Skipulagsnefnd

Fram haldið umræðu um tillögu skipulagsstjóra að skipulagslýsingu fyrir Aðalskipulag Akureyrar 2018-2030.

Rammahluti aðalskipulags fyrir Oddeyrina er unnin af Lilju Filippusdóttur hjá Teiknistofu arkitekta sem kom á fundinn ásamt Árna Ólafssyni og kynntu þau stöðu vinnunnar.

Tillaga að deiliskipulagi var auglýst frá 22. desember 2015 með athugasemdafresti til 3. febrúar 2016. Auglýsingar birtust í Lögbirtingablaði og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.

Engin athugasemd barst.

Sex umsagnir bárust:

1) Kirkjugarðar Akureyrar, dagsett 8. janúar 2016.

Engin athugasemd er gerð.

2) Heilbrigðiseftirlit Norðurlands eystra, dagsett 2. febrúar 2016.

Engin athugasemd er gerð.

3) Lögmannshlíðarsókn, dagsett 2. febrúar 2016.

Engin athugasemd er gerð.

4) Norðurorka, dagsett 4. febrúar 2016.

Norðurorka telur sig hafa komið fram með þær athugasemdir sem þörf er á.

5) Kirkjugarðaráð, dagsett 1. febrúar 2016.

Engin athugasemd er gerð. Bent er á að ef skipulag hefur í för með sér breytingar á umhverfi og/eða aðkomu að kirkju og kirkjugarði, er nauðsynlegt að samráð sé haft við viðkomandi sóknarnefnd/kirkjugarðsstjórn.

6) Minjastofnun Íslands, dagsett 3. febrúar 2016.

Bæjarstæði Lögmannshlíðar lendir innan fyrirhugaðs framkvæmdasvæðis. Nákvæm staðsetning og útmörk bæjarstæðisins eru óljós. Rannsókna er þörf áður en til framkvæmda kemur. Þar sem langur tími gæti liðið þar til framkvæmdir á umræddu svæði hefjast getur Minjastofnun fallist á að afmarkað verði "hættusvæði" á skipulagsuppdrátt sem tryggi það að framkvæmdir eða gróðursetning trjáa fari ekki fram á umræddu svæði án nauðsynlegra rannsókna og samráðs við þjóðminjavörsluna. Með þessu væri verið að fresta rannsóknum þar til síðar og niðurstaða þeirra gæti kallað á breytingar á skipulaginu.

Tillaga að breytingu á deiliskipulagi var grenndarkynnt frá 15. janúar 2016 og lauk henni með undirskriftum allra sem hana fengu þann 26. janúar 2016.

Skoðun á umferðaröryggi og aðgengi við grunnskóla Akureyrar. Verkfræðistofan EFLA á Akureyri skilaði skýrslu, dagettri 8. maí 2014, síðast uppfærð 1. febrúar 2015. Kristinn Magnússon og Rúna Ásmundsdóttir fulltrúar Eflu mættu á fundinn og kynntu skýrsluna.

Breyting á deiliskipulagi var auglýst frá 22. desember 2015 með athugasemdafresti til 3. febrúar 2016. Auglýsingar birtust í Lögbirtingablaði og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.

Tvær athugasemdir bárust:

1) Miðbæjarsamtökin á Akureyri, dagsett 29. janúar 2016.

Alfarið er lagst gegn því að bílastæðum í miðbænum fækki frá því sem nú er. Ekki hugnast þeim að stækka bílastæðin neðan við Leikhúsið til að koma til móts við bílastæðaþörf. Ef þessi tillaga verður samþykkt þá er komið fordæmi fyrir að sleppa, eða minnka verulaga fjölda bílastæða á reitnum austan Skipagötu. Það geta rekstraraðilar í miðbæ Akureyrar aldrei sætt sig við.

2) Gunnar Magnússon, dagsett 4. febrúar 2016.

