Skipulagsnefnd

Tillaga að deiliskipulagi Norður-Brekku, neðri hluta, var auglýst frá 11. febrúar með athugasemdafresti til 25. mars 2015. Auglýsingar birtust í Lögbirtingablaðinu og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.

Fimm athugasemdir bárust:

1) Hverfisnefnd Brekku- og Innbæjar, dagsett 23. mars 2015.

Mat hverfisnefndarinnar er að gönguleið gegnum syðra útivistarsvæðið sé forsenda fyrir færslu leiksvæðisins sem nú er við Helgamagrastræti. Á meðan ekki er gönguleið í gegnum útivistarsvæðið er leiksvæðinu betur komið við Helgamagrastræti.

2) Undirskriftalisti með 45 undirskriftum, dagsettur 10. mars 2015.

Mótmælt er fyrirhugaðri byggingu á lóð Þórunnarstrætis 126. Samkvæmt kynningu sem fram fór fyrir byggingu leikskólans var talað um að svæðið ætti að verða viðbót við bílastæði leikskólans.

3) Tómas Björn Hauksson og Elín Auður Ólafsdóttir, dagsett 25. mars 2015.

a) Grenndarkynntir aðaluppdrættir vegna viðbyggingar í Þingvallastræti 10 sýndu fjarlægð frá lóðamörkum Lögbergsgötu 9 að byggingarreit upp á 5,1m. Í skipulagstillöguninni er fjarlægðin 4,27m og gerð er athugasemd við þá breytingu.

b) Gerð er athugasemd við að ekki sé gerð tillaga að mögulegum viðbyggingum á svæðinu. Óskað hefur verið eftir að tekið verði tillit til nýtingarhlutfalls á lóð Lögbergsgötu 9 með svipuðum hætti og samþykkt var í Þingvallastræti 10.

c) Ábendingar varðandi húsakönnun.

4) Tómas Björn Hauksson, dagsett 24. mars 2015.

Fyrirspurn um hvort búið sé að meta kostnað við að gera lóð við Helgamagrastræti 8 byggingarhæfa og útbúa nýtt leiksvæði á klöppinni.

5) Alda Þórðardóttir, dagsett 26. mars 2015.

Erindi úr viðtalstíma bæjarfulltrúa þar sem vakin er athygli á að þegar Hólmasól var byggð, var sagt að á lóðinni Þórunnarstræti 126 yrðu bílastæði vegna leikskólans. Einnig er bent á að Davíðshús er í næsta nágrenni og þangað sæki ferðamenn.


Í framhaldi af kynningarfundi 5. nóvember 2014 bárust tvær athugasemdir:

1) Helgi Jóhannesson, dagsett 17. desember 2014.

Mótmælt er áformum um að gera gangstétt í Munkaþverárstræti frá Bjarkarstíg að Helgamagrastræti, breyta bílastæðum og færa akrein bíla í vesturhluta götunnar. Nánari röksemdafærslur og myndir fylgja athugasemdinni.

2) Brynhildur Þórarinsdóttir og Þóroddur Bjarnason, dagsett 9. janúar 2015.

Ítrekaðar eru óskir íbúa um gangstétt við norðanverðan Hamarstíg og vísað er í undirskriftalista frá 2013.


Þrjár umsagnir bárust:

1) Vegagerðin, dagsett 3. mars 2015.

Engar athugasemdir eru gerðar.

2) Minjastofnun Íslands, dagsett 10. apríl 2015.

Engar athugasemdir eru gerðar. Óskað er eftir samvinnu þegar farið verður í að bæta aðgengi og setja upplýsingaskilti við minjar á Mylluklöpp.

3) Norðurorka, dagsett 13. apríl 2015.

Talið er að lagnakerfi sé nægjanlega öflugt til að fæða fyrirhugaðar nýbyggingar. Bent er á að kostnaður af færslu lagna fellur á þann sem breytinganna óskar.

Formaður skipulagsnefndar lagði fram skipulagslýsingu fyrir deiliskipulag "Menntaskólans á Akureyri og nærliggjandi íbúðasvæðis". Lýsingin er dagsett 15. apríl 2015 og unnin af Ómari Ívarssyni hjá Landslagi ehf., sem kom á fundinn og kynnti lýsinguna.

Erindi dagsett 25. apríl 2015 þar sem Pétur Ólafsson f.h. Hafnasamlags Norðurlands, kt. 650371-2919, sækir um breytingar á deiliskipulagi fyrir lóðir nr. 2-4 við Skipatanga og við reit nr. 19.17. Meðfylgjandi er deiliskipulagsuppdráttur af hafnarsvæðinu sunnan Glerár.

