnbúnaði fyrir aðalsjóð.
Breytingartillaga Ólafs Jónssonar var borin upp og felld með 7 atkvæðum gegn atkvæðum Andreu Sigrúnar Hjálmsdóttur V-lista, Guðmundar Baldvins Guðmundssonar B-lista og Ólafs Jónssonar D-lista.
Hermann Jón Tómasson S-lista sat hjá við afgreiðslu.
Hermann Jón Tómasson S-lista lagði fram eftirfarandi tillögu um breytingu á fjárhagsáætlun Akureyrarbæjar fyrir árið 2012:
Bæjarstjórn samþykkir að liðurinn Fráveita Akureyrar (liður 141) í framkvæmdayfirliti fjárhagsáætlunar verði hækkaður í kr. 300.000 milljónir til að mæta kostnaði vegna uppbyggingar fyrsta áfanga hreinsivirkis og útrásarpípu.
Breytingartillaga Hermanns Jóns Tómassonar var borin upp og felld með 7 atkvæðum gegn atkvæði Hermanns Jóns Tómassonar S-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista og Ólafur Jónsson D-lista sátu hjá við afgreiðslu.
Eftirfarandi tillögur að bókunum vegna fjárhagsáætlunar 2012 lagðar fram:
a) Starfsáætlanir
Bæjarstjórn felur nefndum og ráðum að yfirfara starfsáætlanir í samráði við stjórnendur og gera á þeim þær breytingar sem nauðsynlegar eru með tilliti til fjárhagsáætlunar Akureyrarkaupstaðar. Bæjarstjórn mun svo taka starfsáætlanirnar til umræðu.
b) Kaup á vörum og þjónustu
Nýta skal kosti almennra útboða við framkvæmdir og vöru- og þjónustukaup þar sem því verður við komið skv. Innkaupastefnu Akureyrarkaupstaðar. Sérstök áhersla verður lögð á að ná ítrustu hagkvæmni í innkaupum og meta skal endurnýjunarþörf búnaðar sérstaklega. Gerðir skulu þjónustusamningar við félög, fyrirtæki og stofnanir á þeim sviðum sem hagkvæmni slíkra samninga getur notið sín.
c) Áherslur við framkvæmd fjárhagsáætlunar
Bæjarstjórn ítrekar tilmæli til stjórnenda bæjarins um að gæta ítrasta aðhalds í öllum rekstri bæjarins á árinu 2012. Mikilvægt er að allri yfirvinnu sé haldið í lágmarki og þeim eindregnu tilmælum er beint til stjórnenda að meta vandlega yfirvinnuþörf og leita leiða til að draga úr henni. Jafnframt skulu stjórnendur meta sérstaklega þörf á nýráðningum og möguleika á hagræðingu með breyttu verkferli þegar störf losna.
Bæjarstjórn afgreiddi tillögurnar á eftirfarandi hátt:
a) liður var samþykktur með 6 atkvæðum gegn atkvæði Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
Afgreiðsla frumvarpsins var á þessa leið:
Aðalsjóður (niðurstaða á bls. 11-15)
Aðalsjóður með rekstrarniðurstöðu að fjárhæð 7.293 þús. kr. og niðurstöðu á efnahagsreikningi að fjárhæð 12.988.366 þús. kr. var borinn upp til afgreiðslu og samþykktur með 6 atkvæðum gegn atkvæðum Guðmundar Baldvins Guðmundssonar B-lista og Sigurðar Guðmundssonar A-lista.
Andrea Sigrún Hjálmsdóttir V-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
A-hluta stofnanir: (byrja á bls. 17)
I. Fasteignir Akureyrarbæjar, rekstrarniðurstaða -335.619 þús. kr., efnahagsreikningur með niðurstöðu að fjárhæð 15.039.096 þús. kr.
II. Framkvæmdamiðstöð, rekstrarniðurstaða -372 þús. kr., efnahagsreikningur með niðurstöðu að fjárhæð 107.448 þús. kr.
III. Eignasjóður gatna, rekstrarniðurstaða 15.728 þús. kr., efnahagsreikningur með niðurstöðu að fjárhæð 6.492.224 þús. kr.
Allir þessir liðir A-hluta stofnana voru bornir upp í einu lagi og samþykktir með 6 atkvæðum gegn atkvæðum Guðmundar Baldvins Guðmundssonar B-lista og Sigurðar Guðmundssonar A-lista.
Andrea Sigrún Hjálmsdóttir V-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
Samstæðureikningur (bls. 3)
Samstæðureikningur A-hluta með rekstrarniðurstöðu að fjárhæð -312.970 þús. kr. og niðurstöðu á efnahagsreikningi 25.172.400 þús. kr. var borinn upp til afgreiðslu og samþykktur með 6 atkvæðum gegn atkvæðum Guðmundar Baldvins Guðmundssonar B-lista og Sigurðar Guðmundssonar A-lista.
Andrea Sigrún Hjálmsdóttir V-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
B-hluta stofnanir: (byrja á bls. 29)
Nöfn stofnana og rekstrarniðurstöður eru:
I. Fráveita Akureyrarbæjar, rekstrarniðurstaða 75.285 þús. kr.
II. Félagslegar íbúðir, rekstrarniðurstaða -53.900 þús. kr.
III. Strætisvagnar Akureyrar, rekstrarniðurstaða 7.502 þús. kr.
IV. Bifreiðastæðasjóður Akureyrar, rekstrarniðurstaða -8.414 þús. kr.
V. Hafnasamlag Norðurlands, rekstrarniðurstaða 33.691 þús. kr.
VI. Framkvæmdasjóður Akureyrar, rekstrarniðurstaða -30.428 þús. kr.
VII. Gjafasjóður Hlíðar og Skjaldarvíkur, rekstrarniðurstaða -28.201 þús. kr.
VIII. Byggingarsjóður Náttúrufræðistofnunar, rekstrarniðurstaða 590 þús. kr.
IX. Heilsugæslustöðin á Akureyri, rekstrarniðurstaða -349 þús. kr.
X. Öldrunarheimili Akureyrar, rekstrarniðurstaða 0 þús. kr.
XI. Norðurorka hf, rekstrarniðurstaða 476.122 þús. kr.
Áætlanir allra þessara B-hluta stofnana voru bornar upp í einu lagi og samþykktar með 6 atkvæðum gegn atkvæði Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
Samstæðureikningur Akureyrarbæjar: (bls. 3)
Samstæðureikningur Akureyrarbæjar með rekstarniðurstöðu að fjárhæð 62.928 þús. kr. og niðurstöðu á efnahagsreikningi að fjárhæð 37.107.848 þús. kr. var borinn upp til afgreiðslu og samþykktur með 6 atkvæðum gegn atkvæði Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
Bókun:
Bæjarstjórn lítur svo á að með afgreiðslu frumvarpsins hafi verið afgreidd erindi og tillögur um fjárveitingar sem borist hafa bæjarráði og vísað hefur verið til gerðar fjárhagsáætlunar.
Bókunin var borin undir atkvæði og samþykkt með 6 atkvæðum gegn atkvæði Sigurðar Guðmundssonar A-lista.
Andrea Sigrún Hjálmsdóttir V-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.
Bæjarráð frestar afgreiðslu.