Bæjarráð

12. liður í fundargerð íþróttaráðs dags. 10. apríl 2014:
Drög að uppbyggingar- og framkvæmdasamningi við Nökkva félag siglingamanna á Akureyri lögð fram.
Íþróttaráð samþykkir drög að uppbyggingar- og framkvæmdasamningi við Nökkva og vísar honum til bæjarráðs.
Katrín Björg Ríkarðsdóttir framkvæmdastjóri samfélags- og mannréttindadeildar og Ellert Örn Erlingsson forstöðumaður íþróttamála mættu á fund bæjarráðs undir þessum lið.

1. liður í fundargerð samfélags- og mannréttindaráðs dags. 23. apríl 2014:
Drög að uppbyggingar- og framkvæmdasamningi við Skátafélagið Klakk lögð fram.
Ellert Örn Erlingsson forstöðumaður íþróttamála sat fundinn undir þessum lið.
Samfélags- og mannréttindaráð samþykkir drögin fyrir sitt leyti og vísar þeim til bæjarráðs.
Katrín Björg Ríkarðsdóttir framkvæmdastjóri samfélags- og mannréttindadeildar og Ellert Örn Erlingsson forstöðumaður íþróttamála mættu á fund bæjarráðs undir þessum lið.

Tekin fyrir að nýju tillaga um laun í Vinnuskóla Akureyrarbæjar sumarið 2014. Bæjarráð frestaði afgreiðslu á fundi sínum þann 28. apríl sl.
Halla Margrét Tryggvadóttir starfsmannastjóri mætti á fund bæjarráðs undir þessum lið.

Umræður um laun vegna vinnu við kosningar.
Halla Margrét Tryggvadóttir starfsmannastjóri sat fundinn undir þessum lið.

Akureyrarbær fékk úthlutað 9 störfum vegna atvinnuátaks námsmanna.
Halla Margrét Tryggvadóttir starfsmannastjóri mætti á fund bæjarráðs undir þessum lið.

Halla Margrét Tryggvadóttir starfsmannastjóri fór yfir stöðu kjarasamningaviðræðna.

Lagt fram til kynningar yfirlit um rekstur Orlofssjóðs húsmæðra í Eyjafirði árið 2013 auk skýrslu orlofsnefndar.

Lögð fram til kynningar 79. fundargerð hverfisráðs Hríseyjar dags. 16. apríl 2014.
Fundargerðina má finna á netslóðinni:
http://www.akureyri.is/is/stjornkerfid/hverfisnefndir/hrisey/fundargerdir

Lögð fram 58. fundargerð hverfisnefndar Naustahverfis dags. 28. apríl 2014. Fundargerðina má finna á netslóðinni:
http://www.akureyri.is/is/stjornkerfid/hverfisnefndir/naustahverfi/fundargerdir

1. liður í fundargerð skólanefndar dags. 5. maí 2014:
Lögð að nýju fyrir skýrsla um álag í leikskólum en afgreiðslu var frestað á síðasta fundi.
Í skýrslunni eru eftirfarandi tillögur til úrbóta lagðar fram:
- Afleysingahlutfall verði aukið úr 7% í 8,33% líkt og það var árið 2008.
- Heimilt verði að ráða strax í stöður vegna langtímaveikinda.
- Gerð verði úttekt á hljóðvist í öllum leikskólum Akureyrar með tilliti til húsnæðis, skipulags og fjölda barna á hverri deild eða í hverju rými.
- Gerð verði úttekt á vinnuaðstöðu og aðbúnaði í leikskólum Akureyrar.
- Gripið verði til aðgerða til heilsueflingar meðal starfsfólks og komið á fót heilsueflingarráði í hverjum skóla líkt og fram kemur í velferðarstefnu Akureyrar.
- Gripið verði til beinna aðgerða í þeim tilgangi að hvetja starfsfólk til hreyfingar s.s. með föstum greiðslum.
- Skráning forfalla verði bætt svo hægt verði að greina betur hvers eðlis þau eru.
- Við hönnun leikskóla verði gert ráð fyrir meira rými á hvert barn en nú er raunin og tryggð verði góð vinnuaðstaða.
- Akureyrarbær beiti sér fyrir því að hluti undirbúningstíma verði bundinn við hverja deild/leikskóla en ekki eingöngu hvern leikskólakennara.
Skólanefnd samþykkir fyrirliggjandi tillögur til úrbóta. Skólanefnd leggur til við bæjarráð að fjárveitingar til leikskóla verði auknar, á þessu fjárhagsári, um kr. 6.000.000 svo hækka megi afleysingaprósentu í leikskólum úr 7% í 8,33% frá og með 1. ágúst 2014 og kr. 7.500.000 frá 1. júní 2014, til að mæta því að geta ráðið strax inn afleysingu þegar fólk fer í langtímaveikindi.
Skólanefnd samþykkir að fela leikskólafulltrúa að vinna að öðrum úrbótatillögum í samráði við skólastjóra leikskólanna.
Skólanefnd þakkar starfshópnum fyrir góða vinnu.

Lagt fram til kynningar erindi dags. 7. maí 2014 frá framkvæmdastjóra Búseta á Norðurlandi er varðar möguleika á að stofna til samstarfs um að koma á fót leigufélagi um langtímarekstur íbúða án hagnaðarkröfu.

12. liður í fundargerð skólanefndar dags. 5. maí 2014:
Erindi dags. 3. apríl 2014 þar sem bæjarráð vísar erindi frá Birni Þórarinssyni, vegna reksturs Tónræktarinnar til skólanefndar. Í erindinu kemur fram að Björn mætti í viðtalstíma bæjarfulltrúa til að ræða málefni Tónræktarinnar sem verður 10 ára í ár. Björn er kominn á eftirlaun og ætlar að fara að hætta rekstrinum. Vill að bærinn skoði hvort hann vill koma að framhaldinu á rekstrinum eftir hans tíma. Segir þannig fyrirkomulag vera þekkt t.d. á Selfossi og í Reykjavík.
Hugmyndin er sú að bærinn myndi greiða laun eins starfsmanns og þá væri hægt að nota skólagjöldin í annan rekstur.
Hann fær kr. 750.000 frá bænum í reksturinn í dag.
Skólanefnd telur að Tónræktin skipi mikilvægan sess í bæjarlífinu og mælir með því að bæjarráð geri rekstrarsamning við Tónræktina.

Lagðar fram forsendur fyrir vinnu að langtímaáætlun Akureyrarbæjar.