Fréttasafn

Lundinn er mættur heim að varpslóðum við Grímsey eftir vetrardvöl á hafi úti og boðar þar með vor við heimskautsbaug.

Nú eru í kynningu drög að tillögu að breytingu á Aðalskipulagi Akureyrar 2018-2030, í samræmi við 2.mgr. 30.gr. skipulagslaga nr. 123/2010.

Frá og með mánudeginum 4. apríl verður skylt að greiða fyrir notkun bílastæða í miðbæ Akureyrar. Undanfarnar vikur hafa verið aðlögunartími þar sem fólki hefur gefist kostur á að kynna sér fyrirkomulagið og tileinka sér notkun smáforrita sem hægt er að nota þegar fólk leggur bílum sínum á fyrirfram skilgreindum svæðum í og við miðbæinn. Allar upplýsingar um breytt fyrirkomulag er að finna á vefsvæði Bifreiðastæðasjóðs.

Miðvikudaginn 30. mars kl. 14 verður haldið í Listasafninu á Akureyri málþing um möguleika á að koma á fót listnámi á háskólastigi á Akureyri.

Miðvikudaginn 30. mars verður opið hús frá kl. 19.30-21.30 á Hótel KEA þar sem verða lagðar fram upplýsingar um mat á umhverfisáhrifum vegna Blöndulínu 3 sem mun liggja á milli Blöndustöðvar og Akureyrar.

Allur aprílmánuður verður helgaður Barnamenningarhátíð á Akureyri sem nú er haldin í fimmta sinn. Síðustu tvö ár hefur Covid-19 sett mark sitt á hátíðina og hún verið í hálfgerðu skötulíki vegna farsóttarinnar. Nú er markið hins vegar sett hátt og yfir þrjátíu viðburðir verða á dagskrá. Fjöldi skóla og einstaklinga tekur þátt í hátíðinni með spennandi listasmiðjum, tónleikum og sýningum víðsvegar um bæinn, fyrir börn og ungmenni og alla þá sem vilja gleðjast með unga fólkinu.

Á fimmtudaginn kl 8.30-16 verður framkvæmdaáætlun um stefnu Íslands í málefnum norðurslóða rædd á opnum fundi sem fer fram í Háskólanum á Akureyri og á fjarfundi. Fundurinn er haldinn af utanríkisráðuneytinu og Norðurslóðarneti Íslands. Áhugafólk um norðurslóðamál er hvatt til þess að taka þátt.

Akureyrarbær hefur lýst yfir stuðningi við úkraínsku þjóðina í þeim hörmungum sem nú dynja yfir eftir innrás Rússa. Sveitarfélagið lýsir sig reiðubúið til að taka á móti fólki frá Úkraínu.

Upphátt, upplestrarkeppni grunnskólanna á Akureyri, fór fram í Kvosinni í Menntaskólanum á Akureyri í gær. Þetta er í fyrsta sinn sem hátíðin er haldin undir þessu heiti en undanfarið tuttugu og eitt ár hefur hún verið haldin undir heitinu Stóra upplestrarkeppnin. Nemendur úr 7. bekk grunnskóla bæjarins tóku þátt í keppninni.

Ráðhúsi Akureyrarbæjar, Geislagötu 9, verður lokað kl. 13 á morgun föstudag vegna fræðsluferðar starfsfólks.

Akureyrarbær stóð nýverið fyrir úttekt á gervigrasinu í Boganum. Tilgangurinn var að fá óháðan aðila til að meta ástand gervigrasvallarins og hvort gæði væru í samræmi við kröfur Alþjóðaknattspyrnusambandsins (FIFA).