Dragkeppni í Rósenborg

Hans Jónsson sigurvegari keppninnar í fyrra.
Hans Jónsson sigurvegari keppninnar í fyrra.

Laugardaginn 29. apríl verður hin árlega dragkeppni "Hin - Hinsegin Norðurlands" haldin í Ungmennahúsinu í Rósenborg. Að þessu sinni eru 12 keppendur skráðir til leiks. 

Hin - Hinsegin Norðurland er félagsskapur samkynhneigðra, tvíkynhneigðra og transfólks. Markmið félagsins er að vera stuðnings- og fræðslusamtök fyrir hinsegin fólk á landsbyggðinni og er félagið einn af kjarnaklúbbum Ungmennahússins í Rósenborg á Akureyri. Félagið heldur vikulega fundi á þriðjudagskvöldum í fundarherberginu á 4. hæð í Rósenborg, Skólastíg 2.

Í dómnefnd dragkeppninnar á laugardagskvöld verða þau Guðmundur Baldvin Guðmundsson bæjarfulltrúi, Guðmunda Smári Veigarsdóttir fulltrúi úr Samtökunum 78, Sigurður Heimir Guðjónsson fulltrúi frá Dragsúgi og einn fulltrúi frá Hinsegin Norðurlandi.

Húsið verður opnað kl. 18. Keppnin hefst kl. 19 og er aðgangseyrir 1.000 kr.

Des Nóv Okt Sep Ágú Júl Jún Maí Apr Mar Feb Jan