Bæjarráð

3413. fundur 15. maí 2014 kl. 09:00 - 11:50 Bæjarstjórnarsalur á 4. hæð í Ráðhúsi
Nefndarmenn
  • Halla Björk Reynisdóttir formaður
  • Oddur Helgi Halldórsson
  • Tryggvi Þór Gunnarsson
  • Anna Hildur Guðmundsdóttir
  • Logi Már Einarsson
  • Andrea Sigrún Hjálmsdóttir áheyrnarfulltrúi
  • Guðmundur Baldvin Guðmundsson áheyrnarfulltrúi
  • Njáll Trausti Friðbertsson áheyrnarfulltrúi
Starfsmenn
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá
Tryggvi Þór Gunnarsson L-lista mætti í forföllum Geirs Kristins Aðalsteinssonar.
Anna Hildur Guðmundsdóttir A-lista mætti í forföllum Sigurðar Guðmundssonar.
Njáll Trausti Friðbertsson D-lista mætti í forföllum Ólafs Jónssonar.

1.Nökkvi félag siglingamanna á Akureyri - uppbyggingarsamningur 2014-2018

2014010269

12. liður í fundargerð íþróttaráðs dags. 10. apríl 2014:
Drög að uppbyggingar- og framkvæmdasamningi við Nökkva félag siglingamanna á Akureyri lögð fram.
Íþróttaráð samþykkir drög að uppbyggingar- og framkvæmdasamningi við Nökkva og vísar honum til bæjarráðs.
Katrín Björg Ríkarðsdóttir framkvæmdastjóri samfélags- og mannréttindadeildar og Ellert Örn Erlingsson forstöðumaður íþróttamála mættu á fund bæjarráðs undir þessum lið.

Bæjarráð frestar afgreiðslu til næsta fundar.

2.Skátafélagið Klakkur - uppbyggingarsamningur 2014-2018

2014010268

1. liður í fundargerð samfélags- og mannréttindaráðs dags. 23. apríl 2014:
Drög að uppbyggingar- og framkvæmdasamningi við Skátafélagið Klakk lögð fram.
Ellert Örn Erlingsson forstöðumaður íþróttamála sat fundinn undir þessum lið.
Samfélags- og mannréttindaráð samþykkir drögin fyrir sitt leyti og vísar þeim til bæjarráðs.
Katrín Björg Ríkarðsdóttir framkvæmdastjóri samfélags- og mannréttindadeildar og Ellert Örn Erlingsson forstöðumaður íþróttamála mættu á fund bæjarráðs undir þessum lið.

Bæjarráð frestar afgreiðslu til næsta fundar.

3.Vinnuskóli 2014 - laun

2014040129

Tekin fyrir að nýju tillaga um laun í Vinnuskóla Akureyrarbæjar sumarið 2014. Bæjarráð frestaði afgreiðslu á fundi sínum þann 28. apríl sl.
Halla Margrét Tryggvadóttir starfsmannastjóri mætti á fund bæjarráðs undir þessum lið.

Bæjarráð samþykkir að laun unglinga í Vinnuskóla Akureyrarbæjar sumarið 2014 hækki samsvarandi og launaflokkur 115 í kjarasamningi Einingar-Iðju 1. mars sl. eða um 3,7% frá fyrra ári og verði sem hér segir:

14 ára kr. 382

15 ára kr. 436

16 ára kr. 573

10,17% orlof er greitt til viðbótar við tímakaup.

Samþykkt að hækka heildarfjölda vinnustunda í boði hjá hverjum árgangi sem hér segir:

Tímar hjá 14 og 15 ára verða alls 105 sumarið 2014, en voru áður 90 hjá hvorum árgangi. Tímar hjá 16 ára verða alls 180 en voru á sl. ári alls 144.

Bæjarráð mun endurskoða laun í vinnuskóla sumarið 2014 þegar kjarasamningur Sambands íslenskra sveitarfélaga við Einingu-Iðju liggur fyrir.

4.Sveitarstjórnarkosningar 31. maí 2014 - laun

2014010075

Umræður um laun vegna vinnu við kosningar.
Halla Margrét Tryggvadóttir starfsmannastjóri sat fundinn undir þessum lið.

5.Atvinnuátaksverkefni fyrir námsmenn og atvinnuleitendur í samvinnu við Vinnumálastofnun sumarið 2013

2013040124

Akureyrarbær fékk úthlutað 9 störfum vegna atvinnuátaks námsmanna.
Halla Margrét Tryggvadóttir starfsmannastjóri mætti á fund bæjarráðs undir þessum lið.

Bæjarráð telur þetta jákvætt og verða störfin auglýst í vikunni ásamt öðrum átaksverkefnum Akureyrarbæjar.

6.Kjarasamningaviðræður

2014050090

Halla Margrét Tryggvadóttir starfsmannastjóri fór yfir stöðu kjarasamningaviðræðna.

7.Orlof húsmæðra í Eyjafirði - rekstur 2013

2014050057

Lagt fram til kynningar yfirlit um rekstur Orlofssjóðs húsmæðra í Eyjafirði árið 2013 auk skýrslu orlofsnefndar.

