Skipulagsráð

328. fundur 18. desember 2019 kl. 08:00 - 09:30 Fundarsalur á 2. hæð í Ráðhúsi
Nefndarmenn
  • Tryggvi Már Ingvarsson formaður
  • Orri Kristjánsson
  • Ólöf Inga Andrésdóttir
  • Arnfríður Kjartansdóttir
  • Þórhallur Jónsson
  • Helgi Sveinbjörn Jóhannsson áheyrnarfulltrúi
Starfsmenn
  • Pétur Ingi Haraldsson sviðsstjóri skipulagssviðs
  • Margrét Mazmanian Róbertsdóttir verkefnastjóri skipulagsmála
  • Leifur Þorsteinsson fundarritari
Fundargerð ritaði: Leifur Þorsteinsson byggingarfulltrúi
Dagskrá

1.Aðalskipulag - umsókn um breytingu á skipulagi, reiðbrú

Málsnúmer 2019120136Vakta málsnúmer

Erindi dagsett 11. desember 2019 frá Þóri Guðmundssyni þar sem hann fyrir hönd Akureyrarbæjar, kt. 410169-6229, óskar eftir að ný brú yfir Glerá, sem Landsnet hefur í hyggju að byggja sem strengjaleið, verði einnig nýtt sem göngu- og reiðstígabrú. Því er óskað eftir skipulagsbreytingu með það í huga.
Skipulagsráð felur sviðsstjóra skipulagssviðs að láta útbúa tillögu að breytingu á aðalskipulagi í samræmi við fyrirliggjandi erindi. Að mati ráðsins er breytingin óveruleg skv. 2. mgr. 36. gr. skipulagslaga nr. 123/2010.

2.Rangárvellir - umsókn um breytt deiliskipulag vegna Hólasandslínu 3

Málsnúmer 2019120078Vakta málsnúmer

Erindi dagsett 5. desember 2019 þar sem Árni Ólafsson fyrir hönd Landsnets hf., kt. 580804-2410, sækir um breytingu á deiliskipulagi Rangárvalla vegna Hólasandslínu 3. Í breytingunni felst að afmarkað er lagnabelti fyrir flutningslínur raforku í stað nákvæmrar legu hverrar línu, lóð nr. 1 er stækkuð til samræmis við heimild á gildandi skipulagi, nýir byggingarreitir skilgreindir á lóð nr. 1 fyrir tengivirki, skýringum og litasamsetningu lítillega breytt og lagnabelti yfir endurnýtingarsvæði og Liljulund fellt út.
Skipulagsráð leggur til við bæjarstjórn að breyting á deiliskipulagi í samræmi við fyrirliggjandi gögn verði auglýst skv. 1. mgr. 41. gr. skipulagslaga nr. 123/2010.

3.Breiðholt - fyrirspurn vegna reiðskemmu

Málsnúmer 2019120140Vakta málsnúmer

Erindi dagsett 11. desember 2019 þar sem Camilla Höj, kt. 120487-4189, leggur inn fyrirspurn fyrir hönd hestamanna í Breiðholtshverfi varðandi byggingu reiðskemmu. Óskað er eftir leyfi til byggingar reiðskemmunnar og styrk frá Akureyrarbæ í formi lóðar. Meðfylgjandi er skýringarmynd.
Skipulagsráð frestar erindinu og felur sviðsstjóra skipulagssviðs að ræða við umsækjendur um framhald málsins.