Skipulagsstjóri lagði fram tillögu um auglýsingu lóða í 1. framkvæmdaáfanga Hagahverfis. Gert er ráð fyrir að framkvæmdum við gatnagerð verði lokið á haustdögum 2015 og ættu því lóðirnar að vera byggingarhæfar þá.

Erindi dagsett 7. apríl 2015 þar sem Arnhildur Pálmadóttir arkitekt sækir um breytingu á aðalskipulagi Akureyrar f.h. eigenda Byggðavegar 114A. Óskað er eftir að lóðin verði skilgreind fyrir verslun og þjónustu eins og hún var í eldra aðalskipulagi frá 1998.

Erindi dagsett 4. mars 2015 þar sem Þorsteinn Bergsson f.h. Minjaverndar hf. sækir um breytingu á deiliskipulagi svo mögulegt verði að gera kjallara undir húsið að Aðalstræti 4. Einnig er óskað eftir lítilháttar stækkun á byggingarreit til norðurs vegna utan á liggjandi trappa.

Meðfylgjandi er tillaga að deiliskipulagsbreytingu dagsett 15. apríl 2015, sem er í samræmi við ofangreint og unnin af Loga Má Einarssyni frá Kollgátu ehf.

Erindi dagsett 24. mars 2015 þar sem Böðvar Sveinsson f.h. Mílu ehf., kt. 460201-1690, sækir um framkvæmdaleyfi vegna uppbyggingar á Ljósveitu Mílu á völdum svæðum á Akureyri árið 2015. Meðfylgjandi er kort en þar sjást áætluð framkvæmdasvæði 2015.

Erindi dagsett 30. mars 2015 frá Samkeppniseftirlitinu þar sem upplýst er að í júní 2013 hafi verið hafin markaðsrannsókn á íslenska eldsneytismarkaðnum á grundvelli 16. gr. samkeppnislaga. Óskað er eftir upplýsingum um hvort og þá hvaða reglur, stefnur o.s.frv. séu í gildi hjá sveitarfélaginu um skipulagsáætlanir og lóðarúthlutanir til fyrirtækja sem hyggja á sölu eldsneytis í smásölu.

Einnig er óskað eftir upplýsingum um hvort sveitarfélagið hafi haft til hliðsjónar við úthlutun lóða til fyrirtækja, sem hyggja á sölu eldsneytis í smásölu, reglur Samkeppniseftirlitsins sem fram koma í áliti Samkeppniseftirlitsins nr. 3/2009.

Skipulagsstjóri kynnti stöðuna á rekstri skipulagsdeildar fyrir fyrstu tvo mánuði ársins 2015.

Erindi dagsett 8. apríl 2015 þar sem Bergur Steingrímsson f.h. Norðurorku hf., kt. 550978-0169, sækir um 860 m² lóð vegna kaldavatnsholu á landi nr. 152145. Einnig er sótt um byggingarreit að stærð 10x10 m fyrir borholuskúrinn.

Meðfylgjandi er uppdráttur eftir Berg Steingrímsson.

Erindi dagsett 8. apríl 2015 þar sem Bergur Steingrímsson f.h. Norðurorku hf., kt. 550978-0169, sækir um 400 m² lóð fyrir dælustöð á landi nr. 175509. Einnig er sótt um byggingarreit að stærð 10x10 m fyrir dæluskúrinn.

Meðfylgjandi er uppdráttur eftir Berg Steingrímsson.

Erindi dagsett 8. apríl 2015 þar sem Bergur Steingrímsson f.h. Norðurorku ehf., kt. 550978-0169, sækir um 900 m² lóð undir vatnsmiðlunargeymi ofan Miðbrautar. Einnig er sótt um byggingarreit að stærð 20x20 m fyrir vatnsmiðlunargeyminn.

Meðfylgjandi er uppdráttur eftir Berg Steingrímsson.

Erindi dagsett 8. apríl 2015 þar sem Bergur Steingrímsson f.h. Norðurorku hf., kt. 550978-0169, sækir um 613,5 m² lóð undir skólpdælustöð við Sjávargötu 2a. Einnig er sótt um byggingarreit að stærð 10x10 m fyrir skólpdælustöðina.

Meðfylgjandi er teikning eftir Berg Steingrímsson.