8.Hverfisráð Hríseyjar - fundargerðir 2010-2015

2010020035

Lögð fram til kynningar 79. fundargerð hverfisráðs Hríseyjar dags. 16. apríl 2014.
Fundargerðina má finna á netslóðinni:
http://www.akureyri.is/is/stjornkerfid/hverfisnefndir/hrisey/fundargerdir

9.Hverfisnefnd Naustahverfis - fundargerðir 2014

2014010033

Lögð fram 58. fundargerð hverfisnefndar Naustahverfis dags. 28. apríl 2014. Fundargerðina má finna á netslóðinni:
http://www.akureyri.is/is/stjornkerfid/hverfisnefndir/naustahverfi/fundargerdir

Bæjarráð vísar 1. og 3. lið til framkvæmdadeildar, 2., 4. og 5. liður eru lagðir fram til kynningar í bæjarráði.

10.Álag og fjarvera í leikskólum Akureyrarbæjar

2013120098

1. liður í fundargerð skólanefndar dags. 5. maí 2014:
Lögð að nýju fyrir skýrsla um álag í leikskólum en afgreiðslu var frestað á síðasta fundi.
Í skýrslunni eru eftirfarandi tillögur til úrbóta lagðar fram:
- Afleysingahlutfall verði aukið úr 7% í 8,33% líkt og það var árið 2008.
- Heimilt verði að ráða strax í stöður vegna langtímaveikinda.
- Gerð verði úttekt á hljóðvist í öllum leikskólum Akureyrar með tilliti til húsnæðis, skipulags og fjölda barna á hverri deild eða í hverju rými.
- Gerð verði úttekt á vinnuaðstöðu og aðbúnaði í leikskólum Akureyrar.
- Gripið verði til aðgerða til heilsueflingar meðal starfsfólks og komið á fót heilsueflingarráði í hverjum skóla líkt og fram kemur í velferðarstefnu Akureyrar.
- Gripið verði til beinna aðgerða í þeim tilgangi að hvetja starfsfólk til hreyfingar s.s. með föstum greiðslum.
- Skráning forfalla verði bætt svo hægt verði að greina betur hvers eðlis þau eru.
- Við hönnun leikskóla verði gert ráð fyrir meira rými á hvert barn en nú er raunin og tryggð verði góð vinnuaðstaða.
- Akureyrarbær beiti sér fyrir því að hluti undirbúningstíma verði bundinn við hverja deild/leikskóla en ekki eingöngu hvern leikskólakennara.
Skólanefnd samþykkir fyrirliggjandi tillögur til úrbóta. Skólanefnd leggur til við bæjarráð að fjárveitingar til leikskóla verði auknar, á þessu fjárhagsári, um kr. 6.000.000 svo hækka megi afleysingaprósentu í leikskólum úr 7% í 8,33% frá og með 1. ágúst 2014 og kr. 7.500.000 frá 1. júní 2014, til að mæta því að geta ráðið strax inn afleysingu þegar fólk fer í langtímaveikindi.
Skólanefnd samþykkir að fela leikskólafulltrúa að vinna að öðrum úrbótatillögum í samráði við skólastjóra leikskólanna.
Skólanefnd þakkar starfshópnum fyrir góða vinnu.

Bæjarráð frestar afgreiðslu til næsta fundar.

Tryggvi Þór Gunnarsson L-lista vék af fundi kl. 11:00.

11.Búseti á Norðurlandi

2014010356

Lagt fram til kynningar erindi dags. 7. maí 2014 frá framkvæmdastjóra Búseta á Norðurlandi er varðar möguleika á að stofna til samstarfs um að koma á fót leigufélagi um langtímarekstur íbúða án hagnaðarkröfu.

12.Tónræktin - rekstur

2014030313

12. liður í fundargerð skólanefndar dags. 5. maí 2014:
Erindi dags. 3. apríl 2014 þar sem bæjarráð vísar erindi frá Birni Þórarinssyni, vegna reksturs Tónræktarinnar til skólanefndar. Í erindinu kemur fram að Björn mætti í viðtalstíma bæjarfulltrúa til að ræða málefni Tónræktarinnar sem verður 10 ára í ár. Björn er kominn á eftirlaun og ætlar að fara að hætta rekstrinum. Vill að bærinn skoði hvort hann vill koma að framhaldinu á rekstrinum eftir hans tíma. Segir þannig fyrirkomulag vera þekkt t.d. á Selfossi og í Reykjavík.
Hugmyndin er sú að bærinn myndi greiða laun eins starfsmanns og þá væri hægt að nota skólagjöldin í annan rekstur.
Hann fær kr. 750.000 frá bænum í reksturinn í dag.
Skólanefnd telur að Tónræktin skipi mikilvægan sess í bæjarlífinu og mælir með því að bæjarráð geri rekstrarsamning við Tónræktina.

Bæjarráð felur formanni bæjarráðs og bæjarstjóra að ræða við bréfritara.

13.Forsendur fyrir vinnu að langtímaáætlun Akureyrarbæjar

2013020022

Lagðar fram forsendur fyrir vinnu að langtímaáætlun Akureyrarbæjar.

Fundi slitið - kl. 11:50.