Listasafn - endurbætur 2014

FA leggur fram beiðni um tilnefningu nefndarmanns í verkefnislið vegna endurbóta við Listasafnið.

Skipun fulltrúa stjórnar Akureyrarstofu í verkefnislið vegna endurbóta á húsi Listasafnsins.

Tilnefning nefndarmanns í verkefnislið vegna endurbóta á Listasafninu.

Farið yfir stöðuna á verkefninu og kynntur hugarflugsfundur um framtíðarsýn Listasafnsins sem haldinn verður í næstu viku.

Lagt fram til kynningar minnisblað dagsett 6. maí 2015 vegna hugarflugsfundar um framtíðarsýn Listasafnsins sem haldinn var í Ketilhúsinu 22. apríl 2015.

Listasafn - endurbætur.
Lagt fram til kynningar minnisblað Fasteigna Akureyrarbæjar dagsett 7. maí 2015.

Steinþór Kári Kárason hönnuður hjá Kurt og Pí kynnti frumtillögur að breytingum á Listasafninu.

Lagt fram minnisblað dagsett 10. nóvember 2015 frá Fasteignum Akureyrarbæjar með svörum vegna bókunar Njáls Trausta Friðbertssonar D-lista við 2. dagskrárlið 269. fundar stjórnar Fasteigna Akureyrarbæjar. Þar kemur fram að áætlað er að húsaleiga Listasafnsins muni hækka um 33 milljónir króna á ári miðað við 400 milljóna króna fjárfestingu.

Farið yfir fyrirhugaðar framkvæmdir á Listasafninu.
Guðríður Friðriksdóttir framkvæmdastjóri Fasteigna Akureyrarbæjar mætti á fund bæjarráðs undir þessum lið.
Einnig sat Dan Jens Brynjarsson fjármálastjóri fundinn undir þessum lið.

Guðríður Friðriksdóttir framkvæmdastjóri Fasteigna Akureyrarbæjar og Hlynur Hallsson forstöðumaður Listasafnsins á Akureyri mættu á fundinn og fóru yfir fyrirhugaðar endurbætur á húsnæði Listasafnsins.

Lagður fram til kynningar hönnunarsamningur við Kurt og Pí ehf dagsettur 3. desember 2015.
Inga Þöll Þórgnýsdóttir bæjarlögmaður sat fundinn undir þessum lið.

Lagðar fram niðurstöður verðkannana fyrir lagna- og loftræstihönnun og raflagnahönnun.

Lagt fram til kynningar minnisblað um mögulegar breytingar á rekstrarkostnaði Listasafnsins eftir að endurbótum á því verður lokið.

Lagt fram minnisblað vegna framkvæmdanna dagsett 1. febrúar 2017.

Lögð fram tilboð sem bárust í framkvæmdir við endurbætur á Listasafninu á Akureyri:

BB byggingar

589.119.100
133,1%

ÁK smíði

551.975.213
124,7%

Kostnaðaráætlun

442.471.731
100%



Listasafnið á Akureyri opnaði 29. ágúst 1993 í Kaupvangsstræti 12 þar sem áður var Mjólkursamlag KEA. Húsið á sér langa sögu og er sterkt í bæjarmyndinni. Húsnæðið er á fimm hæðum og um 2.200 m² að stærð.

Í dag er Listasafnið á Akureyri rekið í hluta húsnæðis Mjólkursamlagsins og í Ketilhúsinu. Lengi hefur staðið til að taka aðrar hæðir hússins undir starfsemi Listasafnsins en þær hafa verið í lítilli notkun vegna ástands húsnæðisins.

Í dag uppfyllir húsnæðið ekki kröfur um eldvarnir, heilbrigðismál og aðgengismál og þarf m.a. að endurnýja allar vatns- og raflagnir og loftræstikerfi.

Ljóst er að ráðast þarf í gagngerar endurbætur á húsnæðinu til að það uppfylli kröfur sem gerðar eru til húsnæðis listasafns gagnvart reglugerðum, rekstraraðilum og notendum.

Einnig þarf að horfa til þess að þær framkvæmdir sem eru á áætlun eru að stórum hluta uppsafnað viðhald á húsnæðinu sem nauðsynlegt er að ráðast í til að það verði ekki fyrir skemmdum og að lokum jafnvel ónothæft. Tengigangur á milli Mjólkursamlags og Ketilhúss stuðlar að hagræðingu fyrir rekstur Listasafnsins og eykur möguleika í starfsemi þess til muna.

Ætlunin er að í Listasafninu og umhverfi þess verði til manngerður áningarstaður fyrir ferðamenn.

Guðríður Friðriksdóttir sviðsstjóri umhverfis- og mannvirkjasviðs og Hlynur Hallsson forstöðumaður Listasafnsins mættu á fundinn undir þessum lið.

Lagt fram minniblað um breytingar á kostnaði v/tilboðs í framkvæmdir við Listasafn ásamt undirrituðum verksamningi.

Einnig var lögð fram endurskoðuð áætlun vegna framtíðarreksturs safnsins að loknum framkvæmdum.

Lagður fram verksamningur við ÁK smíði ehf um framkvæmdir við Listasafnið.



Í upphafi þessa dagskrárliðar vakti Þorsteinn Hlynur Jónsson Æ-lista á því athygli að hann teldi sig vanhæfan að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir umhverfis- og mannvirkjaráð og var það samþykkt með 5 samhljóða atkvæðum.

Þorsteinn Hlynur Jónsson Æ-lista vék af fundi við umræðu og afgreiðslu málsins.

Lagður fram listi vegna kaupa á stofnbúnaði fyrir Listasafnið.

Lögð fram stöðuskýrsla 1 vegna framkvæmdanna dagsett 30. nóvember 2017.

Fundurinn hófst á skoðunarferð um Listasafnið.

Hlynur Hallsson safnstjóri fór yfir stöðu framkvæmda og sýndi stjórnarmönnum húsnæðið.

Lögð fram stöðuskýrsla dagsett 14. mars 2018 vegna framkvæmda við Listasafnið.

Farið var í skoðunarferð á framkvæmdastað.

Lögð fram stöðuskýrsla vegna framkvæmda við Listasafnið.

Sigurður Gunnarsson starfsmaður umhverfis- og mannvirkjasviðs sat fundinn undir þessum lið.

Gunnar Gíslason D-lista óskaði eftir eftirfarandi bókun.

Ég óska eftir því að lagðar verði fram upplýsingar á næsta fundi ráðsins þar sem fram kemur sá kostnaður við framkvæmdir í Listasafninu sem færðar hafa verið á viðhald og koma því ekki fram í framlagðri stöðuskýrslu, ásamt helstu verkþáttum sem teljast vera viðhald í þessum framkvæmdum.