Bæjarráð

3295. fundur 10. nóvember 2011 kl. 09:00 - 12:32 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Geir Kristinn Aðalsteinsson
  • Hlín Bolladóttir
  • Hermann Jón Tómasson
  • Njáll Trausti Friðbertsson
  • Andrea Sigrún Hjálmsdóttir áheyrnarfulltrúi
  • Guðmundur Baldvin Guðmundsson áheyrnarfulltrúi
  • Sigurður Guðmundsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá

1.Önnur mál

2011010003

Sigurður Guðmundsson A-lista lagði fram eftirfarandi:

1. Fyrirspurn til bæjarráðs hvert skuli stefna með aðstöðu fyrirtækja til sorpvinnslu í bænum, nokkur fjöldi fyrirtækja er að sækjast eftir útvíkkun á starfsemi sinni til sorpflokkunar og endurvinnslu. Engin stefna er til hvar slík starfsemi á að vera staðsett innan bæjarmarka og er brýnt að setja vinnu af stað til að sinna málaflokknum.

2. Leggja til 25 milljónir aukalega til framkvæmdadeildar til fegrunar bæjarins á afmælisárinu og verði hluta af þeirri fjárhæð ráðstafað í samstarfi við hverfisnefndir bæjarins. Einnig væri gott að leita til bæjarbúa eftir ábendingum um hvað betur mætti fara.

3. Hvernig gangi með vinnu hóps um atvinnustefnu bæjarins. Nú eru liðið vel á annað ár og lítið sem ekkert hefur komið frá þeim.

2.Útboð - yfirlit 2011

2011110024

Lagt fram til kynningar yfirlit frá innkaupastjóra dags. 1. nóvember 2011 um útboð sem gerð hafa verið á árinu og þeirra sem eftir er að bjóða út á árinu 2011 auk fyrirhugaðra útboða á árinu 2012.
Karl Guðmundsson innkaupastjóri sat fundinn undir þessum lið.

Bæjarráð þakkar Karli fyrir upplýsingarnar.

3.Samningar við Akureyrarbæ - fyrirspurn í bæjarráði

2011110025

Lagt fram svar við bókun Guðmundar Baldvins Guðmundssonar B-lista undir öðrum málum í bæjarráði 3. nóvember sl., bókunin var eftirfarandi:
Guðmundur Baldvin Guðmundsson B-lista óskar eftir að lagður verði fram listi yfir samninga sem eru í gangi milli Akureyrarbæjar og félaga/samtaka. Jafnframt óskar hann eftir að lögð verði fram greinargerð um hvernig staðið hefur verið við ákvæði samninganna af hálfu samningsaðila.
Karl Guðmundsson innkaupastjóri sat fundinn undir þessum lið.

Bæjarráð þakkar Karli fyrir upplýsingarnar.

4.Samband íslenskra sveitarfélaga - tilnefning í nefnd um flutning á þjónustu við aldraða til sveitarf

2011110008

Lagt fram til kynningar afrit af erindi til velferðarráðuneytisins dags. 31. október 2011 frá Sambandi íslenskra sveitarfélaga varðandi tilnefningu í nefnd um flutning á þjónustu við aldraða til sveitarfélaga. Vísað er í erindi velferðarráðuneytisins, dags. 21. október sl. þar sem óskað er eftir því að sambandið tilnefni tvo fulltrúa í nefndina. Erindið var tekið til afgreiðslu á fundi stjórnar sambandsins 28. október sl. og var samþykkt að tilnefna Stellu K. Víðisdóttur sviðsstjóra velferðarsviðs Reykjavíkurborgar og Eirík Björn Björgvinsson bæjarstjóra Akureyrarkaupstaðar í nefndina.

5.Stjórn Sambands íslenskra sveitarfélaga - fundargerðir 2011

2011020014

Lögð fram til kynningar 790. fundargerð stjórnar Sambands íslenskra sveitarfélaga dags. 28. október 2011. Einnig lagðar fram til kynningar fundargerðir samráðsfundar ríkis og sveitarfélaga frá 5. október 2011 og samráðsfundar stjórnar sambandsins með formönnum og framkvæmdastjórum landshlutasamtaka sveitarfélaga frá 14. október 2011.

6.Ökugerði

2011100060

Lagt fram erindi dags. 4. október 2011 frá Grétari Viðarssyni framkvæmdastjóra Ekils ehf varðandi ökugerði.

Bæjarráð felur bæjarstjóra að vinna áfram að málinu.

7.Leiguíbúðir í Hrísey - sala á Miðbraut 9

2011090056

Lagt fram gagntilboð dags. 1. nóvember 2011 í Miðbraut 9 í Hrísey.
Bæjarráð samþykkir kauptilboðið.

8.Fjárhagsáætlun Akureyrarbæjar 2012

2011070038

Unnið að gerð fjárhagsáætlunar.
Brit Bieltvedt framkvæmdastjóri Öldrunarheimila Akureyrar og Þórgnýr Dýrfjörð framkvæmdastjóri Akureyrarstofu mættu á fundinn undir þessum lið.

Andrea Sigrún Hjálmsdóttir V-lista vék af fundi kl. 11:47.
Hermann Jón Tómasson S-lista vék af fundi kl. 11:53.

9.Sjúkrahúsið á Akureyri - niðurskurður á framlögum til rekstrar á árinu 2012

2011110043

Bæjarráð Akureyrar mótmælir þeim niðurskurði sem boðaður hefur verið á Sjúkrahúsinu á Akureyri á árinu 2012. Um er að ræða mikla þjónustuskerðingu og umtalsverða fækkun leguplássa.

Sjúkrahúsið á Akureyri er samkvæmt lögum varasjúkrahús Landspítalans og því mikilvægt að standa vörð um stofnunina. Þá mun niðurskurður á öðrum heilbrigðisstofnunum í nærliggjandi sveitum enn auka álagið á Sjúkrahúsið á Akureyri og því nauðsynlegt að efla starfsemi þess fremur en að skerða hana.

Fundi slitið - kl. 12:32.