Bæjarráð

Unnið að gerð fjárhagsáætlunar.

Ásthildur Sturludóttir bæjarstjóri, Kristín Baldvinsdóttir forstöðumaður hag- og áætlanadeildar og bæjarfulltrúarnir Andri Teitsson, Eva Hrund Einarsdóttir, Gunnfríður Elín Hreiðarsdóttir og Þórhallur Jónsson sátu fund bæjarráðs undir þessum lið.

Liður 1 í fundargerð stjórnar Hlíðarfjalls dagsettri 22. september 2021:

Á fundi stjórnar þann 1. september sl. var starfsmönnum falið að forgangsraða endurnýjun á búnaði og leggja fram áætlun um fjármögnun.

Stjórn Hlíðarfjalls samþykkir að óska eftir viðauka að upphæð kr. 7.000.000 sem yrði tekinn af rekstri ársins 2021 og færður yfir á eignfærða fjárfestingu.

Rætt um drög að gjaldskrá Hlíðarfjalls.

Liður 2 í fundargerð velferðarráðs dagsettri 22. september 2021:

Lögð fram drög að endurnýjun samnings um sameiginlegt þjónustusvæði í Eyjafirði um þjónustu við fatlað fólk.

Halldóra Kristín Hauksdóttir lögfræðingur velferðarsviðs sat fundinn undir þessum lið.

Velferðarráð samþykkir samninginn og vísar málinu til bæjarstjórnar.

Liður 4 í fundargerð fræðsluráðs dagsettri 4. október 2021:

Seinni umræða um ósk um viðauka vegna móttöku flóttamanna í leik- og grunnskólum.

Fræðsluráð samþykkir erindið samhljóða og vísar því til bæjarráðs.

Erindi dagsett 30. september 2021 frá Sambandi íslenskra sveitarfélaga varðandi hugmynd Húsnæðis- og mannvirkjastofnunar um að setja á fót húsnæðissjálfseignarstofnun er starfi á landsbyggðinni. Óskað er eftir að Akureyrarbær taki afstöðu til hugmyndarinnar og upplýsi sambandið um hana fyrir lok október.

Erindi dagsett 17. september 2021 þar sem Karl Björnsson framkvæmdastjóri Sambands íslenskra sveitarfélaga kynnir að sambandið hafi fengið styrk úr Jöfnunarsjóði sveitarfélaga til að styðja við innleiðingu heimsmarkmiða Sameinuðu þjóðanna í sveitarfélögum á grundvelli verkfærakistu um heimsmarkmiðin fyrir sveitarfélög sem kom út í maí 2021.

Umsóknir sveitarfélaga sem óska eftir þátttöku skulu hafa borist fyrir 15. október nk.

Erindi dagsett 23. september 2021 frá Sigríði Hrefnu Pálsdóttur, fyrir hönd Skógræktarfélags Eyfirðinga, þar sem félagið óskar eftir 15 milljóna króna styrk fyrir nýjum snjótroðara í Kjarnaskógi.

Erindi dagsett 1. október 2021 þar sem Hrannar Björn Arnarsson framkvæmdastjóri ADHD samtakanna óskar eftir samstarfi við Akureyrarbæ um aukna fræðslu og þjónustu í sveitarfélaginu, um ADHD og fyrir fólk með ADHD. Samstarfið gæti verið í formi reglulegs námskeiðahalds fyrir starfsmenn bæjarins sem vinna með börnum með ADHD eða beins styrks við starfsemi ADHD samtakanna á Akureyri. Óskað er eftir styrk að upphæð allt að kr. 1.000.000.

Lagt fram til kynningar erindi dagsett 29. september 2021 þar sem Herdís Ingvadóttir formaður Sjálfsbjargar félags fatlaðra á Akureyri og nágrenni kemur á framfæri eftirfarandi ályktun stjórnar félagsins:

Stjórn Sjálfsbjargar beinir þeim tilmælum til bæjarráðs Akureyrar, að fylgja eftir aðgengismálum fyrir fatlaða við skipulag og hönnun á viðbyggingu og lóð við KA húsið og fara að lögum um aðgengi fyrir alla við framkvæmdirnar.

Lagðar fram til kynningar fundargerðir 264. fundar og 265. fundar stjórnar Norðurorku hf. dagsettar 10. ágúst 2021 og 17. september 2021.

Erindi dagsett 6. október 2021 frá samgöngu- og sveitarstjórnarráðuneytinu þar sem drög að nýrri reglugerð um Jöfnunarsjóð sveitarfélaga eru lögð fram til umsagnar. Í drögunum eru gerðar breytingar á útreikningum tekjujöfnunarframlaga og efni gildandi reglugerðar nr. 1088/2018.

Umsögn skal skilað í samráðsgátt fyrir lok dags 20 október nk. á slóðinni: https://samradsgatt.island.is/oll-mal/$Cases/Details/?id=3058

Lagt fram til kynningar bréf móttekið 29. september 2021 frá formanni kjörstjórnar Akureyrarbæjar, Helgu G. Eymundsdóttur. Í bréfinu kemur fram að í alþingiskosningunum sem fram fóru þann 25. september sl. hafi kjörfundur hafist á öllum kjörstöðum Akureyrarbæjar kl. 09:00 og lauk fundi kl. 22:00 á Akureyri, kl. 11:00 í Grímsey og kl. 18:00 í Hrísey. Á kjörskrá voru 14.370 en á kjörstað á kjördag kusu 8.199. Utan kjörfundar greiddu atkvæði 3.201 þannig að samtals greiddu 11.400 atkvæði og kosningaþátttakan 79,33% sem er aðeins minni en í alþingiskosningum 2017 en þá var kjörsókn 81,58%. Sem endranær er ástæða til að hrósa starfsfólki á kjörstað sérstaklega fyrir þeirra framlag til kosninganna en að venju var fumlaus framkoma þeirra og ósérhlífni við undirbúning lykill að vel heppnaðri framkvæmd kosninganna.