4.Aðalstræti 60-64 - fyrirspurn vegna deiliskipulags

Málsnúmer 2019110476Vakta málsnúmer

Erindi dagsett 26. nóvember 2019 þar sem Anna Margrét Hauksdóttir, kt. 120665-3169, sækir fyrir hönd lóðareigaenda um breytingu á deiliskipulagi eignarlóðar við Aðalstræti 60-64. Um er að ræða skiptingu eignarlóðarinnar í fjórar lóðir. Meðfylgjandi er deiliskipulagsuppdráttur.
Skipulagsráð samþykkir breytingu á deiliskipulagi lóðarinnar í samræmi við fyrirspurn. Að mati ráðsins er slík breyting óveruleg skv. 2. mgr. 43. gr. skipulagslaga nr. 123/2010 og þar sem breytingin hefur eingöngu áhrif á umsækjanda og Akureyrarbæ er ekki talin þörf á grenndarkynningu. Er sviðsstjóra skipulagssviðs falið að sjá um gildistöku breytingarinnar þegar endanlegur breytingaruppdráttur berst frá umsækjanda.

5.Aðalstræti - umferðarmál

Málsnúmer 2016060166Vakta málsnúmer

Skipulagsráð óskaði eftir áliti hverfisráðs Brekku og Innbæjar á reynslu af breytingu á umferð í norðurenda Aðalstrætis. Lögð var fram fundargerð hverfisnefndarinnar og íbúafundar sem haldinn var í framhaldinu.

Skipulagsráð óskaði eftir umsögn og tillögum umhverfis- og mannvirkjasviðs og er hún nú lögð fram.
Skipulagsráð tekur undir fyrirliggjandi tillögu umhverfis- og mannvirkjasviðs að svari. Er sviðsstjóra skipulagssviðs falið að kynna niðurstöðu skipulagsráðs fyrir hverfisnefnd Brekku og Innbæjar, auglýsa breytinguna og vinna að breytingum á umferðarmerkingum í samráði við umhverfis- og mannvirkjasvið.

6.Strandgata 33 - umsókn um byggingarleyfi fyrir breytingum

Málsnúmer 2019090554Vakta málsnúmer

Erindi dagsett 24. september 2019 þar sem Valþór Brynjarsson fyrir hönd Vesturkants ehf., kt. 541008-0630, sækir um byggingarleyfi fyrir breytingum á húsi nr. 33 við Strandgötu samkvæmt meðfylgjandi teikningum eftir Valþór Brynjarsson og umsögn Minjastofnunar.

Erindið var sent í grenndarkynningu þann 5. nóvember 2019 með athugasemdafresti til 4. desember 2019. Athugasemdir bárust frá eigendum Grundargötu 1 þar sem athugasemdir eru gerðar við útlit kvists að norðan, svalir að vestan og aukið skuggavarp.
Tryggvi Már Ingvarsson B-lista bar upp vanhæfi sitt í málinu og var það samþykkt. Vék hann af fundi við umræður og afgreiðslu málsins.



Skipulagsráð frestar afgreiðslu og óskar eftir viðbrögðum umsækjanda við innkomnum athugasemdum og teikningum sem sýna skuggavarp frá húsinu á mismunandi tímum árs og mismunandi tímum dags.

7.Sjafnarstígur 3 - fyrirspurn vegna stækkunar húss

Málsnúmer 2019100130Vakta málsnúmer

Erindi dagsett 4. október 2019 þar sem Haukur Haraldsson fyrir hönd Oddfellowhússins Sjafnarstíg 3, kt. 530995-2329, leggur inn fyrirspurn hvort leyfi fengist til að stækka hús nr. 3 við Sjafnarstíg samkvæmt meðfylgjandi fyrirspurnarteikningum eftir Hauk Haraldsson.

Erindið var sent í grenndarkynningu þann 5. nóvember 2019 með athugasemdafresti til 4. desember 2019. Engar athugasemdir bárust.
Skipulagsráð tekur jákvætt í erindið. Byggingarfulltrúi afgreiðir umsókn um byggingarleyfi þegar hún berst.

