Skipulagsráð

Samkvæmt ákvæði 1. mgr. 35. gr. skipulagslaga nr. 123/2010 skal að loknum sveitarstjórnarkosningum meta hvort að ástæða sé til að endurskoða gildandi aðalskipulag. Skal ákvörðun sveitarstjórnar liggja fyrir innan 12 mánaða frá kosningum og skal niðurstaðan tilkynnt Skipulagsstofnun jafnskjótt og hún liggur fyrir. Í gildi er Aðalskipulag Akureyrar 2018-2030 sem samþykkt var í bæjarstjórn 6. mars 2018 og tók gildi með auglýsingu í B-deild Stjórnartíðinda þann 14. maí 2018.

Á fundi skipulagsráðs 29. ágúst sl. var kynnt samantekt Teiknistofu Arkitekta sem kallast "Stöðumat á Hagahverfi" þar sem meðal annars eru lagðar fram nokkrar tillögur að breytingu á deiliskipulagi hverfisins. Var samþykkt að fela sviðsstjóra skipulagssviðs að taka saman tillögur að breytingum á deiliskipulagi í samræmi við umræður á fundinum.



Er nú lögð fram tillaga skipulagsráðgjafa að breytingum á skilmálum sem varða ákvæði í kafla 3.3.8 um bílastæðafjölda, ákvæði í kafla 3.3.1 um staðsetningu svefnherbergja við svalaganga, ákvæði í kafla 3.25 um frágang lóða og að lokum ákvæði í kafla 3.3.1 um lóðarfrágang.

Lögð fram að lokinni auglýsingu skv. 1. mgr. 41. gr. skipulagslaga tillaga að breytingu á deiliskipulagi Akureyrarflugvallar sem felst í að girðing við suðurenda flugbrautar er framlengd til austur út að Eyjafjarðará sem felur í sér að lega reiðleiðar/gönguleiðar er sveigð til austurs yfir Eyjarfjarðará til samræmis við gildandi aðalskipulag sveitarfélagsins. Tillagan var auglýst frá 15. ágúst til 26. september og hafa borist umsagnir frá Minjastofnun, Norðurorku og Óshólmanefnd. Sveitarstjórn Eyjafjarðarsveitar frestaði afgreiðslu á umsagnarbeiðni.

Erindi móttekið 28. september 2018 þar sem Jón Sigurður Þorsteinsson, kt. 050954-5449, og Semíramis Ana Weando, kt. 270566-2519, leggja inn fyrirspurn hvort heimild fáist til að byggja við Þingvallastræti 40. Meðfylgjandi er samþykki nágranna, teikning og loftmynd.

Erindi dagsett 2. október 2018 þar sem Gunnar H. Gunnarsson fyrir hönd Norðurorku, kt. 550978-0169, sækir um nýja lóð fyrir spennistöð við Ásatún, meðfylgjandi eru tillögur.

Lögð fram að nýju tillaga að breytingu á deiliskipulagi Hagahverfis sem nær til lóðarinnar Margrétarhagi 1. Á fundi skipulagsráðs 29. ágúst sl. var breytingartillagan tekin fyrir að lokinni grenndarkynningu. Sex athugasemdabréf bárust á kynningartíma og var málið afgreitt með þeim hætti að skipulagsráð tók undir innkomnar athugasemdir og hafnaði því að breyta deiliskipulagi í samræmi við fyrirliggjandi beiðni lóðarhafa. Á fundi bæjarráðs þann 26. september 2018 var samþykkt beiðni umsækjanda um endurupptöku málsins á grundvelli þess að ráðið hafi ekki tekið afstöðu til alls þess sem fyrir lægi í málinu og var málinu vísað til skipulagsráðs til nýrrar ákvörðunar.

Er deiliskipulagsbreytingin því lögð fram að nýju ásamt innkomnum athugasemdum. Til viðbótar er lagt fram bréf umsækjanda dagsett 7. september 2018 ásamt uppdráttum sem sýna þrívíddarmynd af fyrirhuguðu húsi, skuggavarpi og sniði. Einnig er lagt fram bréf Ingólfs Freys Guðmundssonar dagsett 27. september 2018 fyrir hönd umsækjanda þar sem óskað er eftir því að fallið verði frá ákvæði deiliskipulagsbreytingar um að hækka vegghæð úr 7,7m í 8,4m. Þá er lögð fram tillaga sviðsstjóra skipulagssviðs að umsögn um innkomnar athugasemdir.

