Suðurhluti Oddeyrar, Strandgata 29 – Tillaga að deiliskipulagsbreytingu

Bæjarstjórn Akureyrarkaupstaðar auglýsir hér með skv. 1. mgr. 43. gr. skipulagslaga nr. 123/2010, tillögu að deiliskipulagsbreytingu fyrir suðurhluta Oddeyrar vegna Strandgötu 29.

Tillagan gerir m.a. ráð fyrir að á lóð nr. 29 við Strandgötu verði heimilt að hafa fimm íbúðir í stað einnar áður í fyrirhugaðri byggingu vestast á lóðinni. Byggingarreitur fyrir tengibyggingu yfir í núverandi hús stækkar.

Tillöguuppdráttur ásamt greinargerð mun liggja frammi í þjónustuanddyri Akureyrarkaupstaðar, Geislagötu 9, 1. hæð, frá 29. mars til 10. maí 2017, svo að þeir sem þess óska geti kynnt sér tillöguna og gert við hana athugasemdir. Tillagan er einnig aðgengileg hér að neðan:

Strandgata 29 - tillaga að deiliskipulagsbreytingu

Frestur til að gera athugasemdir við tillöguna rennur út kl. 16:00 miðvikudaginn 10. maí 2017 og skal athugasemdum skilað skriflega til Skipulagssviðs Akureyrarkaupstaðar, Geislagötu 9, 3. hæð eða með tölvupósti (skipulagssvid@akureyri.is) þar sem nafn, kennitala og heimilisfang sendanda kemur fram.

29. mars 2017
            Sviðsstjóri skipulagssviðs