Götur norðan og vestan við Hafnarstræti 80 ættu frekar að vera einstefnugötur til að fá þar aukin bílastæði. Einnig mætti Austurbrú vera einstefna í suður og fjölga þar bílastæðum næst húsunum sem þar standa. Með því að breyta þessum götum í einstefnugötur mun slysahætta líka minnka.

Til að leysa að hluta til þessi bílastæðamál þarf að fjölga umtalsvert bílastæðum sunnan við Hafnarstræti 80, allt að ca. 100 stæði eða jafnvel meira.



Ein umsögn barst.

Norðurorka, dagsett 5. febrúar 2016. Engin athugasemd er gerð.



Íbúafundur var haldinn þann 28. janúar 2016 þar sem tillaga að skipulaginu var kynnt almenningi.

Erindi dagsett 18. september 2015 þar sem Haraldur Árnason f.h. Úrbótarmanna ehf., kt. 410683-0599, sækir um breytta staðsetningu á rotþró fyrir frárennsli húsa við Götu sólarinnar. Skipulagsnefnd heimilaði umsækjanda þann 30. september 2015 að leggja fram tillögu að breytingu á deiliskipulagi. Tillagan er dagsett 15. desember 2015 og unnin af Steinmari H. Rögnvaldssyni hjá H.S.Á. Teiknistofu.

Erindi dagsett 20. janúar 2016 þar sem Fanney Hauksdóttir f.h. Morgunhana ehf., kt. 441105-0880, sendir inn fyrirspurn vegna breytinga á útliti og hæð hússins nr. 71 við Hafnarstræti. Meðfylgjandi er teikning eftir Fanneyju Hauksdóttur.

Erindi dagsett 27. janúar 2016 þar sem Ingólfur Guðmundsson f.h. Hölds ehf., kt. 651175-0239, sendir inn fyrirspurn vegna hækkunar hússins nr. 12 við Tryggvabraut um eina hæð. Meðfylgjandi er fyrirspurnarteikning.

Lagður fram tölvupóstur Guðröðar Hákonarsonar dagsettur 27. janúar 2016 þar sem hann f.h. Hildibrand slf., kt. 431012-0490, óskar eftir að fundin verði staðsetning fyrir grillbíl í Miðbæ Akureyrar.

Skipulagsstjóri vísaði erindinu til afgreiðslu skipulagsnefndar.

Lagt fram bréf Skipulagsstofnunar dagsett 4. desember 2015 þar sem óskað er eftir umsögn Akureyrarbæjar varðandi það hvort ákvæði 2. mgr. 5. gr. laga nr. 106/2000 um mat á umhverfisáhrifum framkvæmda séu uppfyllt þannig að Skipulagsstofnun geti tekið ákvörðun um hvort ráðast þurfi í sameiginlegt mat Sprengisandslínu og fleiri framkvæmda henni tengdri. Lagður fram tölvupóstur Skipulagsstofnunar dagsettur 4. febrúar 2016 þar sem umsagnarbeiðnin er ítrekuð.

Erindi dagsett 14. janúar 2016 þar sem Lýður Hákonarson f.h. L & S verktaka ehf., kt. 680599-2629, sækir um lóð nr. 1 við Matthíasarhaga fyrir fjögurra íbúða hús. Meðfylgjandi er staðfesting viðskiptabanka. Innkomin fyrirspurn 3. febrúar 2016 vegna breytingar á deiliskipulagi við Matthíasarhaga 1.

Fundargerð dagsett 14. janúar 2016. Lögð var fram fundargerð 570. fundar með fullnaðarafgreiðslum erinda. Fundargerðin er í 9 liðum.

Fundargerð dagsett 21. janúar 2016. Lögð var fram fundargerð 571. fundar með fullnaðarafgreiðslum erinda. Fundargerðin er í 8 liðum.

Fundargerð dagsett 28. janúar 2016. Lögð var fram fundargerð 572. fundar með fullnaðarafgreiðslum erinda. Fundargerðin er í 2 liðum.