Umhverfis- og mannvirkjaráð

4. fundur 16. febrúar 2017 kl. 13:00 - 16:00 Fundarherbergi FAK
Nefndarmenn
  • Ingibjörg Ólöf Isaksen formaður
  • Eiríkur Jónsson
  • Sæbjörg Sylvía Kristinsdóttir
  • Gunnar Gíslason
  • Þorsteinn Hlynur Jónsson
  • Hermann Ingi Arason áheyrnarfulltrúi
Starfsmenn
  • Guðríður Friðriksdóttir sviðsstjóri umhverfis- og mannvirkjasviðs
  • Dóra Sif Sigtryggsdóttir fundarritari
Fundargerð ritaði: Dóra Sif Sigtryggsdóttir skrifstofustjóri
Dagskrá

1.Stígur meðfram Drottningarbraut

2011100134

Arnar Birgir Ólafsson landslagsarkitekt frá Teiknistofu Norðurlands og Tómas Björn Hauksson forstöðumaður nýframkvæmda sátu fundinn undir þessum lið og fóru yfir stöðuna á framkvæmdum við fjörustíginn við Drottningarbraut. Einnig var lögð fram kynning ásamt kostnaðaráætlun dagsett 16. febrúar 2017 vegna þeirra verka sem eftir eru til að ljúka framkvæmdum við stíginn.
Umhverfis- og mannvirkjaráð felur sviðsstjóra að forgangsraða þeim verkum sem eftir eru til að ljúka framkvæmdum við stíginn.

2.Glerárdalur - leyfi fyrir þyrluskíðaferðum í fólkvanginum

2016120037

Lögð fram ódagsett beiðni frá Bergmönnum ehf um leyfi fyrir þyrluskíðaferðum í fólkvanginum á Glerárdal ásamt beiðni Umhverfisstofnunar um afstöðu Akureyrarbæjar til málsins dagsett 7. febrúar 2017.
Umhverfis- og mannvirkjaráð samþykkir beiðni frá Bergmönnum ehf um leyfi fyrir þyrluskíðaferðum á Glerárdal. Ráðið gerir fyrirvara um að farið verði eftir reglugerðum er gilda um vatnsverndarsvæði og að leyfið verði veitt tímabundið til eins árs.

Hermann Ingi Arason V-lista óskar bókað: VG leggst alfarið gegn því að þyrluflug verði heimilað um fólkvanginn á Glerárdal.

3.Reiðleiðir í landi Akureyrarbæjar

2017020055

Lögð fram fundargerð dagsett 9. febrúar 2017 þar sem fulltrúar Akureyrarbæjar og Hestamannafélagsins Léttis ræddu um reiðleiðir í landi Akureyrarbæjar.
Meirihluti umhverfis- og mannvirkjaráðs samþykkir tillögu B að nýjum reiðstíg samkvæmt framlögðum gögnum.

Þorsteinn Hlynur Jónsson Æ-lista sat hjá við afgreiðslu.

4.SVA - sala auglýsinga á strætisvagna í eigu Akureyrarbæjar

2017020079

Rætt um sölu auglýsinga á strætisvagna í eigu Akureyrarbæjar.
Umhverfis- og mannvirkjaráð felur sviðsstjóra að móta reglur og verðskrá um auglýsingar á strætisvagna í eigu Akureyrarbæjar og leggja fyrir næsta fund.

5.Listasafn - endurbætur

2014010168

Lagt fram minnisblað vegna framkvæmdanna dagsett 1. febrúar 2017.
Meirihluti umhverfis- og mannvirkjaráðs samþykkir að framkvæmdir við endurbætur á Listasafninu verði settar í útboð.



Gunnar Gíslason D-lista greiddi atkvæði á móti og óskar bókað:

Það vekur furðu mína hve kostnaðaráætlun hefur hækkað mikið, eða um 140 milljónir, þar sem fullyrt var af meirihlutanum á sínum tíma að kostnaðurinn yrði ekki hærri en 400 milljónir. Þessi niðurstaða styrkir þá skoðun mína að ekki eigi að tengja Mjólkusamlagið við Ketilhúsið. Með því að falla frá þeirri áætlun má lækka árlegan rekstrarkostnað vegna fasteigna um tug ef ekki tvo tugi milljóna sem ég myndi miklu frekar vilja sjá í auknu listastarfi í bænum.

6.Eignir Akureyrarbæjar - framtíðarsýn

2017010239

Lagðar fram fundargerðir vinnuhóps um framtíðarsýn eigna Akureyrarbæjar dagsettar 12. desember 2016, 9. janúar og 9. febrúar 2017.
Umhverfis- og mannvirkjaráð samþykkir að almenningssalernin við Kaupvangsstræti og húseignin Hafnarstræti 73-75 verði sett í söluferli. Einnig er samþykkt að sótt verði um leyfi til að rífa hlöðuna að Naustum.
Hermann Ingi Arason V-lista vék af fundi kl. 15:30.

7.Hafnarstræti 28 104 - kaup á íbúð

2017020090

Lagt fram samþykkt kauptilboð í Hafnarstræti 28 104.
Umhverfis- og mannvirkjaráð samþykkir kauptilboðið og vísar því til samþykktar í bæjarráði.

8.Norðurorka - samstarf vegna fasteignaleigu í Orkugarði

2017020028

Lögð fram til kynningar yfirlýsing Akureyrarbæjar um samstarf við Norðuorku um fasteignaleigu í Orkugarði dagsett 6. febrúar 2017.

9.Umhverfis- og mannvirkjasvið - sameiningarferli

2017010126

Farið yfir stöðuna á sameiningarferlinu.

10.Verkfundargerðir 2017

2017010343

Eftirfarandi verkfundargerðir lagðar fram á fundinum:

Sundlaug Akureyrar: 6. verkfundur dagsettur 1. febrúar 2017.

Fundi slitið - kl. 16:00.