Skipulagsnefnd

Svör við umsögnum við lýsingu:

1) Í greinargerð deiliskipulagsins verður vísað í skipulagsreglur Akureyrarflugvallar um hæðir og hindranalýsingu. Samráð verður haft við ISAVIA um þessi atriði áður en tillagan verður auglýst.

2) Gefur ekki tilefni til svars.

3) Samráð verður haft við Norðurorku um lagnakerfi og lóðir undir spenni- og dælustöðvar.

4) Teikningar af minjum í minjaskrá voru lagðar ofan á loftmyndir og færðar á sem réttastan stað á frumstigi skipulagsverkefnisins. Hætta er á að einhverjar minjar komi í ljós við lagningu tengibrautarinnar austan svæðisins og verður því haft náið samráð við Minjavörð Norðurlands eystra áður en og á meðan framkvæmdir standa yfir.

5) Gefur ekki tilefni til svars.

Afgreiðslu tillögunnar er frestað.

Skipulagsnefnd þakkar Árna Ólafssyni fyrir kynninguna.

Svör við umsögnum:

1) Gefur ekki tilefni til svars.

2) a) Í deiliskipulagstillögunni eru sýnd öryggismörk skotsvæðis og þurfa því skot frá riffilbrautum og "skeet" svæðum að lenda innan þeirra marka. Því er gerð krafa um að öryggismön vestan riffilbrautar Skotfélagsins verði nægilega há til þess að tryggja öryggi vegfarenda um göngustíg norðan og vestan skotsvæðisins og gagnvart svæði KKA. Þá er gerð krafa um að öryggiskröfur um skotsvið í skothúsum riffilbrauta verði uppfylltar samkvæmt stöðlum. Einnig er gerð krafa um öryggisgirðingu á milli göngustígs og skotsvæðis.

b) Ef viðeigandi öryggiskröfur er uppfylldar sbr. lið 2a) ætti ekki að vera þörf á sérstakri úttekt lögreglu á svæðinu. Sjá nánar svar við nr. 2a).

c) Í deilskipulagstillögunni er gert ráð fyrir undirgöngum (röri) undir nýja aðkomu að svæði KKA og SA.

3) a) Samkvæmt deiliskipulagstillögunni er gert ráð fyrir að svæði BA verði girt af frá göngustígnum meðfram Glerá en Bílaklúbbnum er heimilt að skerma svæði sitt tímabundið frá stígnum ef talin er þörf á því.

b) Samkvæmt deiliskipulagstillögunni er gert ráð fyrir svokölluðum "tilbaka vegi" meðfram öryggissvæði bremsubrautar sem á að fullnægja þörf ökutækja til þess að komast af brautinni.

c) Fyrirhugaðar drenlagnir ofan svæðis og innan svæðis BA eru nauðsynlegar til þess að hindra ofanflóð vegna vatnsflaums. Sem stendur eru farvegir ofanjarðar fyrir þessa læki sem fyrirhugað er að koma fyrir í drenrörum sem lögð verða í jörðu. Þannig er reynt að tryggja að ekki verði skemmdir á aðstöðusvæði BA.

4) a) Ítarleg umhverfisskýrsla var unnin við gerð deiliskipulagsins 2008 og heldur hún gildi sínu. Komi í ljós að neikvæð áhrif á nærumhverfi frá stækkuðu svæði KKA á hljóðvist séu umfram viðmiðunarmörk 4. gr. reglugerðar um hávaða nr. 724/2008, töflu 1 í viðauka, verði hljóðmön framlengd til mótvægis meðfram Hlíðarfjallsvegi og upp fyrir frístundabyggðina í Hálöndum. Samhliða verði sett ákvæði í starfsleyfi svæðisins til að uppfylla kröfur um viðmiðunarmörk um hávaða. Vegna sérstakra viðburða félaganna á skipulagssvæðinu verði stuðst við ákvæði og viðmið 10. gr. reglugerðar um hávaða nr. 724/2008.

b) Starfsemi á svæðinu er nú mjög takmörkuð þar sem framkvæmdum er langt því frá lokið. Ekki er því talið rétt að viðhafa vöktun á svæðinu þar sem slíkar niðurstöður myndu ekki gefa rétta mynd af heildaráhrifum þess á umhverfið í framtíðinni.

c) Gefur ekki tilefni til svars.

5) Gefur ekki tilefni til svars.

6) Starfsemi KKA hefur vaxið mikið á síðustu misserum og því nauðsynlegt að mæta þeim kröfum sem kalla á aukið landsvæði til íþróttarinnar, sem dregur að sér ferðamenn ekki síður en skíðaáhugafólk. Því er talið nauðsynlegt að úthluta félaginu stærra svæði. Tekið skal fram að um afturkræfa framkvæmd er að ræða og ætti því ekki að fyrirbyggja hugsanlegar hugmyndir um lyftuframkvæmdir tengdar skíðasvæðinu í framtíðinni.

7) Skipulagsnefnd tekur undir umsögnina sem gefur að öðru leyti ekki tilefni til svars.

8) Gefur ekki tilefni til svars.

9) Gefur ekki tilefni til svars.

Niðurstaða:

Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar. 