8.Ægisgata 7 - umsókn um byggingarleyfi fyrir útigeymslu og breytingu úti og inni

Málsnúmer 2019110234Vakta málsnúmer

Staðgengill byggingarfulltrúa óskar umsagnar á erindi dagsettu 14. nóvember 2019 þar sem Ágúst Hafsteinsson fyrir hönd Magnúsar Þorleifssonar, kt. 181232-2939, sækir um byggingarleyfi fyrir geymslubyggingu á lóð nr. 7 við Ægisgötu.
Skipulagsráð heimilar umsækjanda að leggja fram tillögu að breytingu á deiliskipulagi í samræmi við umsókn. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og samþykkir að grenndarkynna hana skv. 44. gr. laganna þegar gögn berast frá umsækjanda.

9.Kaupvangsstræti 8-10-12 - umsókn um byggingarleyfi fyrir breytingum innan- og utanhúss

Málsnúmer 2019100306Vakta málsnúmer

Byggingarfulltrúi óskar eftir umsögn skipulagsráðs um erindi dagsett 16. október 2019 þar sem Steinþór Kári Kárason fyrir hönd Akureyrarbæjar, kt. 410169-6229, sækir um byggingarleyfi fyrir breytingu á innra skipulagi og nýrri aðkomu að rými undir Gilsbakkavegi í húsi nr. 8-10-12 við Kaupvangsstræti. Meðfylgjandi eru teikningar eftir Steinþór Kára Kárason. Þá liggur einnig fyrir minnisblað umhverfis- og mannvirkjasviðs dagsett 2. desember 2019 um framkvæmdir við Gilsbakkaveg.
Skipulagsráð gerir ekki athugasemdir við fyrirhugaðar framkvæmdir og vísar málinu til afgreiðslu byggingarfulltrúa. Skipulagsráð leggur áherslu á að röskun á umferð um Gilsbakkaveg verði sem minnst á meðan á framkvæmdum stendur.

10.Strandgata 3 - fyrirspurn vegna klæðningar

Málsnúmer 2019120039Vakta málsnúmer

Byggingarfulltrúi óskar umsagnar skipulagsráðs um erindi dagsett 3. desember 2019 þar sem Kári Magnússon fyrir hönd Strandgötu 3, húsfélags, kt. 580401-3090, leggur inn fyrirspurn vegna fyrirhugaðrar álklæðningar á hvíta fleti hússins nr. 3 við Strandgötu. Meðfylgjandi er sérteikning eftir Kára Magnússon.
Skipulagsráð gerir ekki athugasemdir við fyrirhugaðar framkvæmdir og vísar málinu til afgreiðslu byggingarfulltrúa.

11.Endurnýjun samskiptastrengs í Hrísey

Málsnúmer 2019110417Vakta málsnúmer

Erindi dagsett 21. nóvember 2019 þar sem Hjalti Steinn Gunnarsson fyrir hönd Norðurorku hf., kt. 550978-0169, sækir um leyfi fyrir endurnýjun samskiptastrengs í Hrísey. Nýi strengurinn (ljósleiðari) mun liggja frá dælustöð ofan Miðbrautar, að vatnsveitutanki og þaðan að gömlu dælustöðinni. Meðfylgjandi er skýringarmynd.
Skipulagsráð hefur yfirfarið meðfylgjandi hönnunargögn vegna framkvæmdar við samskiptastrenginn og samþykkir útgáfu framkvæmdarleyfisins með eftirfarandi skilyrðum:

- Framkvæmdin skal vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

- Frágangur yfirborðs þarf að vera unninn í samráði við umhverfis- og mannvirkjasvið.

12.Sólskógar - nýtt götuheiti

Málsnúmer 2019100175Vakta málsnúmer

Á fundi skipulagsráðs 30. október 2019 var tekið fyrir erindi lóðarskrárritara Akureyrarbæjar um að gatan sem gróðrarstöðin Sólskógar stendur við fái götuheiti. Var samþykkt að fela sviðsstjóra skipulagssviðs að leita eftir tillögum að götuheiti frá nemendum í Naustaskóla í samráði við skólastjórnendur. Eru hér lagðar fram tillögur nemenda að götuheiti.
Skipulagsráð samþykkir að leita umsagnar nafnanefndar um fyrirliggjandi tillögur nemenda Naustaskóla.

