Velferðarráð

Halldór S. Guðmundsson framkvæmdastjóri ÖA sat fundinn undir þessum lið og reifaði minnisblað sem Hulda Sveinsdóttir hjúkrunarfræðingur og ráðgjafi á sviði heilabilunar, tók saman um „aðstandendaskóla fyrir maka og fullorðin börn einstaklinga með heilabilun“. Skólinn hefur starfað við ÖA í vetur. Þá er í minnisblaðinu einnig fjallað um „vinvætt samfélag fyrir einstaklinga með heilabilun“.

Fram kemur í mati og umsögnum um aðstandendaskólann að reynslan sé samhljóma reynslu annarra, t.d. Dana og út frá því eru áform um að bjóða upp á aðstandendaskólann næsta vetur.

Vinvætt samfélag fyrir einstaklinga með heilabilun útleggst á ensku „dementia friendly communities“, en aldursvænir bæir og borgir útleggst „age friendly communities“ - sbr. WHO (Alþjóðaheilbrigðismálastofnunina).

Þá kom fram í kynningu Halldórs S. Guðmundssonar framkvæmdastjóra ÖA að þann 10. júní 2018 hafi fulltrúi á vegum heilbrigðisráðuneytisins, Jón G. Snædal, fundað með nokkrum stjórnendum ÖA, en hann vinnur að undirbúningi stefnumótunar um málefni einstaklinga með heilabilun. Að mati stjórnenda ÖA eru þetta allt viðfangsefni og verkefni sem tilefni er til að skoða og vinna nánar, með tilliti til vinvædds samfélags á Akureyri fyrir einstaklinga með heilabilun.

Halldór S. Guðmundsson framkvæmdastjóri ÖA sat fundinn undir þessum lið og kynnti stuttlega samstarfs- og þróunarverkefni um innleiðingu á þjónandi forystu.

Frumkvæði að verkefninu er komið frá mannauðsdeild stjórnsýslusviðs Akureyrarbæjar og kynningu starfsmanna mannauðsdeildar og umræðu meðal stjórnenda innan ÖA fyrr á þessu ári. Markmið verkefnisins, sem gengur undir vinnuheitinu „valdefling til framtíðar“ er að þróa og innleiða nálgun þjónandi forystu sem stuðning við stjórnendur. Verkefnið er hafið og verður unnið á þessu ári og fyrstu mánuðum næsta árs og er skipt í þrjá hluta. Fyrsti hluti var mæling á þáttum þjónandi forystu með matstæki fyrir starfsfólk og sjálfsmati stjórnenda og starfsfólks.

Í verkefninu verður áhersla á að nota hugmyndafræði þjónandi forystu til að styðja við vellíðan starfsfólks með áherslu á að efla þá þætti sem sýna jákvæð tengsl við vellíðan.

Laufey Þórðardóttir settur sviðsstjóri búsetusviðs sat fundinn undir þessum lið og kynnti ársskýrslu búsetusviðs 2018.

Karólína Gunnarsdóttir settur sviðsstjóri fjölskyldusviðs kynnti erindi frá fjölskyldusviði til skipulagsráðs varðandi nauðsyn þess að gert sé ráð fyrir litlum einbýlishúsum á deiliskipulagi fyrir félagslega leiguhúsnæðiskerfið.

Anna Marit Níelsdóttir forstöðumaður félagsþjónstu fjölskyldusviðs sat fundinn undir þessum lið.

Lagt fram til kynningar yfirlit yfir veitta fjárhagsaðstoð janúar - apríl 2019.

Anna Marit Níelsdóttir forstöðumaður félagsþjónustu sat fundinn undir þessum lið.

Golfsamtök fatlaðra á Íslandi óska eftir styrk að upphæð kr. 300.000 til að hægt verði að bjóða upp á golfkennslu á Akureyri fyrir fatlað fólk í sumar.

Kvennaathvarfið sækir um rekstarstyrk fyrir árið 2019 að upphæð kr. 400.000.

Starfsendurhæfing Norðurlands sækir um styrk að upphæð kr. 500.000 vegna Gæfusporsins.

MS-félag Íslands óskar eftir styrk að upphæð kr. 200.000 til að fjármagna framkvæmdir við húsnæði félagsins í tilefni af 50 ára afmæli félagsins.

Háskóli Íslands - Rannsóknarstofnun um barna- og fjölskylduvernd óskar eftir styrk, óskilgreindri upphæð, vegna reksturs starfsársins 2019.

FF Múrbrjótar - fótbolti án fordóma óska eftir styrk til að greiða fyrir leigu á tímum í íþróttaaðstöðu Akureyrarbæjar. Frístundaráð hefur þegar samþykkt að greiða helming leigunnar. Eftirstöðvarnar eru kr. 105.850.

Kvennaráðgjöfin, kt: 471085-0499, Túngötu 14, Reykjavík sækir um styrk að upphæð kr. 200.000 fyrir rekstrarárið 2019 til að reka ókeypis lögfræði- og félagsráðgjöf fyrir konur.

Þroskahjálp á NE og Hetjurnar, félag langveikra barna á Norðurlandi sækja um styrk til að halda systkinasmiðju á Akureyri að upphæð kr. 250.000.

Sif Sigurðardóttir vék af fundi undir þessum lið.

Stígamót óska eftir fjárstuðningi, óskilgreindri upphæð og samstarfi um rekstur félagsins.

Rauði krossinn við Eyjafjörð óskar eftir rekstarstyrk að upphæð kr. 2.500.000 vegna verkefnisins Ungfrú Ragnheiður.