Velferðarráð

Samfélags- og mannréttindaráð samþykkti á fundi sínum 18. október 2016 að leita eftir tilnefningu velferðarráðs á fulltrúa í stýrihóp um innleiðingu Barnasáttmála Sameinuðu þjóðanna hjá Akureyrarbæ.

Alfa Aradóttir forstöðumaður félagsmiðstöðva Akureyrarbæjar sat fundinn undir þessum lið og kynnti verkefni stýrihópsins.

Lagðar fram tilnefningar frá ÖA, búsetusviði og fjölskyldusviði í starfshópa um velferðartækni hjá hverju sviði.

Lagt fram minnisblað Guðríðar Friðriksdóttur sviðsstjóra umhverfis- og mannvirkjasviðs og Guðrúnar Sigurðardóttur sviðsstjóra fjölskyldusviðs, dagsett 26. janúar 2017 um möguleg kaup bæjarins á Skógarlundi 1, sem er í eigu ríkisins. Jöfnunarsjóður sveitarfélaga hefur með eignina að gera og hefur boðið bænum eignina til kaups.

Lagt fram minnisblað sviðsstjóra búsetusviðs og fjölskyldusviðs, um þörf fyrir búsetuúrræði fyrir einstaklinga með fjölþættan vanda, sem rekast illa í fjölbýli.

Laufey Þórðardóttir verkefnastjóri þjónustu búsetusviðs og Karolína Gunnarsdóttir þjónustustjóri skrifstofu fjölskyldusviðs mættu á fundinn undir þessum lið.

Lögð fram drög að samantekt um reynslu af sumarlokunum á tímabundnum rýmum á árinu 2016.

Samantektin er unnin af Þórdísi Ingu Þorsteinsdóttur félagsráðgjafa sem mætt er á fundinn undir þessum lið.

Megin niðurstöður eru að góð reynsla varðandi mönnun og nýtingu mannafla, sé af sumarlokun að mati þeirra sem rætt var við. Lokunin hefur áhrif, en ekki afgerandi áhrif á notendur eða aðstandendur þeirra, en hefur meiri áhrif á samstarfsaðila s.s. SAk, HSN og heimaþjónustu bæjarins. Fram komu áhyggjur af hvort áhrif yrðu meiri eða önnur ef framhald verði á sumarlokunum.

Friðný B. Sigurðardóttir forstöðumaður stoðþjónustu mætti á fundinn undir þessum lið.

Framkvæmdastjóri ÖA, Halldór S. Guðmundsson og Jón Hrói Finnsson sviðsstjóri búsetusviðs kynntu drög að kynningarriti um þjónandi leiðsögn.

Undirbúningur, þýðingar og textagerð vegna útgáfu kynningarritsins hefur verið í vinnslu samhliða vinnu við alþjóðlegu ráðstefnuna á síðasta ári. Upphaflega átti ritið að vera tilbúið fyrir ráðstefnuna í september 2016 en er nú á lokastigi. Útgáfan er fjármögnuð með auglýsingum og verður ritinu dreift til íslenskra þátttakenda, þeirra sem sóttu ráðstefnuna. Markmið útgáfunnar er að fyrir liggi handhægt fræðsluefni á íslensku fyrir starfsfólk, notendur búsetusviðs og Öldrunarheimila Akureyrar. Ritið mun einnig nýtast í kynningar- og fræðslustarfi beggja sviða.

Í byrjun janúar 2016 hófst rekstur á sameinaðri dagþjálfun með rými fyrir 35 einstaklinga á dag hjá Öldrunarheimilum Akureyrar. Starfsemin var áður dagþjónustan í Víðilundi fyrir 15 manns og dagþjónusta í Hlíð fyrir 20 manns.

Friðný B. Sigurðardóttir forstöðumaður stoðþjónustu sem mætti á fundinn undir þessum lið og Halldór S. Guðmundsson framkvæmdastjóri ÖA kynntu minnisblað varðandi sameiningarferlið.

Þessa breytingu og breytingaferlið, undirbúningur og framkvæmd hefur gengið afar vel. Af því tilefni hefur framkvæmdastjóri þakkað starfsfólki dagþjálfunar og öðrum sem aðstoðuðu við verkefnið, fyrir þeirra hlut í umfangsmiklum breytingum og vel unnin störf.

Sameiningin hefur skilað fjárhagslegum ávinningi og hagræði fyrir Akureyrarkaupstað. Jafnframt hefur sameiningin styrkt og eflt starfsemina í heild og er áherslubreytingin "úr þjónustu í þjálfun" skýrt dæmi um það.

Framkvæmdastjóri ÖA, Halldór S. Guðmundsson og Birna S. Björnsdóttir hjúkrunarfræðingur og verkefnastjóri, sem sat fundinn undir þessum lið, kynntu framvindu við undirbúning að verkefninu.

Framkvæmdasjóður aldraðra veitti styrk til verkefnisins og er ráðgert að 4-7 einstaklingar taki þátt í tilraunaverkefninu nú á vordögum 2017.

Lagt fram minnisblað/samantekt frá framkvæmdastjóra ÖA, Halldóri S. Guðmundssyni, um hagræðingarmöguleika í rekstri Öldrunarheimila Akureyrar á árinu 2017.

Jón Hrói Finnsson sviðsstjóri búsetusviðs kynnti fyrirkomulag eftirlits með þjónustu og gæslu hagsmuna fatlaðs fólks skv. lögum um málefni fatlaðs fólks nr. 59/1992 og lögum um réttindagæslu fyrir fatlað fólk nr. 88/2011.

Á fundi bæjarstjórnar þann 3. janúar sl. voru samþykktir samþykktar fyrir fastanefndir Akureyrarbæjar, þ.m.t. velferðarráð.

Í tengslum við endurskoðun í kjölfar skipulagsbreytinga er óskað eftir athugasemdum velferðarráðs við samþykktina.