Edward H. Huijbens V-lista sat hjá við afgreiðsluna og óskaði bókað að stækkun akstursíþróttasvæðis KKA og skotsvæðis SA sé misráðin og að huga þurfi að annarri staðsetningu fyrir starfsemi klúbbana. Edward minnir á ítrekaðar bókanir V-lista um nauðsyn þess að skipuleggja útivist og afþreyingu í Hlíðarfjalli heildstætt. Ljóst má vera að vaxandi frístundabyggð og fjölgandi útivistarmöguleikum á svæðinu er skorinn of þröngur stakkur með því að stækka svæði undir aksturs- og skotíþróttir. Fyrirsjáanlegt er að til árekstra komi í framtíðinni og því stækkun svæðanna misráðin. 

Skipulagsnefnd hefur yfirfarið meðfylgjandi hönnunargögn vegna framkvæmda við lagningu göngustígsins, sem er í samræmi við samþykkt aðalskipulag, og samþykkir útgáfu framkvæmdaleyfisins á grundvelli 4. gr.- g  "Samþykktar um skipulagsnefnd".

Eftirfarandi skilyrði setur skipulagsnefnd fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

Skipulagsnefnd hefur yfirfarið meðfylgjandi hönnunargögn vegna jarðvegsframkvæmda við nýtt flughlað á Akureyrarflugvelli sem er í samræmi við samþykkt aðal- og deiliskipulag og samþykkir útgáfu framkvæmdaleyfisins á grundvelli 4. gr.- g  "Samþykktar um skipulagsnefnd".

Eftirfarandi skilyrði setur skipulagsnefnd fyrir veitingu framkvæmdaleyfisins:

Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

Skipulagsnefnd tekur undir niðurstöðu Skipulagsstofnunar um matskyldu framkvæmdanna þar sem ítrekað er mikilvægi þess að ISAVIA og aðrir sem að framkvæmdinni koma viðhafi þá verktilhögun og mótvægisaðgerðir sem kynntar hafa verið við meðferð málsins og vöktun á aðgerðum og áhrifum.

Skipulagsnefnd samþykkir útgáfu framkvæmdaleyfis á grundvelli 4. gr.-g "Samþykktar um skipulagsnefnd".

Einungis er um að ræða breytingu á lóðarstærð og er breyting sem varðar Akureyrarkaupstað og lóðarhafa. Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010.

Þar sem um óverulega breytingu á gildandi deiliskipulagi er að ræða leggur skipulagsnefnd til við bæjarstjórn að tillagan verði grenndarkynnt skv. 2. mgr. 43. gr. skipulagslaga nr. 123/2010.

Einungis er um að ræða breytingu á nýtingarhlutfalli og er breyting sem varðar Akureyrarkaupstað og lóðarhafa. Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010.

Edward H. Huijbens V-lista bar upp vanhæfi sitt við afgreiðslu málsins og var það samþykkt. Vék hann af fundi við afgreiðslu þess.

Fram kemur í svari Hafnasamlagsins eftir skoðun siglingasviðs Vegagerðarinnar á tillögunni að fara þurfi í mótvægisaðgerðir vegna endurkasts öldu frá grjótgarðinum sem muni valda aukinni ókyrrð framan við flotkvína. Einnig er bent á að mjög er þrengt að athafnarými sem dráttarbátarnir hafa til að færa skip í og úr flotkvínni.

Sem mótvægi leggja sérfræðingarnir til að stefnu grjótgarðsins verði breytt og að gerður verði nýr varnargarður norðan flotkvíarstæðis eins og sýnt er á meðfylgjandi uppdrætti.
Niðurstaða:

Skipulagsnefnd tekur jákvætt í erindið og heimilar umsækjanda að gera tillögu að breytingu á deiliskipulagi svæðisins. Skipulagsbreytingin skal unnin í samráði við skipulagsstjóra og hafnarstjóra.

Skipulagsnefnd hefur ákveðið að hefja vinnu við að deiliskipuleggja hluta Norðurbrekku og mun nýtingarhlutfall lóða þar verða ákveðin í þeirri vinnu.

Skipulagsnefnd tekur jákvætt í erindið og felur skipulagsstjóra að afgreiða umsókn um byggingarleyfi þegar hún berst.

Skipulagsnefnd tekur jákvætt í erindið og felur skipulagsstjóra að afgreiða umsókn um byggingarleyfi þegar hún berst.

Skipulagsnefnd tekur jákvætt í erindið en óskar eftir nánari gögnum varðandi viðbygginguna vegna grenndarkynningar.

Skipulagsnefnd óskar eftir skuggavarpsteikningum og ásýndarmynd sem sýnir húsin nr. 8 og 10 séð frá götu og felur skipulagsstjóra að grenndarkynna þeim er gerðu athugasemd við tillöguna.

Sigurður Guðmundsson A-lista bar upp vanhæfi sitt við afgreiðslu málsins og var það samþykkt. Vék hann af fundi við afgreiðslu málsins.

Skipulagsnefnd samþykkir erindið með fyrirvara um byggingarhæfi lóðarinnar. Deiliskipulagsskilmálar ásamt almennum byggingarskilmálum gilda.

Skipulagsnefnd óskar eftir afstöðu framkvæmdaráðs til erindisins.

Samkvæmt gildandi deiliskipulagi svæðisins er gert ráð fyrir almennu bílastæði á reitnum vestan götunnar sem á eftir að gera. Brekkan er nú nýtt sem leiksvæði en að öðru leyti er ekki gert ráð fyrir sérstöku leiksvæði á reitnum.

 Lagt fram til kynningar.

Lagt fram til kynningar.

Lögð fram til kynningar.