Velferðarráð

1253. fundur 24. maí 2017 kl. 14:00 - 16:30 Fundarsalur á 2. hæð í Glerárgötu 26
Nefndarmenn
  • Erla Björg Guðmundsdóttir formaður
  • Róbert Freyr Jónsson
  • Heiðrún Ósk Ólafsdóttir
  • Valur Sæmundsson
  • Guðrún Karitas Garðarsdóttir áheyrnarfulltrúi
Starfsmenn
  • Jón Hrói Finnsson sviðsstjóri búsetusviðs
  • María Sigurbjörg Stefánsdóttir fundarritari
Fundargerð ritaði: María Sigurbjörg Stefánsdóttir fundarritari
Dagskrá
Halldóra Kristín Hauksdóttir B-lista og varamaður boðuðu forföll.
Heiðrún Ósk Ólafsdóttir D-lista mætti í forföllum Svövu Þórhildar Hjaltalín.

1.Reglur um sértæka heimaþjónustu

2017050041

Kynnt voru drög að reglum um sértæka heimaþjónustu (frekari liðveislu) samkvæmt lögum um málefni fatlaðs fólks nr. 59/1992.

Laufey Þórðardóttir verkefnisstjóri þjónustu á búsetusviði sat fundinn undir þessum lið.

2.Sumardagskrá fyrir fullorðið fatlað fólk 2017

2017040182

Kynntar voru áætlanir um viðbótarþjónustu við notendur Hæfingarstöðvarinnar í sumarlokun hennar, sem í ár eru fjórar vikur í stað tveggja.

Um er að ræða tilraunaverkefni sem byggist á samvinnu fjölskyldusviðs og búsetusviðs.

Laufey Þórðardóttir verkefnisstjóri þjónustu á búsetusviði og Guðrún Sigurðardóttir sviðsstjóri fjölskyldusviðs sátu fundinn undir þessum lið.

3.Samstarfssamningur milli SÁÁ og Akureyrarbæjar 2017

2017040007

Lögð fram að nýju beiðni frá SÁÁ un endurnýjun samnings við Akureyrarbæ. Meðfylgjandi er ársreikningur samtakanna.

Guðrún Sigurðardóttir sviðsstjóri fjölskyldusviðs sat fundinn undir þessum lið.
Frestað til næsta fundar.

4.Styrkbeiðnir til velferðarráðs og frístundaráðs 2017

2016110088

Krabbameinsfélag Íslands - styrkbeiðni vegna Mottumars dagsett 20. mars 2017.

Guðrún Sigurðardóttir sviðsstjóri fjölskyldusviðs kynnti málið og sat fundinn undir þessum lið.
Velferðarráð hafnar beiðninni.

5.Styrkbeiðnir til velferðarráðs og frístundaráðs 2017

2016110088

Stuðningsfélagi Kraftur - styrkbeiðni dagsett 24. febrúar 2017.

Guðrún Sigurðardóttir sviðsstjóri fjölskyldusviðs kynnti málið og sat fundinn undir þessum lið.
Velferðarráð hafnar beiðninni.

6.Frumvarp til laga um þjónustu við fatlað fólk með miklar stuðningsþarfir, 438. mál

2017050018

Lögð fram til kynningar umsögn dagsett 17. maí 2017 vegna frumvarps til laga um þjónustu við fatlað fólk með miklar stuðningsþarfir.

Laufey Þórðardóttir verkefnisstjóri búsetusviðs og Guðrún Sigurðardóttir sviðsstjóri fjölskyldusviðs sátu fundinn undir þessum lið.

7.Leiguíbúðir Akureyrarbæjar - leiguverð

2012110070

Lagt fram minnisblað Jóns Heiðars Daðasonar húsnæðisfulltrúa fjölskyldusviðs um verð á leiguíbúðum bæjarins, tengsl við sérstakar húsaleigubætur og þörf fyrir hækkun á leiguverði.

Jón Heiðar Daðason húsnæðisfulltrúi fjölskyldusviðs, Anna Marit Níelsdóttir forstöðumaður í félagsþjónustu og Guðrún Sigurðardóttir sviðsstjóri fjölskyldusviðs sátu fundinn undir þessum lið.

8.Frumvarp til laga um félagsþjónustu sveitarfélaga (innleiðing samnings SÞ um réttindi fatlaðs fólks, stjórnsýsla og húsnæðismál), 439. mál

2017050019

Lögð fram til kynningar umsögn dagsett 17. maí 2017 vegna frumvarps til laga um breytingar á lögum um félagsþjónustu sveitarfélaga.