Preben Pétursson, kt. 290766-4439, mætti í viðtalstíma bæjarfulltrúa. Óskar hann eftir því að hús númer 23, 25, 27a og 27b við Brekkugötu verði endurnúmeruð í 21, 23, 25 og 27 það er mögulegt þar sem ekkert hús ber númerið 21. Hann býr í húsi númer 27b og verður fyrir töluverðum óþægindum vegna þess að bæði húsin bera sama númer.

Erindi dagsett 27. september 2018 þar sem Baldur Helgi Benjamínsson, kt. 251273-3409, leggur til að nafni Sunnutraðar á Akureyri verði breytt þar sem gatan Sunnutröð er einnig á Hrafnagili en sú gata er eldri og með 36 íbúum með lögheimili á meðan enginn er með lögheimili á Sunnutröð á Akureyri.

Á fundi skipulagsráðs 15. febrúar 2017 var tekið fyrir erindi Prima lögmanna fyrir hönd eigenda Hafnarstrætis 88 varðandi bílastæði og aðgengi að lóðinni. Var skipulagssviði falið að leita lausna í málinu. Er nú lögð fram tillaga að breytingu á deiliskipulagi sem felst í að bætt er við tveimur bílastæðum á svæði bæjarins milli lóða 86 og 88.

Lögð fram kæra Ásgeirs Arnars Blöndal, Pacta lögmönnum dagsett 1. október 2018 til úrskurðarnefndar umhverfis- og auðlindamála, fyrir hönd Páls I. Sigurjónssonar, þar sem kærð er ákvörðun bæjarstjórnar Akureyrarbæjar þann 4. september 2018 um að samþykkja breytingu á deiliskipulagi Klettaborgar.

Lagt fram að nýju erindi dagsett 3. september 2018 þar sem Búvís ehf., kt. 590106-1270, sækir um lóð nr. 2 við Grímseyjargötu. Meðfylgjandi er yfirlýsing viðskiptabanka auk upplýsinga um byggingaráform.

Lagt fram að nýju erindi dagsett 19. september 2018 þar sem Bjarni Sigurðsson fyrir hönd VN fasteigna ehf., kt. 611107-0480, sækir um lóð nr. 2 við Grímseyjargötu. Meðfylgjandi er yfirlýsing viðskiptabanka auk upplýsinga um byggingaráform.

Lagt fram að nýju erindi dagsett 19. september 2018 þar sem Bjarni Sigurðsson fyrir hönd Da ehf., kt. 500707-1510, sækir um lóð nr. 2 við Grímseyjargötu. Meðfylgjandi er yfirlýsing viðskiptabanka auk upplýsinga um byggingaráform.

Lagt fram að nýju erindi dagsett 19. september 2018 þar sem Bjarni Sigurðsson fyrir hönd VN fasteigna ehf., kt. 611107-0480, sækir um lóð nr. 51 við Gránufélagsgötu. Meðfylgjandi er yfirlýsing viðskiptabanka auk upplýsinga um byggingaráform.

Lagt fram að nýju erindi dagsett 19. september 2018 þar sem Bjarni Sigurðsson fyrir hönd Da ehf., kt. 500707-1510, sækir um lóð nr. 51 við Gránufélagsgötu. Meðfylgjandi er yfirlýsing viðskiptabanka auk upplýsinga um byggingaráform.

Lagtf fram að nýju erindi dagsett 3. september 2018 þar sem Búvís ehf., kt. 590106-1270, sækir um lóð nr. 51 við Gránufélagsgötu. Meðfylgjandi er yfirlýsing viðskiptabanka auk upplýsinga um byggingaráform.

Tekið fyrir erindi frá Ragnari Sverrissyni, kt. 260249-2319, sem kom í viðtalstíma bæjarfulltrúa. Hann kom sem formaður Kaupmannasamtakanna og óskaði eftir því að nýja stæðið við Gránufélagsgötu verði skilgreint sem fyrst sem tveggja tíma stæði. Benti á að það eru bílastæði við íþróttavöllinn sem geta nýst starfsmönnum miðbæjarins en að þetta stæði ætti að vera fyrir viðskiptavini. Teikning fylgir málinu.