Samkomulag milli Félags eldri borgara á Akureyri og Akureyrarbæjar

Ráðið þakkar fyrir góðar upplýsingar og umræður. Varðandi samþykkt fyrir "öldungaráð" var ákveðið að fulltrúar Félags eldri borgara legðu fram tillögu eða hugmyndir sínar. Tengiliður ráðsins við félagið verður framkvæmdastjóri samfélags- og mannréttindadeildar.

Samfélags- og mannréttindaráð telur að nýr samningur við Félag eldri borgara þurfi að liggja fyrir eigi síðar en í lok apríl 2016. Nýr samningur mun taka gildi frá 1. janúar 2016. Ráðið fellst því ekki á að eldri samningur verði framlengdur og felur framkvæmdastjóra að halda samningsgerð áfram.

Samfélags- og mannréttindaráð vill halda sig við þann grunn sem lagður hefur verið fram af þess hálfu. Ráðið óskar eftir að viðræður um nýtt samkomulag og nánari útfærslu einstakra liða haldi áfram og að niðurstaða náist fyrir lok apríl.

Upplýst var að boðað hefði verið til fundar í öldungaráði nk. mánudag, þar sem málið verður á dagskrá. Ráðið óskar eftir að umræðan á fundi ráðsins verði kynnt í öldungaráði.

Samþykkt með 4 atkvæðum.

Bergþóra Þórhallsdóttir D-lista sat hjá og lagði fram eftirfarandi bókun:

Í áætlun bæjarins um aðhaldsaðgerðir um framtíðarrekstur Akureyrarbæjar þarf að tryggja að þjónusta við aldraða og samningur við Félag eldri borgara sem er í smíðum, taki mið af því að íbúar geti verið öruggir og sem lengst virkir í samfélaginu. Það verði gert með m.a. með því að bjóða þeim valdeflandi umhverfi sem hvetur til virkrar þátttöku í félags- og tómstundastarfi, hvetur þau til sjálfstæðis. Tryggja þarf öldruðum gott aðgengi og fjölbreytt val á félagsstarfi, líkamsrækt og tómstundum. Unnið verði áfram að því að virkja ungmenni í kennslu fyrir eldri borgara á tölvubúnað og að upplýsinga- og samskiptatækni í þágu aldraðra verði efld. Lögð verði áhersla á að samfélags- og mannréttindaráð taki ekki ákvarðanir um félags- og tómstundamál aldraðra nema að undangenginni kynningu og umsögn nýstofnaðs öldrunarráðs.

Með bréfi dagsett 2. mars sl. óskaði Félag eldri borgara eftir að öldungaráð fjallaði um málið. Bréf félags eldri borgara fylgdi fundarboði.



Öldungarráð Akureyrarkaupstaðar leggur áherslu á að áfram verði rekið öflugt félagsstarf eldri borgara í tveimur félagsmiðstöðvum.



Öldungaráðið hvetur til þess að áfram verði leitað samkomulags Akureyrarbæjar og Félags eldri borgara um fyrirkomulag og rekstur félagsmiðstöðvanna, þar sem áhersla verði lögð á valdeflingu, þ.e. að félagar hafi sem mest um þá þjónustu að segja sem þeir njóta.

Samfélags- og mannréttindaráð tekur fram að það er markmið að áfram verði starf í Víðilundi og Bugðusíðu. Ráðið felur framkvæmdastjóra og forstöðumanni tómstundamála að halda áfram viðræðum við Félag eldri borgara um nýtt samkomulag.

Samfélags- og mannréttindaráð samþykkir þessi drög að samkomulagi fyrir sitt leyti og felur framkvæmdastjóra að ljúka samningi.

Fullgerður samningur verður lagður fram til samþykktar á næsta fundi.

Frístundaráð samþykkir samninginn fyrir sitt leyti og vísar honum til endanlegrar afgreiðslu bæjarráðs.



Alfa Aradóttir deildarstjóri forvarna- og frístundarmála sat fundinn undir þessum lið.

Bæjarráð samþykkir samninginn.

Frístundaráð samþykkir að verða við beiðni um hækkun á framlagi.

Nýr forstöðumaður tómstundamála kemur til starfa í janúar og verður honum falið að koma með útfærslu er varðar starfsmannahald og með hvaða hætti er hægt að samnýta starfsfólk sem vinnur í þjónustumiðstöðinni í Víðilundi.

Frístundaráð felur forstöðumanni tómstundamála að ganga frá nýjum samningi við félag eldri borgara og leggja fyrir ráðið til samþykktar á næsta fundi ásamt upplýsingum um fyrirkomulag á starfsmannahaldi í Víðilundi og Bugðusíðu.

Ráðið samþykkir jafnframt að félag eldri borgara fá greitt samkvæmt fyrri samningi fyrir janúar- og febrúarmánuð 2021.

Frístundaráð samþykkir samninginn fyrir sitt leyti og vísar honum til staðfestingar í bæjarráði.

Bæjarráð staðfestir samninginn með fimm samhljóða atkvæðum.