Skipulagsráð

Lagt fram til kynningar.

Helgi Snæbjarnarson L-lista tók ekki þátt í umræðu og afgreiðslu málsins.



Edward H. Huijbens fulltrúi V-lista óskaði bókað að hann telur að skipulagsráð hafi gert mistök með því að samþykkja útlit húsa á Austurbrú 2-4 gegnum veitingu byggingarleyfis á fundi okkar 24. ágúst 2016. Í greinargerð með deiliskipulagi fyrir Drottningarbrautarreit stendur; ,,Nýbyggingar skulu taka mið af yfirbragði gömlu byggðarinnar hvað snertir stærðir og hlutföll, form og efnisval eftir því sem við á hvort sem um verður að ræða nútímalega byggingarlist eða byggingar í gömlum stíl" (bls. 3). Skýrt er einnig að ,,skipulagsnefnd skal meta þessa þætti sérstaklega við umfjöllun og afgreiðslu aðalteikninga" og hefur ráðið (áður nefnd) fulla heimild til að hafna þeim ef kröfur eru ekki uppfylltar (bls. 18).



Á opnum kynningarfundi í bænum 28. janúar 2016 var útlit húsanna kynnt með mæniskvistum. Þegar málið kom til afgreiðslu á lokuðum fundi skipulagsráðs þann 27. apríl 2016 hafði því útliti verið breytt. Ráðið óskaði skýringa og fékk hönnuði húsanna til að sannfæra sig um útlit þessara húsa og samþykkti breytingar í ágúst. Við nánari eftirgrennslan má ljóst vera að mæniskvistir einkenna þau hús sem þarna eru og víkur þessi breyting því óásættanlega frá yfirbragði svæðisins. Skipulagsráð hefur úrslita ákvörðunarvald um útlit húsanna skv. deiliskipulagsskilmálum og vill VG að skipulagsráð snúi við ákvörðun frá 24. ágúst 2016, jafnvel þó að það baki bænum einhverja bótaskyldu. Enda er um hús að ræða sem munu standa sem andlit bæjarins um áratuga skeið.



Meirihluti skipulagsráðs óskar bókað að deiliskipulag kveður ekki á um form kvista. Hlutfall og form húsanna taka mið af eldri byggð á svæðinu samanber minnisblað sviðsstjóra skipulagssviðs um málið, sem er fylgiskjal með fundargerð.

Skipulagsráð beinir því til bæjarstjórnar að lögreglusamþykktin verði endurskoðuð.

Skipulagsráð samþykkir tillögu íbúa um að Aðalstræti, á umræddum kafla, verði einstefna til suðurs og málið verði endurskoðað í september 2017.

Skipulagsráð heimilar umsækjanda að leggja fram tillögu að breytingu á deiliskipulagi sem tekin verður til umfjöllunar í skipulagsráði en mælist til að ekki verði samfelld bílastæðaröð framan við Davíðshaga 2-4.

Einungis er um að ræða minniháttar stækkun á byggingarreit fyrir bílastæði og er breyting sem varðar Akureyrarkaupstað og lóðarhafa. Þess vegna leggur skipulagsráð til við bæjarstjórn að deiliskipulagstillaga A verði samþykkt í samræmi við 2. málslið, 3. mgr. 44. gr. skipulagslaga nr. 123/2010 og sviðsstjóra skipulagssviðs falið að annast gildistöku hennar.

Þar sem um óverulega breytingu á gildandi deiliskipulagi er að ræða samþykkir skipulagsráð að tillagan verði grenndarkynnt samkvæmt 2. málsgrein 43. greinar skipulagslaga nr. 123/2010.

Skipulagsráð heimilar umsækjanda að vinna tillögu að deiliskipulagsbreytingu, í samræmi við innsenda teikningu, sem auglýst verði skv. 1. mgr. 43. gr. skipulagslaga nr. 123/2010.

Samkvæmt Aðalskipulagi Akureyrar 2005-2018 er svæðið skilgreint sem verslunar- og þjónustusvæði. Ekki er ráðgert að breyta þeirri skilgreiningu við endurskoðun aðalskipulagisins og takmarka verslunarsvæði hverfisins.

Skipulagsráð hafnar því erindinu.

Skipulagsráð hafnar erindinu þar sem breytingarnar eru ekki í samræmi við skipulag hverfisins.



Edward Hákon Huijbens V-lista yfirgaf fundinn kl. 10:00.

Skipulagsráð frestar afgreiðslu málsins.

Skipulagsráð samþykkir að veita umsækjanda lóðina en hafnar ósk um breytingu deiliskipulagsins. Deiliskipulagsskilmálar ásamt almennum byggingarskilmálum gilda.

Skipulagsráð telur erindið í samræmi við gildandi deiliskipulag miðbæjar.

Skipulagsráð hafnar erindinu þar sem deiliskipulag heimilar ekki fjölgun hæða og væri það einnig í ósamræmi við aðliggjandi byggð.

Skipulagsráð tekur jákvætt í erindið og felur skipulagssviði að grenndarkynna byggingarleyfisumsóknina.

Á fundi sínum 15. febrúar 2017 fól skipulagsráð sviðsstjóra skipulagssviðs að skoða þörf og væntingar til atvinnuhúsalóða og frestar afgreiðslu málsins þar til þeirri vinnu er lokið.