Erindi dagsett 23. mars 2015 þar sem Bergur Steingrímsson f.h. Norðurorku hf., kt. 550978-0169, sækir um 16.169 m² lóð við Ystabæjarveg í Hrísey undir nýja dælustöð. Einnig er sótt um byggingarreit að stærð 10x10 m fyrir dælustöðina. Á lóðinni er einnig að finna eldra vatnsból Hríseyinga.

Meðfylgjandi er uppdráttur eftir Berg Steingrímsson.

Skipulagsstjóri lagði fram eftirfarandi umsókn um byggingarleyfi til umsagnar skipulagsnefndar, sbr. samþykkt bæjarstjórnar frá 7. apríl 2015, þar sem óskað er eftir breytingu á innra skipulagi hússins.

Erindi dagsett 16. mars 2015 þar sem Haraldur S. Árnason f.h. Ullarkistunnar ehf., kt. 680995-2229, og AJS fasteigna ehf., kt. 420502-2570, sækir um breytingar á skipulagi 1. hæðar húss nr. 99-101 við Hafnarstræti. Meðfylgjandi eru teikningar eftir Harald S. Árnason. Innkomnar teikningar 8. apríl 2015.

Skipulagsstjóri lagði fram eftirfarandi umsókn um byggingarleyfi til umsagnar skipulagsnefndar, sbr. samþykkt bæjarstjórnar frá 7. apríl 2015, þar sem óskað er eftir breytingu á innra skipulagi hússins.

Erindi dagsett 23. mars 2015 þar sem Ingólfur Guðmundsson f.h. Kaffis 600 ehf., kt. 481111-0460, sækir um breytingar innanhúss á húsi nr. 102 við Hafnarstræti. Meðfylgjandi eru teikningar eftir Loga Má Einarsson.

Skipulagsstjóri lagði fram eftirfarandi umsókn um byggingarleyfi til umsagnar skipulagsnefndar, sbr. samþykkt bæjarstjórnar frá 7. apríl 2015, þar sem óskað er eftir breytingu á innra skipulagi hússins.

Erindi dagsett 23. mars 2015 þar sem Ingólfur Guðmundsson f.h. Natten ehf., kt. 530199-2319, sækir um breytingar á innra skipulagi og notkun 1. hæðar í húsinu nr. 3 við Ráðhústorg. Meðfylgjandi eru teikningar eftir Loga Má Einarsson.

Skipulagsstjóri lagði fram eftirfarandi umsókn um byggingarleyfi til umsagnar skipulagsnefndar, sbr. samþykkt bæjarstjórnar frá 7. apríl 2015, þar sem óskað er eftir breytingu á innra skipulagi hússins.

Erindi dagsett 30. mars 2015 þar sem Logi Már Einarsson f.h. Hymis ehf., kt. 621292-3589, sækir um breytingar innanhúss á húsi nr. 12 við Strandgötu. Meðfylgjandi er teikning eftir Loga Má Einarsson.

Formaður skipulagsnefndar óskaði eftir umræðu um frekari breytingar á skilmálatexta í kafla 5.3 greinargerðar deiliskipulags 'Miðbæjar Akureyrar' er varðar aðkomu nefndarinnar að umsóknum um byggingarleyfi vegna breytinga á innra skipulagi bygginga.

Tekið fyrir að nýju erindi dagsett 12. janúar 2015 þar sem Halldór Jóhannsson f.h. Bílaklúbbs Akureyrar, kt. 660280-0149, sækir um leyfi til að nýta neðsta hluta lóðar Bílaklúbbsins sem tjaldsvæði og bílastæði á álagstímum vegna viðburða tengdum starfsemi klúbbsins. Einnig er sótt um stöðuleyfi fyrir salernisgámum sem tengdir yrðu við núverandi rotþró. Meðfylgjandi er tillöguuppdráttur dagsettur 11. apríl 2015.

Þann 28. janúar 2015 óskaði skipulagsnefnd eftir nánari upplýsingum um afnot og rekstur tjaldsvæðisins og hvernig kostnaði yrði háttað við framkvæmdirnar.

Innkomið bréf dagsett 10. apríl 2015 með umbeðnum upplýsingum frá Bílaklúbbnum.

Fundargerð dagsett 26. mars 2015. Lögð var fram fundargerð 533. fundar með fullnaðarafgreiðslum erinda. Fundargerðin er í 12 liðum.

Fundargerð dagsett 1. apríl 2015. Lögð var fram fundargerð 534. fundar með fullnaðarafgreiðslum erinda. Fundargerðin er í 4 liðum.

Fundargerð dagsett 9. apríl 2015. Lögð var fram fundargerð 535. fundar með fullnaðarafgreiðslum erinda. Fundargerðin er í 4 liðum.