9.Samstarfs- og þróunarsamningur um velferðartækni

2017050130

Kynntur var samstarfs- og þróunarsamningur um velferðartækni við Símann hf. Verkefnið felst m.a. í prófunum og þarfagreiningum varðandi notkun velferðartækni í þjónustu ÖA og búsetusviðs.

Halldór S Guðmundsson framkvæmdastjóri ÖA sat fundinn undir þessum lið.

10.CONNECT - verkefnið

2014060231

Halldór S Guðmundsson framkvæmdastjóri ÖA sat fundinn undir þessum lið og dreifði og kynnti dagskrá málþings á vegum CONNECT verkefnisins sem verður hér á Akureyri nk. föstudag 26. maí. Umfjöllunarefni er innleiðing velferðartækni hjá sveitarfélögum.

Málþingið er sérstaklega ætlað sveitarstjórnarfólki, stjórnendum og starfsmönnum á vegum sveitarfélaga og öðrum sem áhuga hafa.

Vakti hann sérstaka athygli á breyttum fundarstað, en málþingið verður haldið í samkomusal Hlíðar.

11.Breytt notkun á tveimur raðhúsaíbúðum

2016020246

Lagður fram til kynningar upplýsingabæklingur um sjúkraíbúðir við Hlíð, kynning á heimasíðu Sjúkratrygginga og heimasíðu ÖA. Jafnframt kynnt fyrirkomulag varðandi bókanir íbúðanna og rekstraráætlun, en áætlanir gera ráð fyrir að útleiga íbúðanna standi undir öllum kostnaði við rekstur þeirra.

Halldór S Guðmundsson framkvæmdastjóri ÖA kynnti og sat fundinn undir þessum lið.

12.Samþykktir og gögn vegna umsóknar um endurgreiðslu vsk

2015120211

Greint var frá afgreiðslu og ábendingum Tollstjóra vegna afgreiðslu á erindum frá Gjafasjóði ÖA. Málið hefur áður verið á dagskrá velferðarráðs þann 6. apríl 2016 og 15. júní 2016. Samstarf hefur verið við embætti Tollstjóra um úrbætur á reglum Gjafasjóðsins sbr. ábendingar um fjárhagsleg tengsl gefanda og þiggjanda. Velferðarráð fer með málefni sjóðsins og rekstur ÖA.

Halldór S Guðmundsson framkvæmdastjóri ÖA og Lúðvík Freyr Sæmundsson rekstrarstjóri ÖA sátu fundinn undir þessum lið.
Velferðarráð felur framkvæmdastjóra að vinna áfram að málinu í samræmi við umræður á fundinum og legga fram tillögu að breytingu á samþykktum Gjafasjóðs ÖA, fyrir næsta fund velferðarráðs.

13.Öldrunarheimili Akureyrar - áætlun um þróun þjónusturýma

2012010094

Kynnt var beiðni ÖA til velferðarráðuneytisins um fjölgun B-rýma í dagþjálfun frá nk. hausti. Tilefnið er að svara betur þörfum notenda.

Framkvæmdastjóri ÖA, Halldór S Guðmundsson og Lúðvík Freyr Sæmundsson rekstrarstjóri ÖA kynntu og sátu fundinn undir þessum lið.

14.ÖA - Stefna og starfsemi

2013010214

Á fundi velferðarráðs 19. apríl 2017, 3. lið, var tillaga velferðarráðs um að stofnað verði til starfshóps sem skipaður væri fulltrúum frá ÖA og umhverfis- og mannvirkjasviði. Verkefni hópsins er að vinna greiningu á þörfum fyrir viðhalds- og endurbætur á húsnæði ÖA í Austurbyggð og skila um það drögum að viðhalds- og endurbótaáætlun sem liggi fyrir í byrjun september 2017.

Halldór S Guðmundsson framkvæmdastjóri ÖA og Lúðvík Freyr Sæmundsson rekstrarstjóri ÖA sátu fundinn undir þessum lið.
Velferðarráð samþykkir að skipa Halldór S Guðmundsson framkvæmdastjóra ÖA og Helgu Erlingsdóttur hjúkrunarforstjóra ÖA í starfshópinn og óskar eftir tilnefningum frá umhverfis- og mannvirkjasviði.

Fundi slitið - kl. 16:30.