Skipulagsráð hefur yfirfarið meðfylgjandi gögn vegna framkvæmda við hitaveitulagnir og samþykkir útgáfu framkvæmdaleyfisins á grundvelli 4. gr.- g "Samþykktar um skipulagsráð".

Eftirfarandi skilyrði setur skipulagsráð fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarkaupstað en þar eru ákvæði um farmflutninga og hreinsun ökutækja áður en farið er inn á malbikaðar götur.

Skipulagsráð hefur yfirfarið meðfylgjandi gögn vegna framkvæmda strenglagna og samþykkir útgáfu framkvæmdaleyfisins á grundvelli 4. gr.- g "Samþykktar um skipulagsráð".

Eftirfarandi skilyrði setur skipulagsráð fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarkaupstað en þar eru ákvæði um farmflutninga og hreinsun ökutækja áður en farið er inn á malbikaðar götur.

Skipulagsráð hefur yfirfarið meðfylgjandi gögn vegna framkvæmda við lagnir og dælustöð við Krókeyri og samþykkir útgáfu framkvæmdaleyfisins á grundvelli 4. gr.- g "Samþykktar um skipulagsráð".

Eftirfarandi skilyrði setur skipulagsráð fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarkaupstað en þar eru ákvæði um farmflutninga og hreinsun ökutækja áður en farið er inn á malbikaðar götur.

Skipulagsráð hefur yfirfarið meðfylgjandi hönnunargögn vegna framkvæmda við göngu- og hjólastíg og samþykkir útgáfu framkvæmdaleyfisins á grundvelli 4. gr.- g "Samþykktar um skipulagsráð".

Eftirfarandi skilyrði setur skipulagsráð fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarkaupstað en þar eru ákvæði um farmflutninga og hreinsun ökutækja áður en farið er inn á malbikaðar götur.

Ef fornminjar sem áður voru ókunnar finnast við framkvæmd verks skal sá sem fyrir því stendur stöðva framkvæmd án tafar. Skal Minjastofnun Íslands láta framkvæma vettvangskönnun umsvifalaust svo skera megi úr um eðli og umfang fundarins. Stofnuninni er skylt að ákveða svo fljótt sem auðið er hvort verki megi fram halda og með hvaða skilmálum. Óheimilt er að halda framkvæmdum áfram nema með skriflegu leyfi Minjastofnunar Íslands.

Ólína Freysteinsdóttir S-lista tók ekki þátt í umræðu og afgreiðslu málsins.



Samkvæmt 1. viðauka laga um mat á umhverfisáhrifum nr. 106/2000 falla framkvæmdir á grunni skipulagsbreytingar í flokk C. Þær eru tilkynningarskyldar til leyfisveitanda, þ.e. Akureyrarkaupstaðar, sem ákvarðar hvort framkvæmdir skuli háðar mati á umhverfisáhrifum áður en framkvæmdaleyfi verður veitt.



Í samræmi við 6. gr. laga nr. 106/2000 hefur Akureyrarkaupstaður farið yfir tilkynningu framkvæmdaraðila. Niðurstaða er að lenging Tangabryggju sé ekki líkleg til að hafa í för með sér umtalsverð umhverfisáhrif, sbr. viðmið í 2. viðauka laga nr. 106/2000. Því skal framkvæmdin ekki háð mati á umhverfisáhrifum.

Samkvæmt 14. gr. laga nr. 106/2000 má kæra ákvörðunina til úrskurðarnefndar umhverfis- og auðlindamála. Kærufrestur er til 18. apríl 2017.



Skipulagsráð hefur yfirfarið meðfylgjandi hönnunargögn vegna framkvæmda við lengingu Tangabryggju, sem er í samræmi við samþykkt aðal- og deiliskipulag, og samþykkir útgáfu framkvæmdaleyfisins á grundvelli 4. gr.- g "Samþykktar um skipulagsráð".

Eftirfarandi skilyrði setur skipulagsráð fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarkaupstað en þar eru ákvæði um farmflutninga og hreinsun ökutækja áður en farið er inn á malbikaðar götur.

Skipulagsráð fellst á að leið JVI á meðfylgjandi uppdrætti verði notuð sem hjáleið til bráðabirgða, eða þar til efnisflutningum verður lokið eða þörf verður á svæðinu fyrir kirkjugarð.

Erindi frá eiganda Möðruvallarstrætis 8 þar sem óskað var eftir heimild til að bílastæði inni á lóð var afgreitt á afgreiðslufundi skipulagsstjóra 2. júní 2016. Skipulagsstjóri samþykkti erindið.



Skipulagsráð telur að afgreiðsla skipulagsstjóra á erindinu sé í samræmi við deiliskipulag.

Í greinargerð skipulags Menntaskólans á Akureyri og aðliggjandi íbúðarsvæði kemur fram að ef lóðareigendur óski eftir heimild til að gera bílastæði á lóð sinni er heimilt að fjarlægja langstæði meðfram götu vegna aðkomu að bílastæðum á lóð, án þess að gera þurfi breytingu á deiliskipulagi.



Skipulagsráð bendir íbúa jafnframt á að með því að gera bílastæði fyrir tvo bíla innan lóðar þá tekur aðkoma þeirra aðeins eitt stæði meðfram götu.

Lagt fram til kynningar.