13.Öryggismyndavél við Drottningarbraut - við Krókeyri

Málsnúmer 2019110083Vakta málsnúmer

Skipulagsráð samþykkti þann 13. nóvember 2019 uppsetningu masturs fyrir öryggismyndavél.

Erindi er nú lagt fram að nýju þar sem ný staðsetning öryggismyndavélar er lögð fram.
Skipulagsráð samþykkir nýja staðsetningu með fyrirvara um samþykki Vegagerðarinnar.

14.Gleráreyrar 1 - fyrirspurn um viðbyggingu

Málsnúmer 2019120242Vakta málsnúmer

Byggingarfulltrúi óskar umsagnar skipulagsráðs um erindi dagsett 17. desember 2019 þar sem Svava Bragadóttir fyrir hönd EF1 hf., kt. 681113-0960, leggur fram fyrirspurn um möguleika á lítilli viðbyggingu norðan á húsið nr. 1 við Gleráreyrar.
Skipulagsráð gerir ekki athugasemd við að byggð verði viðbygging í samræmi við fyrirspurn. Ekki er talin þörf á breytingu deiliskipulags, með vísun í heimild í 3. mgr. 43. gr. skipulagslaga nr. 123/2010, þar sem um svo óverulegt frávik er að ræða að hagsmunir nágranna skerðast í engu hvað varðar landnotkun, útsýni, skuggavarp eða innsýn. Er afgreiðslu málsins vísað til byggingarfulltrúa.

15.Skipulagssvið - skýrslur

Málsnúmer 2018120041Vakta málsnúmer

Lögð fram til kynningar samantekt um hlutfall yfirvinnu af dagvinnu í nóvember 2019 samanborið við nóvember 2018 og árin 2013-2018.

16.Fjárhagsáætlun skipulagssviðs 2019

Málsnúmer 2018080708Vakta málsnúmer

Sviðsstjóri skipulagssviðs fór yfir stöðu mála í rekstri sviðsins fyrstu 11 mánuði ársins 2019.

17.Fundaáætlun skipulagsráðs

Málsnúmer 2018120052Vakta málsnúmer

Lögð fram tillaga að fundaáætlun skipulagssráðs fyrir árið 2020.
Skipulagsráð samþykkir framlagða tillögu.

18.Afgreiðslur byggingarfulltrúa 2019

Málsnúmer 2019010038Vakta málsnúmer

Lögð fram til kynningar fundargerð 746. fundar, dagsett 7. nóvember 2019, með fullnaðarafgreiðslum erinda. Fundargerðin er í 11 liðum og er að finna á heimasíðu Akureyrarbæjar.

19.Afgreiðslur byggingarfulltrúa 2019

Málsnúmer 2019010038Vakta málsnúmer

Lögð fram til kynningar fundargerð 747. fundar, dagsett 14. nóvember 2019, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.

20.Afgreiðslur byggingarfulltrúa 2019

Málsnúmer 2019010038Vakta málsnúmer

Lögð fram til kynningar fundargerð 748. fundar, dagsett 21. nóvember 2019, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

21.Afgreiðslur byggingarfulltrúa 2019

Málsnúmer 2019010038Vakta málsnúmer

Lögð fram til kynningar fundargerð 749. fundar, dagsett 28. nóvember 2019, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

22.Afgreiðslur byggingarfulltrúa 2019

Málsnúmer 2019010038Vakta málsnúmer

Lögð fram til kynningar fundargerð 750. fundar, dagsett 5. desember 2019, með fullnaðarafgreiðslum erinda. Fundargerðin er í 11 liðum og er að finna á heimasíðu Akureyrarbæjar.

23.Afgreiðslur byggingarfulltrúa 2019

Málsnúmer 2019010038Vakta málsnúmer

Lögð fram til kynningar fundargerð 751. fundar, dagsett 13. desember 2019, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

Fundi slitið - kl. 09:30.